Opossum ġurdien tat-Tramuntana
| Opossum ġurdien tat-Tramuntana | |
|---|---|
 |
|
| Opossum ġurdien tat-Tramuntana Caenolestes convelatus | |
| Klassifikazzjoni xjentifika | |
| Renju: | Animalia |
| Phylum: | Chordata |
| Klassi: | Mammalia |
| Infraklassi: | Metatheria |
| Superordni: | Ameridelphia |
| Ordni: | Paucituberculata |
| Familja: | Caenolestidae |
| Ġeneru: | Caenolestes |
| Speċi: | C. convelatus |
| Isem binominali | |
| Caenolestes convelatus Anthony, 1924 |
|
 |
|
| Firxa ta' Caenolestes convelatus | |
L-Opossum ġurdien tat-Tramuntana (Caenolestes convelatus), huwa mammiferu marsupjal notturnu u solitarju, pjuttost rari, li jgħix fin-naħa ta' fuq tal-kontinent tal-Amerika t'Isfel.
Werrej |
Deskrizzjoni [editja]
Din l-ispeċi hija simili ħafna tal-ispeċi l-oħra li qegħdin miġburin fl-istess ġeneru {Caenolestes} speċjalment tal-opossum ġurdien ta' żaqqu griża (Caenolestes caniventer).
L-opossum ġurdien tat-Tramuntana jingħaraf minn dak ta' żaqqu griża mid-daqs akbar tad-dras u mid-daqs iżgħar jekk mhux in-nuqqas totali tat-tieqa antorbitali. Dan għandu l-pil qasir u folt ta' lewn ftit aktar skur minn ta' l-opossum ġurdien ta' żaqqu griża u wiċċ twil għall-ponta mgħammar b' par għajnejn żgħar, b' par widnejn tondi.
It-tul totali huwa ta' 256 millimetru, ir-ras u l-ġisem 132 millimetru u d-denb ta' 124 millimetru ieħor, filwaqt il-piż totali huwa ta' madwar 45 gramma.
In-nisa ta' dan il-marsupjal bħal l-ispeċijiet kollha ta' l-ordni Paucituberculata ma għandhomx marsupju.
Dieta [editja]
L-Opossum ġurdien tat-Tramuntana huwa marsupjal karnivoru u jiekol varjetà ta' insetti u annimali vertebrati u invertebrati żgħar.
Distribuzzjoni [editja]
L-Opossum ġurdien tat-Tramuntana jinsab biss f' 2 pajjiżi, u kull wieħed għandu popolazzjoni għalih. Hemm popolazzjoni minnhom fit-Tramuntana tal-Ekwador u l-popolazzjoni l-oħra fit-Tramuntana tal-Kolombja. Dawn il-popolazzjonijiet huma ġeografikament mifrudin.
Klassifikazzjoni [editja]
- Ordni Paucituberculata
- Familja Caenolestidae
- Ġeneru Caenolestes
- Opossum ġurdien tat-Tramuntana, Caenolestes convelatus
- Ġeneru Caenolestes
- Familja Caenolestidae
Konservazzjoni [editja]
Din l-ispeċi, fil-lista l-ħamra tal-Unjoni Internazzjonali għall-Konservazzjoni tan-Natura (IUCN) qegħdha mniżżla bħala fi stat ta' riskju baxx ta' estinzjoni.
Referenzi [editja]
- Wilson, D. E.; Reeder, D. M. Mammal Species of the World, 3rd edition, Johns Hopkins University Press, ISBN 0-8018-8221-4
Ħoloq esterni [editja]
- Caenolestes convelatus, Lista Ħamra tal-IUCN 2007
