Coccinella

Coccinella
Klassifikazzjoni xjentifika
Renju:	Animalia;
Phylum:	Arthropoda;
Sottodiviżjoni:	*Coccinella californica Coccinella hieroglyphica; Coccinella monticola; Coccinella novemnotata; Coccinella septempunctata; Coccinella transversoguttata; Coccinella trifasciata; Coccinella undecimpunctata; ;
Klassi:	Insecta;
Ordni:	Coleoptera;
Familja:	Coccinellidae;
Ġeneru:	Coccinella; Linnaeus, 1758

Il-ġeneru Coccinella huwa wieħed mill-iktar ġeneri familjari tan-nannakoli. Tipikament, il-membri ta' dan il-ġeneru ikollhom ġwienaħ protettivi (elitra) ta' lewn aħmar jew oranġjo mżewqin b'tikkek jew faxxex ta' lewn iswed. Dan il-ġeneru għandu membri imferrxin l-iktar fl-emisfera ta' fuq tad-dinja.

L-isem ta' dan il-ġeneru jiġi mill-kelma Latina coccineus, li tirreferi għall-kulur aħmar.

L-adulti u l-larva huma predaturi insettivori u jieklu varjetà ta' insetti żgħar. Fost dawn l-insetti insibu il-mell/l-afidi (aphids) u il-miskta (scale insects), li huma parassiti ta' prodotti agrikoli. Ċerti speċi ta' dan il ġeneru (eż. Coccinella septempunctata) jintużaw bħala kontroll bijoloġiku u jiġu mferrxa fl-għelieqi biex jikkontrollaw il-popolazzjoni ta' insetti parassiti.

Gallerija

Speċi ta' Coccinella mill-Istati Uniti
Coccinella septempuntata, speċi komuni fil-kampanja Maltija
Speċi ta' Coccinella tistrieħ fuq pjanta

Ħoloq esterni