Osama Bin Laden

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Osama bin Laden

Osama bin Moħammed bin Awad bin Laden (bl-Għarbi: أسامة بن محمد بن عوض بن لادن‎, ʾUsāmah bin Muḥammad bin ʿAwaḍ bin Lādin; Riyad, 10 ta' Marzu 1957Abbottabad, 1 ta' Mejju 2011) kien membru tal-familja bin Laden, familja biljunarja Sawdija u fundatur tal-organizzazzjoni ġiħadija al-Qagħida, responsabbli għall-attakki tal-11 ta' Settembru fuq l-Istati Uniti tal-Amerka u ħafna attakki fuq miri ċivili u militari b'eluf ta' vittmi. Minħabba dan Osama bin Laden tilef iċ-ċittadinanza Sawdija tiegħu u ġie miċħud minn familtu.

Bin Laden kien fuq il-listi tal-American Federal Bureau of Investigation tal-iktar għaxar maħruba mfittxija u l-iktar terroristi mfittxija, għall-involviment tiegħu fl-isplużjonijiet ta' ambaxxati Amerikani fl-1998. Wara l-2001, Osama bin Laden kien il-mira ewlenija tal-War on Terror tal-Istati Uniti. Bin Laden u l-mexxejja l-oħra ta' al-Qagħida kien maħsub li kienu mistoħbija fuq il-fruntiera bejn l-Afganistan u l-Pakistan.

Assassinat[editja]

Nhar l-1 ta' Mejju 2011, il-President Amerikan Barack Obama ħabbar li unita' żgħira speċjali tal-Istati Uniti fetħet attakk dirett fuq Bin Laden, fil-belt ta' Abbottabad, madwar 60 mil 'il barra mill-kapitali tal-Pakistan, Islamabad. Ingħad li Bin Laden ċaħad l-għażla li ingħata li jagħti ruħu b'idejh, bil-konsegwenza li spiċċa maqtul fl-isparatura li żviluppat bejn iż-żewġ naħat. Ingħad ukoll li fl-attakk inqatlu wkoll membri oħra tal-familja tiegħu, b'wieħed minnhom ikun iben l-istess Bin Laden.

Wara li ħarġet l-aħbar ta' din il-mewt, ċentri diplomatiċi Amerikani madwar id-dinja tpoġġew fuq l-ogħla livell ta' twissija, filwaqt li ċittadini madwar id-dinja qed jitwissew biex joqgħodu iktar attenti, minħabba l-biża' li sostenituri ta' Bin Laden jistgħu jirritaljaw.

Malli ħarġet l-aħbar, mijiet ta' nies inġabru quddiem il-White House u b'mod spontanju kantaw diversi innijiet, fosthom, l-innu nazzjonali.