Emmanuel Barbara
 |
Dan l-artiklu għandu bżonn jiġi wikifikat biex jaqbel mal-istandard tal-Wikipedija. B'mod partikolari, dan l-artiklu huwa nieqes minn referenzi għal sorsi esterni li jivverifikaw il-fatti u perspettivi dwar is-suġġett. Jekk jogħġbok għin biex ittejjeb dan l-artiklu skont il-konvenzjonijiet tal-Wikipedija. |
| Emmanuel Barbara | |||||
|---|---|---|---|---|---|
1 Novembru 2013 - 21 Frar 2015 Dioceses: Roman Catholic Archdiocese of Mombasa (en) 
1 Ottubru 2011 - 5 Jannar 2018 ← Francis Baldacchino (en) - Wilybard Lagho (en) → Dioceses: Roman Catholic Diocese of Malindi (en) | |||||
| Ħajja | |||||
| Twelid |
Gżirau Imsida (en) , 27 Ottubru 1949 | ||||
| Nazzjonalità |
Kolonja ta' Malta Stat ta' Malta Malta | ||||
| Mewt |
Malindi (en) , 5 Jannar 2018 | ||||
| Post tad-dfin | Ċimiterju tal-Addolorata | ||||
| Edukazzjoni | |||||
| Lingwi |
Malti Ingliż | ||||
| Okkupazzjoni | |||||
| Okkupazzjoni |
saċerdot Kattoliku Catholic deacon (en) Isqof Kattoliku | ||||
Mons. Emmanuel Barbara (Gżira, Malta, 27 ta' Ottubru 1949 - Malindi, Kenja, 5 ta' Jannar, 2018) kien Isqof Malti f’Malindi fil-Kenja għal sitt snin wara 20 sena missjunarju fl-Afrika.
Patri Franġiskan Kapuċċin
[immodifika | immodifika s-sors]F'Settembru 1966, huwa professa Patri Franġiskan Kapuċċin.
Barbara studja l-Filosofija u t-Teoloġija u ġie ordnat qassis fl-1974.
Serva ta’ Viċi Kappillan fil-Parroċċa ta’ San Ġwann, kien jgħallem fis-Seminarju Maġġuri ta’ Għawdex u kien jifforma parti mill-Moviment ta’ Kana.
Għamel sentejn bħala l-Kappillan tal-Isptar San Luqa u anke Rettur tal-Istitut ta’ Ħajja Kkonsagrata.
Serva bħala Provinċjal tal-patrijiet Kappuċċini u President tal-Konferenza Ewropea tal-Kappuċċini.
Fl-1992, beda xogħol missjunarju fil-Kenja.
Isqof
[immodifika | immodifika s-sors]Ġie ordnat Isqof ta' Malindi fil-Kenja mill-Isqof ta' Nairobi f'Ottubru 2011 u b'kollox ħadem għal 26 sena mal-foqra fl-Afrika.
Fl-2013 il-Papa Franġisku ħatar lill-Isqof Emanuel Barbara O.F.M. Cap. bħala Amministratur Appostoliku tad-Djoċesi ta’ Mombasa fejn dam sentejn f'din il-kariga.
Mewt
[immodifika | immodifika s-sors]L-Isqof Barbara nstab mejjet kmieni filgħodu tal-5 ta' Jannar 2018, fis-sodda tar-residenza tiegħu f’Malindi. L-aħbar ħasdet lil ħafna, fosthom anke għaliex l-Isqof Barbara kien għadu attiv ferm u kien għadu jaħdem bla waqfien biex itejjeb il-ħajja tal-foqra waqt li joħlom b’diversi proġetti.
Hu kien l-aħħar intervistat f’Lulju 2017 meta kien f’Malta u fl-intervista li xxandret fuq Net Television tkellem dwar il-missjoni tiegħu.
Fl-istess ġimgħa wkoll miet Isqof Malti ieħor, il-Vigarju Apostoliku Emeritu tal-Kuwait, Monsinjur Francis Adeodato Micallef.
Funeral
[immodifika | immodifika s-sors]Il-funeral tal-Isqof Barbara sar fil-Kon-Katidral ta’ San Ġwann fis-27 ta’ Jannar. Preżenti għall-quddiesa kien hemm il-Kardinal John Njue, Arcisqof ta' Nairobi, u Mons. Martin Kivuva Musonde, Arcisqof ta’ Mombasa.
Fl-Omelija, l-Arċisqof Scicluna ddeskriva lil Barbara “bniedem li ħaddan il-faqar bħala reliġjuż kapuċċin u għexu sal-aħħar qatra bħala isqof missjunarju, tgħallem jitlob bħala kapuċċin u reliġjuż u tgħallem jittallab bħala isqof missjunarju, tgħallem jagħti ħajtu bħala kapuċċin u ta ħajtu sal-mewt bħala isqof missjunarju.”
Żied jgħid li Barbara ma kienx biss ambaxxatur ta’ Kristu, imma ambaxxatur ta’ dak kollu li hu glorjuż fil-familja Franġiskana. L-Arċisqof ikkwota mill-Iskrittura meta qal, “Kemm huma sbieħ fuq il-muntanji r-riġlejn ta’ min ixandar il-bxara t-tajba”, meta rrimarka wkoll kemm l-Isqof Barbara kien sar iħobb il-kontinent Afrikan fejn il-Mulej sejjaħlu.