Ara s-sors ta' Kleopatra VII

{{Infobox bijografija}}

'''Kleopatra VII Thea Filopator''' (Κλεοπάτρα Θεά Φιλοπάτωρ; [[Lixandra]], 69 Q.K. – Lixandra, 12 ta' Awwisu 30 Q.K.)<ref>Alan K. Bowman, ''Egypt After the Pharaohs 332 BC-AD 642: From Alexander to the Arab Conquest'', University of California Press (1 ta' Lulju, 1996), ISBN-10: 0520205316, ISBN-13: 978-0520205314</ref> kienet reġina [[Eġittu|Eġizzjana]] tal-[[perjodu Tolemajk]].

Din kienet l-aħħar reġina tal-Eġittu l-Antik u l-aħħar membru tad-[[Dinastija Tolemajka]]. L-isem "Kleopatra" bil-[[Lingwa Griega|Grieg]] ifisser "glorja tal-missier". 

Illum hi x'aktarx l-aktar famuża fost il-mexxejja kollha tal-Eġittu l-Antik u hi magħrufa bl-isem ta' Kleopatra, għalkemm kienet is-seba' u l-aħħar reġina li kellha dan l-isem. Madankollu, Kleopatra, qatt ma rrenjat waħidha fuq l-Eġittu għax kienet issaltan flimkien ma' missierha, ħuha, ħuha-żewġha u binha.

== Bijografija ==
[[Stampa:Frederick Arthur Bridgman - Cleopatra on the Terraces of Philae.JPG|thumb|lemin|300px |''Cleopatra on the Terraces of Philae'' (1896) ta' [[Frederick Arthur Bridgman]]]]
'''Kleopatra VII''' twieldet [[Lixandra]] u missierha kien il-[[Fargħun]] [[Tolomew XII|Tolomew XII Awlete]]. Ma nafux min kienet omm Kleopatra, imma ħafna jaħsbu li kienet [[Kleopatra V|Kleopatra V Trifena]], oħt jew kuġina u mara ta' Tolomew XII, jew forsi mara oħra mill-familja Tolemajka li kienet bint [[Tolomew X]] u Kleopatra Bereniċe III Filopator jekk Kleopatra V ma kinitx bint Tolomew X u Bereniċe III.<ref>Skond ix-xhieda ta' [[Strabun]], Tolomew XII kellha tifla leġittima waħda biss, [[Bereniċe IV]], minn oħtu-martu Kleopatra V Trifena. Fuq il-bażi ta' din l-informazzjoni u l-fatt li Kleopatra kienet l-unika waħda fil-familja tiegħu li kienet titkellem bl-[[Lingwa Eġizzjana|Eġizzjan]], xi studjużi pproponew l-ipoteżi li r-reġina kellha nisel Eġizzjan.L-istoriku Ġermaniż Werner Huß (''Die Herkunft der Kleopatra Philopator'' (''Id-dixxendenza ta' Kleopatra Filopator''), Aegyptus 70, 1990, pp. 191–203) jassumi minflok li omm Kleopatra kienet mara Eġizzjana nobbli, li setgħet saret it-tieni mara ta' Tolomew XII wara li warrab lil Kleopatra V.</ref> Bejn it-68 [[Ante Christum natum|Q.K]]. u d-59 Q.K. twieldu oħtha min-naħa ta' missierha [[Arsinoe IV]] u ħutha [[Tolomew XIII]] u [[Tolomew XIV]]. Skont is-sistema dinastika, in-nisa wkoll setgħu jilħqu fuq it-tron, bħala miżżewġin ta' ħuthom subien. Din l-interpretazzjoni tat-testi antiki dwar l-aħwa "miżżewġin" ġiet ikkontestata ħafna drabi. Hu ħafna iktar probabbli li l-aħwa subien u bniet kienu jsaltnu flimkien u jaqsmu t-tron iżda mhux bħala miżżewġin. Fil-fatt, kull wieħed minnhom kien imbagħad ikun miżżewweġ lil nisa tagħhom li ma kellhomx dritt għat-tron. Missierha ħatarha koreġġenti ftit qabel miet, minħabba li ħutha l-bniet ikbar minnha, Kleopatra VI u Bereniċe IV, kien mietu, l-ewwel maqtula b'ordni ta' missierha (għax kienet ippruvat twaqqgħu mill-poter) u t-tieni avvelenata. Kleopatra VII ssuċċedietu meta kellha 18-il sena fir-rebbiegħa tal-51 Q.K. flimkien ma' ħuha Tolomew XIII ta' għaxar snin, miżżewġin skont il-liġijiet Eġizzjani. 

