Ara s-sors ta' Sviyazhsk

{{Infobox city}}

'''Sviyazhsk''' (bir-[[Lingwa Russa|Russu]]: Свия́жск; bit-[[Lingwa tat-Tatari tal-Krimea|Tatar]]: Зөя) hija lokalità rurali (''selo'') fir-Repubblika tat-[[Tatarstan]], ir-[[Russja]], li tinsab fil-konfluwenza tax-xmajjar Volga u Sviyaga. Spiss tiġi deskritta bħala gżira mill-kostruzzjoni fl-1955 tal-Ġibjun ta' Kuybyshev iktar 'l isfel f'Tolyatti, iżda fil-fatt hija kkollegata mal-art kontinentali permezz ta' pont.<ref>{{Ċita web|url=http://hometoroam.blogspot.com/2012/06/sviyazhsk.html|titlu=home to roam: Sviyazhsk|kunjom=Roam|isem=Home To|data=2012-06-20|data-aċċess=2024-04-28}}</ref>

Fl-2017, il-[[Katidral]] u l-Monasteru tat-Tlugħ is-Sema tniżżlu fil-lista tas-[[Sit ta' Wirt Dinji|Siti ta' Wirt Dinji]] tal-[[UNESCO]].<ref name=":0">{{Ċita web|url=https://whc.unesco.org/en/list/1525/|titlu=Assumption Cathedral and Monastery of the town-island of Sviyazhsk|kunjom=Centre|isem=UNESCO World Heritage|sit=UNESCO World Heritage Centre|lingwa=en|data-aċċess=2024-04-28}}</ref>

Sviyazhsk ġiet stabbilita fl-1551 bħala fortizza, li nbniet fi żmien erba' ġimgħat minn partijiet magħmula f'Uglich u li ġew ittrasportati 'l isfel permezz tax-xmara Volga. Saret bażi militari tal-armata Russa matul l-assedju ta' [[Kazan]] (1552).

Mis-seklu 18, Sviyazhsk intużat bħala ċentru ta' ''uyezd''. Fl-1920–1927, kienet ċentru tal-Kanton ta' Sviyazhsky; fl-1927–1931 imbagħad saret iċ-ċentru amministrattiv tad-Distrett ta' Sviyazhsky. Fl-1932, ġiet deklassifikata għal status rurali.

F'Sviyazhsk hemm skola, klabb kif ukoll monasteru assoċjati ma' isem [[Macarius ta' Unzha]].

L-istazzjon ferrovjarju ta' Sviyazhsk jinsab sitt kilometri (3.7 mili) fil-Punent tal-gżira u huwa kkollegat maċ-ċentru tal-lokalità permezz ta' awtostrada li tgħaddi tul pont.

Mod ieħor biex wieħed jasal fil-lokalità ta' Sviyazhsk huwa bid-dgħajsa mill-port ta' Kazan. Kuljum fis-sajf fit-08:30 lanċa veloċi titlaq mill-moll nru 8, u fid-09:00 titlaq dgħajsa normali. Il-biljetti jistgħu jinxtraw mingħand il-kaxxier ta' fejn il-moll.

== Popolazzjoni storika ==

* 1989: 747 ruħ (Russi - 66 %; Tatari - 27 %);
* 2000: 258 ruħ.

== Sit ta' Wirt Dinji ==
Il-Katidral u Monasteru tat-Tlugħ is-Sema tal-belt-gżira ta' Sviyazhsk ġew iddeżinjati bħala Sit ta' Wirt Dinji tal-UNESCO fl-2017.<ref name=":0" />

Il-valur universali straordinarju tas-sit ġie rrikonoxxut abbażi ta' żewġ kriterji tal-għażla tal-UNESCO: il-'''kriterju (ii)''' "Wirja ta' skambju importanti ta' valuri [[Bniedem|umani]], tul perjodu ta' żmien jew fi ħdan żona [[Kultura|kulturali]] fid-[[Id-Dinja|dinja]], dwar l-iżviluppi fl-arkitettura jew it-teknoloġija, l-[[arti]] [[Monument|monumentali]], l-ippjanar tal-bliet jew id-disinn tal-pajsaġġ"; u l-'''kriterju (iv)''' "Eżempju straordinarju ta' tip ta' bini, ta' grupp ta' siti jew ta' pajsaġġ arkitettoniku jew teknoloġiku li joħroġ fid-dieher stadju/i sinifikanti fl-[[Storja|istorja]] tal-bniedem".<ref name=":0" />

