Denílson Pereira Neves

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Denílson
Denílson Pereira Neves.jpg
Informazzjoni personali
Isem sħiħ Denílson Pereira Neves
Twelid 16 ta' Frar 1988 (1988-02-16) (26 sena)
São Paulo
Pajjiż Bandiera tal-Brażil Brażil
Tul 1.80 m
Rwol Midfilder
Informazzjoni fuq il-klabb
Klabb kurrenti São Paulo
(taħt self minn Arsenal)
Numru 15
Klabbs ġovanili
São Paulo
Klabbs professjonali*
Snin Klabb Preż Gwls
2005–2006 São Paulo 13 (0)
2006– Arsenal 96 (7)
2006– São Paulo (self) 20 (0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 14:39, 30 Awwissu 2012 (UTC)

Denílson Pereira Neves, magħruf sempliċement bħala Denílson (São Paulo, 16 ta' Frar 1988) huwa plejer tal-futbol Brażiljan li jilgħab f'nofs il-grawnd. Attwalment jinsab mal-klabb ta' São Paulo, taħt self mingħand Arsenal.

Bijografija[editja]

L-ewwel snin[editja]

Imwieled fil-belt ta' São Paulo, Denílson huwa t-tieni fost erbat aħwa ta' José Neves u Luciene Pereira. Missieru kien eks-plejer ta' Botafogo.

Karriera fil-futbol[editja]

Beda l-esperjenza fil-futbol mal-klabb lokali ta' São Paulo, fejn kien parti mit-tim rebbieħ tal-Copa Libertadores 2005 u tat-Tazza tad-Dinja tal-Klabbs 2005. Madanakollu fl-istaġun li qatta' mal-ewwel tim ġie wżat biss tnax-il darba, bi tmien preżenzi jiġu minn fuq il-bankina.

Fil-31 ta' Awwissu 2006, ingħaqad mal-klabb Ingliż ta' Arsenal għas-somma ta' £3.4 miljun. Ħafna baqgħu sorpriżi b'dan it-trasferiment minħabba n-nuqqas ta' esperjenza tiegħu.[1] Id-debutt tiegħu wasal fl-24 ta' Ottubru 2006, fil-logħba valida mit-tielet rawnd tal-Carling Cup kontra West Bromwich Albion. Hu kien preżenti matul il-kampanja kollha fejn lagħab ukoll il-finali mitlufa kontra Chelsea bl-iskor ta' 2–1. Hu ddebutta fil-Premier League fit-30 ta' Diċembru 2006 bħala sostitut fit-telfa ta' 1–0 kontra Sheffield United.

L-ewwel gowl mal-Gunners wasal fil-25 ta' Settembru 2007, f'partita mit-tielet rawnd tal-Carling Cup kontra Newcastle United li assigurat rebħa ta' 2–0. L-ewwel logħba mal-ewwel ħdax kienet fl-24 ta' Novembru 2007 kontra Wigan Athletic.

Fl-istaġun segwenti 2008–09, bit-tluq ta' diversi plejers veterani hu sab aktar post fl-iskwadra u fforma koppja ma' Cesc Fàbregas f'nofs il-grawnd. F'dak l-istaġun lagħab 37 logħba fil-kampjonat minn 38.

Fl-istaġuni li segwew minħabba l-emerġenza taż-żagħżugħ Jack Wilshere u l-problemi fiżiċi tiegħu, fl-istaġun 2010–11 beda biss sitt partiti tal-kampjonat minn total ta' 16 li lagħab. B'riżultat ta' dan, fit-18 ta' Lulju 2011 ġie msellef lura lill-klabb ta' São Paulo.[2]

Referenzi[editja]

  1. ^ (Ingliż) Denilson times his run to perfection. Guardian, 31-01-2007
  2. ^ (Ingliż) Arsenal midfielder Denilson returns to Brazil. BBC Sport, 18-07-2011

Ħoloq esterni[editja]