[[Stampa :Клеопатра VII (2).jpg|thumb|xellug|150px|Statwa tal-bażalt ta' Kleopatra VII fl-[[Ermitage]], San Pietruburgu]].
Fir-rebbiegħa tal-48 Q.K. Tolomew, flimkien mal-kunsillier u ħabib tiegħu tal-qalb (hemm min anki jitkellem dwar storja ta' mħabba bejniethom) Potinu, li kien inħatar reġġent tal-fargħun żagħżugħ, ipprova jiddeponi lil Kleopatra u jġegħelha titlaq minn Lixandra. Ir-reġina ġabret armata u bdiet gwerra ċivili. Is-sitwazzjoni saret iżjed imħabbla meta oħthom l-oħra, Arsinoe IV, bdiet tippretendi d-dritt għat-tron.

{| align="right" width="0%" style="margin: auto;" border="1" cellspacing="0" cellpadding="10" 
|- bgcolor="navajowhite" 
| align="center" |<font color="#990000"><big>'''Kleopatra VII fil-[[Ġeroglifiċi Eġizzjani|Ġeroglifiċi]]'''</big><font>
|-
| align="center" |
{| border="0" cellspacing="0" cellpadding="0" 
|[[Stampa:Hiero_Ca1.svg]]
|
{| border="0" cellspacing="0" cellpadding="0"
| style="height: 2px; background-color: #000000" |
|-
| style="height: 45px; padding: 0px 5px 0px 5px;" | <hiero>q:rw-i-wA-p-A-d:r-t-A-H8</hiero>
|-
| style="height: 2px; background-color: #000000" |
|} 
| align="center" valign="middle" | [[Stampa:Hiero_Ca2.svg]]
|}
Kleopatra
<br />''Qlwpdrt''
|-
| align="center" |
{| border="0" cellspacing="0" cellpadding="0"
|<hiero>G5</hiero>
| style="height: 48px; width: 2px; background-color: #000000" |
|
{| border="0" cellspacing="0" cellpadding="0"
| style="height: 2px; background-color: #000000" |
|-
| style="height: 45px; padding: 0px 5px 0px 5px;" | <hiero>wr:r-nb-nfr-nfr-nfr-H2:x-O22</hiero>
|-
| style="height: 2px; background-color: #000000" |
|}
| align="center" valign="middle" | [[Stampa:srxtail2.GIF]]
|}
'''[[L-isem ta' Horus]] (1):''' Wer(et)-neb(et)-neferu-achet-seh<br />''Wr(.t)-nb(.t)-nfrw-3ḫ(t)-sḥ''<br /> ''Is-sinjura kbira ta' perfezzjoni, eċċellenti fil-kunsill''
|-
| align="center" |
{| border="0" cellspacing="0" cellpadding="0"
|<hiero>G5</hiero>
| style="height: 48px; width: 2px; background-color: #000000" |
|
{| border="0" cellspacing="0" cellpadding="0"
| style="height: 2px; background-color: #000000" |
|-
| style="height: 45px; padding: 0px 5px 0px 5px;" | <hiero>wr*t:r-t:W:t-A53-n:X2*t:z</hiero>
|-
| style="height: 2px; background-color: #000000" |
|}
| align="center" valign="middle" | [[Stampa:srxtail2.GIF]]
|}
'''[[L-isem ta' Horus]] (2): ''' Weret-tut-en-it-es<br />''Wr.t-twt-n-jt=s''<br /> ''Il-kbira, xbieha mqaddsa ta' missierha''
|-
| align="center" |
{| border="0" cellspacing="0" cellpadding="0" 
|[[Stampa:Hiero_Ca1.svg]]
|
{| border="0" cellspacing="0" cellpadding="0"
| style="height: 2px; background-color: #000000" |
|-
| style="height: 45px; padding: 0px 5px 0px 5px;" | <hiero>q:rw-W:p-d:r:t*H8-nTr-t:H8-R7:t-z:N36</hiero>
|-
| style="height: 2px; background-color: #000000" |
|} 
| align="center" valign="middle" | [[Stampa:Hiero_Ca2.svg]]
|}
Kleopatra netjeret mer(et) ites<br />''Qlwpdrt nṯrt mr(t) jts''<br />''L-alla Kleopatra maħbuba ta' missierha''
|}
F'dan il-punt il-megħlub ġeneral Ruman [[Pompew]] wasal l-Eġittu biex jistkenn mir-rivali tiegħu [[Ġulju Ċesri]]. Fil-bidu, Tolomew u Potinu taparsi aċċettaw it-talba tiegħu, iżda fid-29 ta' Settembru 48 Potinu ordna l-[[mewt]] ta' Pompew, bit-tama li jitħabbeb ma' Ċesri. Meta wasal dan, Tolomew offrielu r-ras tar-rivali tiegħu imma r-reazzjoni ta' Ċesri kienet ta' rabja u ġiegħel li Potinu jiġi maqtul. Minkejja li kien l-għadu ta' Ċesri, Pompew kien [[konslu Ruman]] u l-armel tal-unika tifla legittima ta' Ċesri, Ġulja. Ċesri ħa l-[[belt kapitali]] tal-Eġittu f'idejh u għamel ruħu l-arbitru bejn Tolomew u Kleopatra. 