== Knisja u Monasteru tat-Tlugħ is-Sema ta' Sviyazhsk ==
[[File:Свияжск_Успенско-Богородичный_мужской_монастырь_коптер.jpg|ħolqa=https://en.wikipedia.org/wiki/File:%D0%A1%D0%B2%D0%B8%D1%8F%D0%B6%D1%81%D0%BA_%D0%A3%D1%81%D0%BF%D0%B5%D0%BD%D1%81%D0%BA%D0%BE-%D0%91%D0%BE%D0%B3%D0%BE%D1%80%D0%BE%D0%B4%D0%B8%D1%87%D0%BD%D1%8B%D0%B9_%D0%BC%D1%83%D0%B6%D1%81%D0%BA%D0%BE%D0%B9_%D0%BC%D0%BE%D0%BD%D0%B0%D1%81%D1%82%D1%8B%D1%80%D1%8C_%D0%BA%D0%BE%D0%BF%D1%82%D0%B5%D1%80.jpg|lemin|daqsminuri|Veduta tal-kumpless mill-ajru.]]
Il-Knisja u l-Monasteru tat-Tlugħ is-Sema ta' Sviyazhsk (bir-Russu: Свияжский Успенский монастырь) f'Sviyazhsk, ir-Repubblika tat-Tatarstan, ir-Russja huma monasteru u knisja [[Knisja Ortodossa Russa|Ortodossi Russi]], u huma Sit ta' Wirt Dinji tal-UNESCO. Jingħad li jinsabu fil-belt-gżira ta' Sviyazhsk, iżda fil-fatt hemm aċċess permezz ta' pont/triq. Inbnew fl-1555, fl-istess żmien meta ġiet stabbilita d-Djoċesi ta' Kazan, u l-knisja u l-monasteru kienu ċ-ċentru prinċipali tal-edukazzjoni u tal-illuminiżmu matul is-sekli 16-18, skont il-programm tal-ksar Russu [[Ivan it-Terribbli]] biex jikkolonizza r-reġjun tax-xmara Volga. B'mod partikolari, il-kumpless kellu waħda mill-ewwel stamperiji fir-Russja, flimkien mal-Istamperija ta' [[Moska]]. L-affreski tal-monasteru Ortodoss huma fost l-iżjed ippreservati fir-Russja.

== Gallerija ==
<gallery>
File:Sviyazhsk_Ioanno-Predtechensky_Convent_08-2016_img4.jpg|ħolqa=https://en.wikipedia.org/wiki/File:Sviyazhsk_Ioanno-Predtechensky_Convent_08-2016_img4.jpg|Il-Knisja tat-[[It-Trinità Mqaddsa|Trinità]].
File:Sviyazhsk_Rozhdestvenskaya_Street_and_pier_08-2016_img1.jpg|ħolqa=https://en.wikipedia.org/wiki/File:Sviyazhsk_Rozhdestvenskaya_Street_and_pier_08-2016_img1.jpg|Veduta tal-moll.
File:Sviyazhsk_Horseyard_08-2016_img1.jpg|ħolqa=https://en.wikipedia.org/wiki/File:Sviyazhsk_Horseyard_08-2016_img1.jpg|Stalel taż-[[Żiemel|żwiemel]] tal-Monasteru ta' Uspensky.
File:Sviyazhsk_Uspensky_Monastery_08-2016_img5.jpg|ħolqa=https://en.wikipedia.org/wiki/File:Sviyazhsk_Uspensky_Monastery_08-2016_img5.jpg|Il-Monasteru ta' Uspensky.
</gallery>

== Referenzi ==

[[Kategorija:Siti ta' Wirt Dinji Kulturali]]
[[Kategorija:Bliet]]
[[Kategorija:Russja]]
[[Kategorija:Siti ta' Wirt Dinji fir-Russja]]