Achinoam Nini
| Achinoam Nini | |
|---|---|
.jpg) | |
| Informazzjoni ġenerali | |
| Isem sħiħ | Achinoam Nini |
| Magħruf | Noa |
| Twieled | 23 ta' Ġunju 1969 |
| Oriġini | Tel Aviv, Iżrael |
| Ġeneru | Pop, world, Ebrajk, jazz, blues |
| Snin ta' attività | 1990–preżent |
| Sit uffiċjali | www.noasmusic.com |
Achinoam Nini (bl-Ebrajk: אֲחִינוֹעַם נִינִי Aẖinóʻam Nini; Tel Aviv, 23 ta' Ġunju, 1969), magħrufa iktar bl-isem professjonali, Noa, hi kantanta Iżraelita.
Karriera
[immodifika | immodifika s-sors]Imwielda f'Tel Aviv, Noa għexet minn mindu kellha sentejn sa meta kellha sbatax-il sena f'New York City, sakemm reġgħet lura l-Iżrael. Il-familja huma oriġinarjament mill-Jemen. Wara li serviet sentejn obbligatorji fl-Armata Iżraeljana. Noa tiftakar dan iż-żmien ta' konfużjoni: "kont waħdi, qalb ħafna tfajliet li kienu jitkellmu Ebrajk li jien ma kontx nifhem, konna norqdu bi xkubetta taħt is-sodda".
Fl-Iżrael tiltaqa' mat-tabib pedjatriku Asher Barak li aktar tard tiżżewwġu. Il-koppja għandhom żewġt itfal, Ayehli u Enea. F'dan l-istess żmien tibda l-karriera tagħha bħala kantana, fejn issir aktar famuża barra minn pajjiżha għan-numru kbir ta' kunċerti diretti, flimkien mal-kitarrista Gil Dor. Bħala dwett, l-istili mużikali tagħhom huma l-pop, ir-rock, il-blues, l-R&B, il-country, il-country western, il-folk, u l-mużika folk tal-Jemen u l-Italja. Noa kantant diversi kanzunetti bit-Taljan, il-Franċiż, l-Ispanjol, il-Galizjan, l-Ingliż, l-Għarbi, l-Ebrajk, it-Tajlandiż, il-Ħindu, il-Jemen Lhudi u kanzunetti folk u pop Arabiċi, kif ukoll talbiet Lhudin u Kristjani tradotti għall-Ebrajk u l-Ingliż.
Noa hi artista li tħobb tuża' l-mużika bħala strument ta' għaqda bejn popli li jinsabu f'kunflitt, partikularment fil-kwistjoni traġika tal-Lvant Nofsani. Il-kanzunetti tagħhom huma influwenzati mill-ambjent Iżraeljan, bil-kontradizzjonijiet tiegħu (bħal li jkollok l-għeruq fuq iż-żewġ naħat tal-baħar, kemm fil-pajjiż tad-diaspora, u kemm fl-Iżrael), l-uġigħ tiegħu (il-gwerra, it-terroriżmu) u l-isperanzi tiegħu.
F'Mejju 2009 irrappreżentat lill-Iżrael, flimkien mal-kantanta Għarbija-Iżraeljana Mira Awad, fl-54 edizzjoni tal-Festival tal-Eurovision, permezz tal-kanzunetta — kantata bl-Ingliż, l-Ebrajk u l-Għarbi — "There must be another way".
Diskografija
[immodifika | immodifika s-sors]- Achinoam Nini and Gil Dor Live (Lulju 1991)
- Achinoam Nini and Gil Dor (Settembru 1993)
- Noa (Marzu 1994)
- Calling (Mejju 1996)
- Achinoam Nini (April 1997)
- Achinoam Nini & the Israel Philharmonic Orchestra (April 1998)
- Blue Touches Blue (Marzu 2000)
- First Collection (Marzu 2001)
- Now (Settembru 2002)
- Noa Gold (Ottubru 2003)
- Noa Live (Ottubru 2005)
- Genes & Jeans (April 2008)
Ħoloq esterni
[immodifika | immodifika s-sors]| Predeċessur Boaz |
Iżrael fil-Festival tal-Eurovision (ma' Mira Awad) 2009 |
Suċċessur |