Ċesri sejjaħ lil Tolomew u lil Kleopatra fil-palazz irjali. Kleopatra beżgħet li jekk tmur lura fil-palazz tinqabad f'nassa ta' ħuha u għalhekk irrikorriet għal strataġemma.<ref>Plutarku (Ġulju Ċesri 49.1–3)</ref> Ġegħlet lil ħabib fidil tagħha, Apollodorus l-iSqalli, jirrumblaha f'tapit kbir marbut b'ċinga. Apollodorus imbagħad mar il-Palazz bir-romblu kbir fuq spallejh u qal li kellu jagħti rigal lil Ċesri u tħalla jidħol fl-appartamenti tal-konslu. Fil-preżenza tal-konslu ħall it-tapit u Ċesri sab quddiemu lil Kleopatra. Ir-reġina libset il-ħwejjeġ l-aktar rikki u mqaċċtin u l-ġojjelli l-aktar prezzjużi. Kellmitu bil-Latin u talbitu l-protezzjoni minn ħuha. Is-sorsi jirrakkontaw li l-impressjoni kienet irreżistibbli u t-tnejn saru maħbubin dak il-lejl stess.[[Stampa:Kleopatrabüste Altes Museum Berlin.jpg|thumb|lemin|250px|Ir-reġina Kleopatra, bust tal-irħam tal- [[Arti Ellenistika|iskola ta' Lixandra]], 40/30 Q.K. fl-[[Altes Museum]], [[Berlin]]]]Ċesri organizza r-ritorn uffiċjali tar-reġina u ġegħelha tiżżewweġ lil ħuha. Imma Tolomew, baqa' jwebbes rashu li jneħħi lil Kleopatra, u għamel alleanza ma' oħtu Arsinoe, u flimkien organizzaw armata, li f'Diċembru tat-48 fil-belt ta' Lixandra ltaqgħet f'battalja ma' dik ta Ċesri u Kleopatra. Il-battalja għamlet ħafna ħsara lill-bini tal-belt, fosthom il-[[Bibljoteka ta' Lixandra]], li ġarbet ħsara kbira bin-nar u ntilfu fil-fjammi ħafna manuskritti ta' valur bla qies. Il-leġjuni Rumani sofrew telfa iebsa u Ċesri stess biex isalva ruħu mill-mewt kellu jaqbeż il-baħar u jaħrab. 

Bis-saħħa tar-rinforzi minn [[Pergamu]] li waslu fi Frar tas-47 rebħu Ċesri u Kleopatra. Arsinoe u Tolomew inġegħlu jħallu l-belt. Fis-27 ta' Marzu tal-istess sena fuq ix-xmara [[Nil]] saret l-aħħar ġlieda bejn it-truppi ta' Tolomew u dawk ta' Ċesri. Il-battalja spiċċat f'massakru tal-armata Lixandrija: 25,500 mejta u 12,000 meħudin priġunieri. Tolomew innifsu tilef ħajtu. Kleopatra, li sfat l-unika l-ħakkiema tal-Eġittu, ħatret bħala koreġġent lil ħuha ż-żgħir [[Tolomew XIV]]. L-Eġittu baqa' formalment indipendenti, għalkemm tliet leġjuni Rumani baqgħu stazzjonati hemm bil-ħsieb li jżommu l-ordni pubbliku. Ir-relazzjoni bejn Ċesri u Kleopatra, li minnha twieled tifel, [[Tolomew XV|Tolomew Ċesri]] msejjaħ Ċesarjun, kellha żewġ skopijiet politiċi: id-[[dittatur Ruman]] ried jiżgura l-kontroll tal-Eġittu, importanti għar-riżorsi finanzjarji tiegħu, filwaqt li Kleopatra ttamat li biha tikseb għall-pajjiż pożizzjoni privileġġata ġewwa l-[[Imperu Ruman|Imperu]].

