Ara s-sors ta' Foulques de Villaret

{{Infobox bijografija}}

'''Foulques de Villaret''' (''bl-[[Lingwa Oċċitanija|Oċċitan]]'': '''Folco del Vilaret''', ''bil-Katalan'': '''Folc del Vilaret'''; miet fl-1 ta’ Settembru 1327), kien il-25 [[Gran Mastri tal-Ordni ta' San Ġwann|Gran Mastru]] tal- [[Ordni tal-Kavallieri Ospitalieri ta' San Ġwann|Kavallieri Ospitallieri]]. Huwa mexxa b’suċċess il-ħakma ta’ Rodi u baqa’ ħaj wara attentat ta’ qtil minn membri tal-ordni tiegħu stess.

== Bijografija ==
Imwieġed f'[[Languedoc-Roussillon]], [[Franza]], iz-ziju tiegħu kien il-Gran Mastru [[Guillaume de Villaret]]. Zijuh kien għenu ħafna biex trawwem fil-karriera bikrija tiegħu fl-Ordni. Foulques inħatar Ammirall fl-1299, u Gran Kmandant sentejn wara. Sal-1303 kien Logutenent tal-Imgħallem, u ħa l-grad ta’ Gran Mastru mal-mewt ta’ zijuh.

Taħt it-tmexxija tiegħu, l-Ordni ħakmet Rodi, fis-snin 1308 u 1309. Intieħdu wkoll gżejjer oħra, inklużi [[Kastellórizo]] u [[Bodrum]]. Sussegwentament, il-Kavallieri mexxew il-kwartieri ġenerali tagħhom lejn Rodi.

Madankollu, minkejja l-benefiċċji kbar għall-Ordni mit-trażżin tal-[[Kavallieri Templari]] (l-assi tat-Templari ġew assenjati lill-Ospitalieri mill-Papa fl-1312), il-kampanji ta’ espansjoni territorjali ta’ Villaret daħħlu lill-Ordni f’ħafna dejn, u dawn id-djun kienu għadhom ma tħasslux sa nofs is-snin 1330ijiet. Jingħad li Villaret kien bniedem diffiċli u preokkupanti, u eventwalment aljena l-Ordni tiegħu.{{Bżonn refererenza}}

Saru allegazzjonijiet ta’ imġieba arroganti, anke tirannika, għalkemm l-ebda waħda mill-allegazzjonijiet ma hija speċifika, u rakkont Taljan tal-ħajja tal-Gran Mastri jsostni li kien trattat b’mod inġust.{{Bżonn refererenza}} Fl-1317, l-Ordni ppruvat tagħmel kolp ta’ stat kontra Villaret. Grupp ta' kavallieri marru biex joqtluh fir-residenza tiegħu [[Rhodini|f'Rhodini]], iżda l-chamberlain tiegħu għen biex jaħrab. Huwa ħarab lejn il-kastell tal-Ordni f'[[Lindos]], fejn kien assedjat mill-Ordni tiegħu stess. Sadanittant l-Ordni eleġġiet lil [[Maurice de Pagnac]] bħala Gran Mastru minfloku, u kitbu lill-[[Papa Ġwanni XXII]] f’Lulju biex jiġġustifikaw l-azzjonijiet tagħhom.

Il-Papa sejjaħ liż-żewġ Gran Mastri fil-qorti tiegħu f'[[Avignon]] biex isolvu t-tilwima. Intant, Fra Giraud de Pins amministra l-Ordni f’isem il-Papa. Il-Papa reġa’ ħatar lil Villaret – iżda dan għamly biss biex ikun jista’ jagħti r-riżenja tiegħu formalment. Fra [[Hélion de Villeneuve]] inħatar Gran Mastru fit-18 ta’ Ġunju 1319, u intant ix-xwejjaħ Pagnac miet. Il-Papa ħatar lil Villaret bħala Pirjol ta’ Capua għal għomru fid-29 ta’ Ġunju, iżda wara aktar problemi hemmhekk, ġie trasferit għall-Prijorat ta’ [[Ruma]] fl-1325. Dan l-arranġament ukoll jidher li ma rnexxiex, u wara April ta’ dik is-sena, irċieva biss pensjoni. Irritorna lejn art twelidu u għex bħala sempliċi Fra tal-Ordni fid-dar t’oħtu f'Teyran, ħdejn [[Montpellier]]. Miet fl-1 ta’ Settembru 1327 u ġie midfun f'dik li qabel kienet il-Knisja tat-Templari f’Montpellier.

== Sorsi ==

* Luttrell, Anthony. "Noti dwar Foulques de Villaret, Master of the Hospital 1305-1319" f'The ''Hospitallers of Rhodes and the Mediterranean World'' (Aldershot 1992).

{{Kaxxa tal-bidu}}
{{Kaxxa tas-suċċessjoni|qabel=[[Guillaume du Villaret]]|wara=[[Hélion de Villeneuve]]|titlu=[[Gran Mastri tal-Ordni ta' San Ġwann|Gran Mastru tal-Ordni ta' San Ġwann]]|snin=1306–1319}}
{{Kaxxa tat-tmiem}}{{Awtorità}}
{{DEFAULTSORT:Villaret, Foulques de}} 
[[Kategorija:Sena tat-twelid mhux magħrufa]]
[[Kategorija:Gran Mastri tal-Ordni ta' San Ġwann]]
[[Kategorija:Mietu fl-1327]]
[[Kategorija:Kavallieri Franċiżi]]