Manucho Gonçalves
Minn Wikipedija, l-enċiklopedija l-ħielsa
Manucho  |
||
| Informazzjoni personali | ||
|---|---|---|
| Isem sħiħ | Mateus Alberto Contreiras Gonçalves | |
| Twelid | 7 ta' Marzu 1983 Luanda |
|
| Pajjiż |  Angola |
|
| Tul | 1.88 m | |
| Rwol | Attakkant | |
| Informazzjoni fuq il-klabb | ||
| Klabb kurrenti | Real Valladolid | |
| Klabbs ġovanili | ||
| 1997–1999 | Flamenguinhos | |
| Klabbs professjonali | ||
| Snin | Klabb | Preż (Gwl)* |
| 1999–2002 2002–2008 2008–2009 2008 2009 2009– |
Benfica de Luanda Petro Atletico Manchester United → Panathinaikos (self) → Hull City (self) Real Valladolid |
12 (5) 78 (34) 1 (0) 7 (4) 13 (2) |
| Tim nazzjonali | ||
| 2007– | Angola | 15 (6) |
|
Aġġornament: 17:50, 17 Ġunju 2009 (UTC) |
||
Mateus Alberto Contreiras Gonçalves (Luanda, 7 ta' Marzu 1983), magħruf aħjar bħala Manucho huwa plejer tal-futbol mill-Angola. Hu ttrasferixxa minn Petro Atletico għal Manchester United f'Jannar 2008.[1] Qabel ma lagħab partita waħda ma' United, hu ġie msellef lit-tim Grieg ta' Panathinaikos għall-istaġun 2007–08 sakemm jingħatalu l-permess tax-xogħol. F'Jannar tal-2008 ġie msellef lit-tim ta' Hull City għall-kumplament tal-istaġun. Hu hu membru wkoll tat-tim nazzjonali tal-Angola. Sussegwentament ingħaqad mal-klabb Spanjol ta' Real Valladolid.
Werrej |
[editja] Karriera
Manucho beda l-karriera fil-futbol ma' Flamenguinhos, tim ġovanili żgħir minn Terra Nova, Luanda, fejn kien jgħix. Taħt il-gwida tal-kowċ u missieru, Alberto Gonçalves, Manucho beda jilgħab fuq fuq il-faxxa xellugija u bil-mod il-mod sar wieħed mill-istilel tal-klabb.
[editja] Bidu tal-karriera
Manucho iffirma mat-tim ta' Benfica de Luanda, klabb medjutal-kampjonat tal-Angola. Hu mbagħad mexa għal mat-tim ta' Petro Atletico, fejn inizzjalment bata daqxejn biex jagħmel numru ta' apparenzi minħabba l-preżenza tal-attakkant Flávio Amado. Wara li Flávio ngħaqad mat-tim Eġizzjan ta' Al-Ahly, Manucho stabilixxa ruħu fit-tim, fejn skorja 16-il gowl fl-2006 u 15 fl-2007.
[editja] Manchester United
Fil-21 ta' Diċembru 2007, kien imħabbar li Manucho qabel biex jiffirma mal-klabb tal-Premier League Ingliż Manchester United. Hu ngħaqad mal-klabb f'Jannar tal-2008 f'kuntratt ta' tliet snin.[1] Qabel din l-aħbar, Manucho kien fi tliet ġimgħat ta' prova mat-tim ta' Manchester, fejn irnexxielu jimpressjona biżżejjed lill-kowċ ta' United Sir Alex Ferguson biex jiffirma kuntratt.
Fil-31 ta' Jannar 2008, kien imħabbar li Manucho kien ingħata b'self lit-tim Grieg ta' Panathinaikos, għall-aħħar parti tal-istaġun 2007–08, minħabba kumplikazzjonijiet biex jakkwista permess għax-xogħol, fejn din servietu ta' spunt biex jakkwista aktar esperjenza. Il-perjodu ta' self beda wara l-eliminazzjoni tal-Angola mit-Tazza Afrikana 2008 mill-Eġittu. Ma' Panathinaikos skorja fid-debutt tiegħu fir-rebħa ta' 2–0 kontra Larissa. Il-forma tajba ta' Manucho wasslet biex Panathinaikos jikkwalifikaw għall-UEFA Champions League 2008–09.