[[Stampa:Denderah3 Cleopatra Cesarion.jpg|thumb|xellug|200px|Kleopatra u Ċesarjun fit-tempju ta' Dendera, l-Eġittu]]
Fis-46 Q.K. Kleopatra marret [[Ruma]] ma' binha li kien għadu kif twieled u baqgħet hemm sal-mewt ta' Ċesri, fl-44 Q.K. Fis-sajf tal-istess sena Tolomew XIV miet, forsi vvalenat minn Kleopatra nnifisha, li ftit wara ħatret lil Ċesarjun bħala l-koreġġent tagħha, u dan ħa l-isem ta' ''Tolomew XV Ċesri''. 

Fit-42 Q.K. [[Marku Antonju]], wieħed mit-[[trijumvirat]] li kien jiggverna Ruma wara l-vojt fil-poter li ħalliet il-mewt ta' Ċesri, talab lil Kleopatra biex tiltaqa' miegħu f'[[Tarsu fiċ-Ċiliċja|Tarsu]] biex jivverifika l-lealtà tagħha. Antonio mbagħad mar warajha Lixandra, fejn baqa' għas-sena ta' wara kollha. Mill-unjoni tagħhom twieldu tewmin [[Kleopatra VIII|Kleopatra Selene]] u [[Alessandru Helios]]. 

Erba' snin wara, fl-37 Q.K., waqt li kien qiegħed jivvjaġġa għall-gwerra kontra l-[[Parti]], Antonju ltaqa' ma' Kleopatra f'[[Antjokja]], fejn iżżewwġu, minkejja li Antonju kellu rabta ma' [[Ottavja]], oħt [[Ottavjanu]]. Ftit wara twieled iben ieħor, [[Tolomew Filadelfu (bin Marku Antonju)|Tolomew Filadelfu]]. Ottavja ntbagħtet lura lejn Ruma. Wara l-konkwista tal-[[Armenja]] fl-34 Q.K., immexxija minn Antonju bl-għajnuna finanzjarja tal-Eġittu, it-tnejn flimkien iċċelebraw it-trijonf f'Lixandra. 

It-tradizzjonaliżmu tal-opinjoni pubblika Rumana kienet profondament ixxukkjata bil-proċedura trijonfali mhux tas-soltu u bid-deċiżjonijiet meħuda fl-okkażjoni tad-Donazzjoni ta' Lixandra: Kleopatra ħadet it-titlu ta' "reġina tar-rejiet", ġiet fil-kult assoċjata mal-alla [[Isidi]] u nħatret reġġenti tal-Eġittu u [[Ċipru]] ma' Ċesarjun; Alessandru Helios ġie inkurunat re tal-Armenja, il-[[Medja]] u l-[[Partja]], Kleopatra Selene nħatret reġina taċ-[[Ċirenajka]] u l-[[Libja]], u Tolomew Filadelfu ġie inkurunat re tal-[[Feniċja]], is-[[Sirja]] u l-[[Ċiliċja]].

== Waqgħa u suwiċidju ==
[[Stampa:Cleopatra Bertin Louvre RF3717.jpg|thumb|250px|lemin|Is-suwiċidju ta Kleopatra, bust tal-irħam ta' [[Claude Bertin]], madwar 1690, [[Louvre]], [[Pariġi]]]] 
Il-politika ta' Kleopatra u Antonju bit-tendenza li tiddomina l-[[Lvant]] kollu, iffavoriet lil Ottavjanu, li akkuża lir-reġina li qiegħda timmina minn taħt is-supremazija ta' Ruma u kkonvinċa lir-Rumani jiddikjaraw gwerra fuq l-Eġittu. Fil-31 Q.K., il-forzi navali Rumani ltaqgħu ma' dawk ta' Antonju u Kleopatra fil-[[Battalja ta' Azju]]. Meta rat li l-battalja kienet intilfet ir-reġina marret tistkenn Lixandra ma' parti mill-flotta, segwita minn Antonju.

