Microsoft

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Microsoft logo (2012).svg

Microsoft hija kumpanija multinazzjonali Amerikana li timmanufattura u tipproggramma s-softwer tal-kompjuters. Il-kumpanija hi bbażata f'Redmond, fl-istat ta' Washington, u hi l-aktar magħrufa għas-sistema operattiva tagħha Microsoft Windows u s-set ta' softwer tal-Microsoft Office.

Il-kumpanija l-ewwel bdiet tipproduċi softwer għal servers u kompjuters kbar, iżda lejn in-nofs tat-tmeninijiet bdiet tintroduċi softwer għal kompjuters privati u domestiċi. Barra minn softwer, Microsoft għandha bosta assi jew kontroll sħiħ f'kumpaniji oħra bħal MSNBC (stazzjon tat-televiżjoni), il-portal tal-internet MSN, u oħrajn.

Matul iż-żmien, Microsoft kienet ikkritikata ferm, saħansitra minn gvernijiet u kummisjonijiet Ewropej fuq il-monopolju tagħha, u n-nuqqas ta' kompetittività tagħha.