Fl-aħħar tal-istaġun, Manucho irritorna lura lejn Manchester United għall-pre-kampjonat fl-Afrika t'Isfel. Madanakollu, kien suspettat li weġġa' fil-metatarsu u b'hekk ma kienx possibli li jkun parti mill-programm tal-pre-kampjonat. F'Awwissu tal-2008, il-klabb ikkonferma li huma kienu reġgħu applikaw għall-permess tax-xogħol għal Manucho biex b'hekk ikun jista' jilgħab magħhom.[2] Ftit wara kien imħabbar li Manucho kien ingħata l-permess, hekk kif din l-aħbar ġiet ukoll ikkonfermata mis-sit uffiċjali tal-klabb.[3] Manucho ingħata n-numru 26 għall-istaġun 2008–09, fejn iddebutta bħala sostitut fit-23 ta' Settembru 2008 fit-Tielet Rawnd tal-League Cup kontra Middlesbrough, liema partita United rebħu 3–1. Id-debutt fil-kampjonat wasal fil-15 ta' Novembru 2008, fejn daħal bħala sostitut fil-partita mirbuħa minn United bl-iskor ta' 5–0 kontra Stoke City, fejn assista r-raba' gowl skorjat minn Danny Welbeck.
[editja] Hull City
Wara li sab opportunitajiet limitati mal-ewwel tim, fis-16 ta' Jannar 2009 Manucho qabel li jingħaqad ma' Hull City taħt self sa tmiem l-istaġun. Id-debutt wasal fit-telfa ta' 3–1 kontra Arsenal,[4] u nhar l-4 ta' Marzu 2009 wasal l-ewwel gowl tiegħu fil-Premier League, gowl fl-aħħar minuta li ta rebħa prezzjuża ta' 1–0 kontra Fulham.[5]
[editja] Internazzjonali
Manucho kien membru tat-tim tal-Angola fil-fażi ta' kwalifikazzjoni għat-Tazza Afrikana 2008.
F'Jannar tal-2008, hu kien imsejjaħ fit-tim tal-Angola għat-Tazza Afrikana 2008 li saret fil-Gana. Hu skorja l-ewwel gowl fl-ewwel partita tal-Angola kontra l-Afrika t'Isfel, u skorja darbtejn oħra kontra s-Senegal fir-rebħa ta' 3–1. Fl-4 ta' Frar, Manucho skorja l-unika gowl tal-Angola fit-telfa ta' 2–1 kontra l-Eġittu. Minkejja li r-riżultat kien ifisser l-eliminazzjoni tal-Angola mill-kompetizzjoni, il-gowl ta' Manucho minn madwar 20 metru kien ivvutat bħala "Il-Gowl tal-Kampjonat". Fl-aħħar tal-kampjonat, Manucho kien inkluż fl-"Aqwa XI", tim bl-aqwa plejers f'kull pożizzjoni.
[editja] Referenzi
- ^ a b Boss reveals new signing (Ingliż), ManUtd.com, 21-12-2007 (Aċċessata nhar il-13-04-2008).
- ^ Ferguson to give Campbell chance (Ingliż), BBC Sport, 03-08-2008 (Aċċessata nhar il-01-09-2008).
- ^ Reds line up for team photo (Ingliż). ManUtd.com (28-08-2008). Aċċessata nhar il-02-09-2008.
- ^ Ashenden, Mark. Hull 1-3 Arsenal (Ingliż), BBC Sport, 17-01-2009 (Aċċessata nhar il-17-01-2009).
- ^ Sanghera, Mandeep. Fulham 0-1 Hull City (Ingliż), 04-03-2009 (Aċċessata nhar il-04-03-2009).