Wara r-rebħa, Ottavjanu invada l-Eġittu u, wara reżistenza qasira, daħal Lixandra. Fit-30 Q.K., wara s-[[suwiċidju]] ta' Antonju (li qatel ruħu b'idejh meta sema bl-aħbar falza tal-mewt tar-reġina), Kleopatra qatlet ruħha b'idejha b'gidma ta' serp velenuż, forsi [[Naja haje|kobra Eġizzjana]]. Però, minn studji li saru riċentament, xi arkeoloġi famużi bdew jiddubitaw jekk ir-reġina setgħitx toqtol ruħha b'idejha b'gidma ta' serp velenuż. Forsi din kienet biss gidba li vvintat hi stess biex tagħmel mewtha denja tar-reġina kbira li kienet u tagħmel ruħha iktar tixbaħ ir-reinkarnazzjoni ta' [[Isidi]] f'għajnejn il-poplu tagħha. Jaħsbu li setgħet ħejjiet il-velenu, li kienet esperta ħafna fih, u ordnat il-qaddejja tagħha biex jgħidu li mietet bil-gidma tas-serp velenuż. Kleopatra kienet, fil-fatt, anki jekk mhux partikolarment sabiħa, intelliġenti ħafna u kieku kienet ingidmet apposta mis-serp, mewtha kienet tkun b'ħafna uġigħ u l-agunija qabel ma mietet setgħet iddum għal aktar minn tletin minuta.

[[Plutarku]] fil-''Ħajja ta' Antonju'' tiegħu, irrakkonta kif iddeċidiet li tuża dan l-annimal: 
{{Iċċita|"... Kleopatra kienet tiġbor kull xorta ta' veleni li joqtlu, fost l-aktar b'saħħithom li hemm, u kienet tipprova kull wieħed minnhom biex tara jekk kienx effikaċi u fl-istess ħin mingħajr tbatija, billi tisqih lill-ħabsin li kienu jistennew il-mewt. Billi rat li dawk istantanji jwasslu għall-mewt f'daqqa, iżda b'ħafna wġigħ, u dawk inqas ħorox kienu jdumu wisq, ippruvat l-annimali u osservathom hi stess waqt li ġew applikati wieħed wara l-ieħor. Fosthom sabet li l-gidma tas-serp biss traqqad il-membri u s-sensi, mingħajr ma tikkawża spażmi jew tipprovoka l-krib; ma jidhirx ħlief għaraq ħafif fuq il-ġbin, filwaqt li l-fakultajiet perċettivi jgħibu, jerħu bil-ħlewwa u jirreżistu kull tentattiv ta' qawmien, bħal minn jorqod fil-fond ..." }}
Ċesarjun kien ikkundannat għall-mewt minn Ottavjanu, waqt li t-tlett itfal li kellha ma' Antonju ttieħdu Ruma. L-Eġittu sar [[provinċja]] Rumana mmexxija mill-prefett tal-Eġittu, uffiċjal ta' rank ekwestri. Ottavjanu li mar lura lejn Ruma biex jiċċelebra t-trijonf tal-ispedizzjoni Eġizzjana, kellu fuq karru xbiha tar-reġina Kleopatra li dawwar f'trijonf mat-toroq tal-belt.

== Fis-sorsi ==
[[Stampa:Marcus Antonius - Cleopatra 32 BC 90020163.jpg |400px|thumb|<center>'''Antonju u Kleopatra: Denarju 32 Q.K.'''</center> <br />CLEOPATRAE REGINAE ANTONI ARMENIA DEVICTA <br />REGVM FILIORVM REGVM]]

Is-sorsi tal-[[letteratura Latina]] u [[letteratura Griega|Griega]], li taw dettalji fuq il-ħajja u l-figura ta' Kleopatra huma numerużi, fosthom: 

* [[Publiju Virġilju Marun|Virġilju]],'' [[Enejide]]'' VIII, 688 ff. 
* [[Kwintu Orazzju Flakku|Orazju]], ''Odi'' I, 37; ''Epodi'' 9 
* [[Marku Annew Lukanu|Lukanu]], ''Pharsalia'' X 
* [[Plutarku]], ''Il-Ħajja ta' Marku Antonju'' 
* [[Gajju Svetonju Trankwillu|Svetonju]], ''Ħajjiet taċ-Ċesri'' I-II 
* [[Velleju Paterkolu]], ''Storja Rumana'' II 
* [[Josephus]], ''Antikitajiet Ġudajċi'' XIV-XV 

