Foresti Tropikali tal-Atsinanana
Il-Foresti Tropikali tal-Atsinanana huma Sit ta' Wirt Dinji tal-UNESCO li tniżżel fil-lista fl-2007 u jikkonsistu minn 13-il żona speċifika maqsuma f'sitt parks nazzjonali fil-Lvant ta' Madagascar.[1]
Deskrizzjoni
[immodifika | immodifika s-sors]Il-Foresti Tropikali tal-Atsinanana huma mifruxa tul in-naħa tal-Lvant tal-gżira ta' Madagascar. Dawn il-foresti relitti huma kritikament importanti għaż-żamma tal-proċessi ekoloġiċi kontinwi neċessarji għall-għajxien tal-bijodiversità unika ta' Madagascar, li tirrifletti l-istorja ġeoloġika tal-gżira. Wara li temmet is-separazzjoni tagħha minn kull massa oħra ta' art iżjed minn 60 miljun sena ilu, il-pjanti u l-annimali ta' Madagascar evolvew f'iżolament. Il-foresti tropikali tniżżlu bħala Sit ta' Wirt Dinji tal-UNESCO kemm għall-proċessi ekoloġiċi u bijoloġiċi kif ukoll għall-bijodiversità u għall-ispeċijiet mhedda li jappoġġaw. Bosta speċijiet huma rari u mhedda, speċjalment il-lemurs u primati oħra.
Sit ta' Wirt Dinji
[immodifika | immodifika s-sors]Il-Foresti Tropikali tal-Atsinanana ġew iddeżinjati bħala Sit ta' Wirt Dinji tal-UNESCO fl-2007.[1]
Il-valur universali straordinarju tas-sit ġie rrikonoxxut abbażi ta' żewġ kriterji tal-għażla tal-UNESCO: il-kriterju (ix) "Eżempju straordinarju li jirrappreżenta proċessi ekoloġiċi u bijoloġiċi kontinwi sinifikanti fl-evoluzzjoni u fl-iżvilupp ta' ekosistemi u ta' komunitajiet ta' pjanti u ta' annimali terrestri, tal-ilma ħelu, kostali u tal-baħar"; u l-kriterju (x) "Post fejn hemm l-iktar ħabitats naturali importanti u sinifikanti għall-konservazzjoni fil-post tad-diversità bijoloġika, inkluż fejn hemm speċijiet mhedda ta' valur universali straordinarju mill-perspettiva tax-xjenza jew tal-konservazzjoni".[1]
Komponenti
[immodifika | immodifika s-sors]| Kodiċi tal-UNESCO | Isem uffiċjali | Reġjun | Koordinati | Ettari | Ritratt |
|---|---|---|---|---|---|
| 1257-001/002 | Park Nazzjonali ta' Marojejy | Sava | 14° 27′ 35″ S, 49° 42′ 9″ O | 59.751,80 | 
|
| 1257-003 | Park Nazzjonali ta' Masoala | Sava, Analanjirofo | 15° 9′ 57″ S, 50° 16′ 18″ O | 1165,00 | 
|
| 1257-004 | 15° 15′ 44″ S, 50° 16′ 32″ O | 84,00 | |||
| 1257-005 | 15° 27′ 55″ S, 50° 11′ 9″ O | 732,00 | |||
| 1257-006 | 15° 34′ 16″ S, 50° 7′ 32″ O | 476,00 | |||
| 1257-007 | Riżerva Marina tal-Park Nazzjonali ta' Masoala | 15° 45′ 39″ S, 49° 58′ 29″ O | 3.256,40 | ||
| 1257-008 | Park Nazzjonali ta' Zahamena | Alaotra-Mangoro, Analanjirofo, Atsinanana | 17° 37′ 45″ S, 48° 43′ 30″ O | 69.898,50 | 
|
| 1257-009 | Park Nazzjonali ta' Ranomafana | Vatovavy-Fitovinany, Haute Matsiatra | 21° 5′ 24″ S, 47° 18′ 0″ O | 25.186,00 | 
|
| 1257-010 | 21° 7′ 12″ S, 47° 12′ 36″ O | 13.706,00 | |||
| 1257-011 | 21° 11′ 24″ S, 47° 15′ 0″ O | 1.608,00 | |||
| 1257-012 | Park Nazzjonali ta' Andringitra | Ihorombe, Haute Matsiatra | 22° 13′ 22″ S, 46° 55′ 44″ O | 32.074,50 | 
|
| 1257-013 | Park Nazzjonali ta' Andohahela | Anosy | 24° 45′ 10″ S, 46° 47′ 9″ O | 64.547,00 | 
|
Referenzi
[immodifika | immodifika s-sors]- ^ a b ċ Centre, UNESCO World Heritage. "Rainforests of the Atsinanana". UNESCO World Heritage Centre (bl-Ingliż). Miġbur 2024-01-27.