Josie Coppini

Dan l-artiklu ġie ppubblikat l-ewwel fil-Wikipedija bil-Malti
Minn Wikipedija, l-enċiklopedija l-ħielsa

Josie Coppini
Ħajja
Okkupazzjoni

Josie Coppini (Valletta, 21 ta' Diċembru 1933 - 28 ta' Lulju 1998) kien attur Malti.

Studji[immodifika | immodifika s-sors]

Ħa l-edukazzjoni fil-Kulleġġ Stella Maris, Gżira.

Teatru[immodifika | immodifika s-sors]

L-ewwel imħabba lejn il-palk kienet permezz tal-mużika, liema passjoni ġiet mill-familja. Coppini kien imħarreġ bħala baritonu minn zijuh, Joseph Satariano.

Wara li Narcy Calamatta ħajru jagħmel kors fid-drama, huwa ħa t-tmexxija fil-produzzjoni She's Done It Again.

Fost oħrajn ħa sehem ukoll fl-opra Ġensna, Iskra u fil-La Traviata ta' Verdi fit-Teatru Manoel.

Josie kellu diversi partijiet ukoll fil-films The Trenchcoat, Final Justice u Black Eagle.

Produzzjonijiet oħra li ħa sehem fihom huma Triq Waħda, interpreta l-parti tas-Sur Nin fis-serje F'Baħar wieħed (1977), In-neputija tal-kappillan u fil-produzzjoni Issa naraw.

L-aħħar dehra tiegħu kienet fil-produzzjoni popolari tal-PBS, Ir-Ronnie.

Mewt[immodifika | immodifika s-sors]

Huwa miet fl-eta' ta 64 sena. Id-difna saret fiċ-ċimiterju ta’ Santa Maria Addolorata, Raħal Ġdid.