Kleopatra ma kinitx seduttriċi kbira biss. Kienet taf ħafna lingwi, [[Plutarku]] kiteb: "L-ilsien, bħal strument [[Mużika|mużikali]] b'ħafna kordi, kienet taqilbu faċilment għal-lingwa li riedet titkellem, tkun liema tkun, tant li kienu rari ħafna l-każijiet li fihom kellha tittratta mal-Barbari permezz ta' interpretu, kienu x'kienu, [[Etjopja|Etjopjani]], [[Trogloditi]], [[Ġudaiżmu|Lhud]], [[Għarbi|Għarab]], Sirjani, [[Medi]] jew Parti". Kienet taf il-Grieg u kienet wkoll fluwenti fil-[[lingwa Latina|Latin]]. Minbarra l-versatilità fil-lingwi, kienet tinteressa ruħha wkoll f[[L-Arti|l-arti]] u x-[[Xjenza|xjenzi]]: ikkonvinċiet lil Antonju, meta sar mexxej assolut tal-Lvant, jagħti lil Lixandra l-Bibljoteka famuża ta' Pergamu. Kienet ħabiba ma' ħafna studjużi fil-[[Mużew]] ta' Lixandra, fosthom il-famuż astronomu [[Sożiġeni]], li lilu nafu r-riforma tal-kalendarju Ruman: kienet kważi żgur Kleopatra li ppreżentatu lil Ċesri.<ref> Ernle Bradford, ''Cleopatra'', Penguin (3 ta' Lulju, 2001), ISBN-10: 014139014X, ISBN-13: 978-0141390147 
</ref>

== Antenati ==

Meta wieħed iqis il-familja immedjata ta' Kleopatra jidher ċar li kemm kien hemm tgħammir bejn il-membri tal-istess familja Tolomea. Il-ġenituri tagħha x'aktarx kienu aħwa u għalhekk kellha par wieħed biss ta' nanniet. Dawk in-nanniet kienu ziju u neputija, għal darb'oħra jillimitaw in-numru ta' antenati.<ref>Stacy Schiff, Cleopatra: A Life, Hachette Digital, Inc., 2010, ISBN 978-0-316-00192-2</ref> L-għadd relattivament żgħir ta' antenati nistgħu narawh mid-dixxendenza ta' Kleopatra VII kif setgħet kienet, murija hawn taħt.<ref>Dodson, Aidan u Hilton, Dyan. The Complete Royal Families of Ancient Egypt. Thames & Hudson. 2004. ISBN 0-500-05128-3 Is-siġra tal-familja u d-diskussjonijiet fil-qosor tal-individwi jistgħu jinstabu fil-paġni 268-281. L-awturi jirreferu għal Kleopatra V bħala  Kleopatra VI u Kleopatra Selene I jsejħulha Kleopatra V Selene. </ref>

[[Stampa:Kleopatra antenati.jpg|center|700px]]

== Kleopatra fl-arti, fiċ-ċinema u fil-letteratura ==
L-istorja ta Kleopatra matul is-sekli affaxxinat eluf ta' [[Kittieb|kittieba]] u artisti li għenu biex joħolqu l-leġġenda ta' seduttriċi mill-iżjed sabiħa li rnexxielha ssaħħar tnejn mill-irġiel l-aktar qawwijin ta' żmienha. 

Fost l-akbar xogħlijiet fuq Kleopatra hemm:

* ''Incipit Legenda Cleopatrie Martiris, Egipti Regine'', ta' [[Geoffrey Chaucer]]
* ''Cléopâtre captive'', ta' [[Étienne Jodelle]]
* ''Antony and Cleopatra'', ta' [[William Shakespeare]]
* ''All for Love'', ta' [[John Dryden]]
* ''Cleopatra'', ta' [[Vittorio Alfieri]]
* ''Cléopâtre'', opra ta' [[Jules-Émile-Frédéric Massenet]]
* ''Cléopatre'', ta' [[Victorien Sardou]]
* ''Cesare and Cleopatra'', ta' [[George Bernard Shaw]]
* ''Cleopatra il musical'', ta' [[Lamberto Stefanelli]]
* ''Cleopatra'', [[skultura]] ta' [[Alfonso Balzico]]
=== Films dwar Cleopatra ===
[[Stampa:Sarah Bernhardt as Cleopatra 1891.jpeg|250px|thumb|Sarah Bernhardt fil-parti ta' Kleopatra]] 
[[Stampa:1963 Cleopatra trailer screenshot (10).jpg|thumb|350px|Elizabeth Taylor fil-film ''Cleopatra'' (1963)]]

