Aristotli

Aristotli
Ħajja
Twelid	Stageira, 384 BC, 383 BC
Residenza	Ateni; Ateni
Grupp etniku	Griegi
Mewt	Chalcis (en) , 322 "BCE"
Post tad-dfin	Stageira
Kawża tal-mewt	kawżi naturali; suwiċidju (mard intestinali)
Familja
Missier	Nicomachus
Konjuga/i	Pythias (en)
Koppja/i	Herpyllis (en)
Ulied	uri Nicomachus (en) ; Pythias (en) ;
Aħwa	uri Arimneste (en) ; Arlinton (en) ;
Edukazzjoni
Alma mater	akkademja t'Ateni
Lingwi	Grieg antik
Għalliema	Platun
Studenti	uri Alessandru Manju; Theophrastus (en) ; Aristoxenus (en) ; Dicaearchus (en) ; Eudemus of Rhodes (en) ; Clearchus of Soli (en) ; Phaenias of Eresus (en) ; Chamaeleon (en) ; Neleus of Scepsis (en) ; Clytus of Miletus (en) ; Meno (en) ;
Okkupazzjoni
Okkupazzjoni	filosofu; biologu; kożmologu; loġiku; żoologu; kritiku letterarju; matematiku; etiċista; epistemologu; filosfu politiku; bniedem universali; filosfu tal-lingwa; kittieb; astronomu; ġeografu; għalliem; tutur; ontologu; fiżiku
Xogħlijiet importanti	Politics (en) ; Nicomachean Ethics (en) ; Metaphysics (en) ; Physics (en) ; Organon (en) ; Poetics (en) ; Constitution of the Athenians (en) ; Eudaimonia (en) ; Meteorology (en)
Influwenzat minn	Platun; Sokrate; Heraclitus (en) ; Parmenides (en) ; Zeno of Elea (en) ; Democritus (en) ; Anaximander (en) ; Epicurus (en) ; Hippocrates (en) ; Empedocles (en)
Moviment	skola peripatetika

Aristotli (Grieg Αριστοτέλης Aristotelēs) (twieled 384 qK f'Stagira, fil-Maċedonja, il-Greċja; miet 7 ta' Marzu, 322 qK f'Chalicis, Euboea, il-Greċja) kien filosfu Grieg. Aristotli bil-Malti hu magħruf ukoll bħala Aristotele, Aristotile u Aristotlu

Ħafna nies huma ta' l-opinjoni li flimkien ma' Platun, Aristotli huwa wieħed mill-iktar filosfi importanti fejn jidħol il-ħsieb tad-dinja tal-Punent. Jingħad li Aristotli kiteb madwar 150 ktieb.

Introduzzjoni

Missier Aristotli, Nicomachus, kien it-tabib tar-re Amyntas tal-Maċedonja. Minn tmintax sa seba' u tletin sena, Aristotli għex Ateni, fejn kien ukoll wieħed mill-istudenti ta' Platun.

Il-filosfi l-kbar tal-Greċja antika kienu Aristotli, Platun, u Sokrate. Platun kien l-għalliem ta' Aristotli, u minn naħa tiegħu, Socrate għallem lil Platun. Dawn it-tliet ħassieba rnexxielhom isawwru l-filosofija tal-Punent kif nafuha llum, mill-filosofija Griega. Aristotli għallem lil Alessandru l-Kbir, li aktar 'il quddiem rebaħ il-Lvant Nofsani kollu.

L-ideat ta' Platun kienu primarjament li t-tagħrif li nieħdu mis-sensi huwa konfuż u mhux pur. L-għerf ġenwin jista' jittieħed biss mir-ruħ, wara li din titgħallem taħseb u jirnexxielha tiċħad id-dinja. Ir-ruħ biss jista' jkollha tagħrif dwar il-"Forom", jew aħjar, kif inhuma verament l-affarjiet. Id-dinja m'hija xejn aktar ħlief kopja ta' dawn il-"Forom" u għalhekk mhix perfetta.

Fuq dan l-aspett, Aristotli kien jaħsibha differenti. Huwa kien tal-fehma li l-għerf li nġibu mis-sensi huwa iktar importanti. Dawn il-ħsibijiet eventwalment saru l-bażi tal-metodu xjentifiku wara mijiet ta' snin. Parti kbira mill-kitbiet ta' Aristotli li għandna f'idejna illum il-ġurnata huma noti tad-diskorsi tiegħu. Xi xogħlijiet importanti tiegħu jinkludu Fiżika, Metafiżika, Etika, Politika, De Anima (Dwar ir-Ruħ), u Poetika.

Storja u influwenza tax-xogħol ta' Aristotli

Ftit li xejn nafu dwar x'sar mix-xogħolijiet ta' Aristotli wara li miet sa l-ewwel seklu qK. Hemm xi leġġendi li jgħidu li l-kollezzjoni sħiħa tal-kitbiet tiegħu tħalliet f'idejn Theophrastus, li kien is-suċċessur tiegħu. Jingħad li dan ta' l-aħħar ħeba x-xogħlijiet ta' Aristotli biex ma jħallix li dawn jinsterqu, jinsterqu jew inkella jiġu distrutti. Dawn kienu reġgħu nstabu fis-sena 70 qK.