* ([[1908]]): ''[[Antony and Cleopatra (film 1908)|Antony and Cleopatra]]'', taħdem [[Florence Lawrence]] fil-parti ta' Kleopatra.
* ([[1912]]): ''[[Cleopatra, Queen of Egypt]]'', taħdem [[Helen Gardner]].
* ([[1913]]): ''[[Marcantonio e Cleopatra (film 1913)|Marcantonio e Cleopatra]]'', taħdem [[Gianna Terribili Gonzalez]]. Reġija ta' [[Enrico Guazzoni]]. Minn William Shakespeare, Plutarku u [[Pietro Cossa]].
* ([[1917]]): ''[[Cleopatra (film 1917)|Cleopatra]]'': [[Theda Bara]] (Kleopatra), [[Fritz Leiber]] (Ċesri), [[Thurston Hall]] (Antonju). Dirett minn [[J. Gordon Edwards]]. Ibbażat fuq ix-xogħlijiet ''[[Cléopatre]]'' ta' [[Émile Moreau]], ''[[Cléopatre]]'' ta' Sardou u ''[[Antony and Cleopatra]]'' ta' William Shakespeare.
* ([[1934]]): ''[[Cleopatra (film 1934)|Cleopatra]]'': [[Claudette Colbert]] (Kleopatra), [[Warren William]] (Ċesri), [[Henry Wilcoxon]] (Antonju). Dirett minn [[Cecil B. De Mille]].
* ([[1946]]): ''[[Cesare e Cleopatra (film 1946)|Cesare e Cleopatra]]'' (''Caesar and Cleopatra''): [[Vivien Leigh]] (Kleopatra), [[Claude Rains]] (Ċesri), [[Stewart Granger]], [[Flora Robson]] eċċ.
* ([[1953]]): ''[[Serpent of the Nile]]'': [[Rhonda Fleming]] (Kleopatra), [[Raymond Burr]] (Marku Antonju), [[Michael Fox]] (Ottavju).
* ([[1963]]): ''[[Cleopatra (film 1963)|Cleopatra]]'': [[Elizabeth Taylor]] (Kleopatra), [[Rex Harrison]] (Ċesri), [[Richard Burton]] (Antonju). Dirett minn [[Joseph L. Mankiewicz]]. Rebbieħ tal-[[Premju Oscar]].
* ([[1974]]): ''[[Antony & Cleopatra]]'': imtella' mil-[[London's Royal Shakespeare Company]]. Interpretat minn [[Janet Suzman]] (Kleopatra) u [[Richard Johnson]] (Antonju).
* ([[1999]]): ''[[Cleopatra (film 1999)|Cleopatra]]'': [[Leonor Varela]] (Kleopatra), [[Timothy Dalton]] (Ċesri), [[Billy Zane]] (Antonju). Ibbażat fuq il-ktieb ''[[Memoirs of Cleopatra]]'' ta' [[Margaret George]].
* ([[2002]]): ''[[Asterix e Obelix: Missione Cleopatra]]'': [[Monica Bellucci]] (Kleopatra), [[Christian Clavier]] (Asterix), [[Gérard Depardieu]] (Obelix).
* ([[2007]]): ''[[Cleòpatra (film 2007)|Cleòpatra]]'', dirett minn [[Julio Bressane]].

=== Kleopatra fil-pittura ===
Kleopatra u mewtha ispiraw mijiet ta' pitturi mir-[[Rinaxximent]] sa llum. Hawnhekk hawn lista ta' xi wħud mill-aktar famużi: 

* ''Is-suwiċidju ta' Kleopatra'' (1621). Żejt fuq it-tila. 116.8 x 93.3 ċm. Impittra minn Giovanni Francesco Barbieri, magħruf bħala [[Guercino]]. Simon Norton Museum f'[[Pasadena]], California, l-[[Stati Uniti|Istati Uniti]]. 

* ''Kleopatra'' (1635 - 1640). Żejt fuq it-tila. Impittra minn [[Guido Reni]]. [[Palazzo Pitti]], [[Firenze]]. 

* ''Il-pranzu ta' Kleopatra'' (1743 - 1745). Żejt fuq it-tila. 248.2 x 357.8 ċm. Impittra minn [[Giambattista Tiepolo]]. National Gallery of Victoria, l-[[Awstralja]]. 

* ''Kleopatra ''(madwar l-1620). Żejt fuq it-tila. 97 x 71.5 ċm. Impittra minn [[Artemisia Gentileschi]]. Kollezzjoni tal-Fondazione Cavallini-Sgarbi, [[Ferrara]].

* ''Cleopatra u r-raħħal'' (1838). Żejt fuq tila. Impittra minn [[Eugène Delacroix]]. Ackland Art Museum, Università ta' North Carolina, USA. 
<gallery> 
Stampa: Giampietrino 03.jpg| [[Giampietrino]], 1525 
Stampa: Cleopatra with the Asp (1630); Reni, Guido.jpg| [[Guido Reni]], 1630 
Stampa: Claude Vignon - Cléopâtre se donnant la mort.jpg|[[Claude Vignon]], 1640 
Stampa: Guido Cagnacci 003.jpg|[[Guido Cagnacci]], 1659 
Stampa: |[[Guido Cagnacci]], 1659
Stampa:Cagnacci Morte di Cleopatra.jpg|[[Guido Cagnacci]], 1660
Stampa:Giambattista Tiepolo - The Banquet of Cleopatra - Google Art Project.jpg|[[Giovanni Battista Tiepolo]], 1744
Stampa:Regnault-Der Tod der Kleopatra.jpg|[[Jean-Baptiste Regnault]], 1799
Stampa:Cleopatra and Caesar by Jean-Leon-Gerome.jpg|[[Jean-Léon Gérôme]]
Stampa:Death of Cleopatra by Rixens.jpg|[[Jean-André Rixens]], 1874
Stampa:Makart,_Hans_-_Der_Tod_der_Kleopatra_-_1875-76.jpg|Hans Makart, 1875
Stampa:The Death of Cleopatra arthur.jpg|[[Reginald Arthur]], 1892
</gallery>

=== Aktar ===
* Il-[[Kleopatra (Kratere)|Kratere Kleopatra]], li jinsab fuq il-quċċata tal-Muntanji Maxwell, il-formazzjoni ta' muntanji l-aktar prominenti tal-[[pjaneta]] [[Venere (pjaneta)|Venere]], hu msemmi f'ġieħ Kleopatra VII.

== Referenzi ==
{{referenzi}}

{{kaxxa tal-bidu}}
{{kaxxa ta' suċċessjoni 
|qabel = [[Tolomew XII]]
|titlu = Reġina tal-Eġittu
|snin = 51 QK – 30 QK<br />''ma' [[Tolomew XII]], [[Tolomew XIII]], [[Tolomew XIV]] u [[Tolomew XV]]''
|wara = ħadd
}}

== Ħoloq esterni ==
* [http://penelope.uchicago.edu/Thayer/E/Gazetteer/Places/Africa/Egypt/_Texts/BEVHOP/13*.html Cleopatra VII&nbsp;(VI)] Kapitlu&nbsp;XIII fil-ktieb ''House of Ptolemy'', ta' E.&nbsp;R.&nbsp; Bevan,  1927
* [http://penelope.uchicago.edu/~grout/encyclopaedia_romana/miscellanea/cleopatra/cleopatra.html James Grout: ''Cleopatra''] parti mill-Encyclopædia Romana
* [http://www.bbc.co.uk/history/historic_figures/cleopatra_vii.shtml Cleopatra VII] fuq [http://www.bbc.co.uk/history/ BBC History]
* [http://www.reocities.com/Athens/Oracle/4168/history/cleopat.htm] Cleopatra 
* [https://web.archive.org/web/20110913020857/http://www.reocities.com/christopherjbennett/ptolemies/cleopatra_vii.htm] Cleopatra VII 
* [http://www.antikforever.com/Egypte/Reines/cleopatreVII.htm] Kleopatra VII
* [http://www.tyndalehouse.com/Egypt/ptolemies/genealogy.htm] Ġenealoġija ta'  Kleopatra VII

{{DEFAULTSORT:Kleopatra 7}}
[[Kategorija:Twieldu fid-69 q.K.]]
[[Kategorija:Mietu fit-30 q.K.]]
[[Kategorija:Faragħuni]]