Żodjaku

Minn Wikipedija, l-enċiklopedija l-ħielsa

Iż-Żodjaku jfisser ċiklu annwali ta' tnax-il stazzjon fuq il-medda tal-eklittika, fejn ix-Xemx taqsam is-smewwiet u tgħaddi mill-kostellazzjonijiet li jaqsmu l-eklittiku fi tnax-il żona indaqs ta' lonġitudni ċelestjali. Iż-żodjaku huwa rikonoxxut bħala l-ewwel sistema ta' koordinazzjoni ċelestjali magħrufa. L-astronomi Babilonjani żviluppaw iż-żodjaku tat-tmintax-il dar. Il-Maja kienu jużaw għoxrin dar. It-terminu żodjaku jista' jkun li ġej mil-Latin zōdiacus, mill-Grieg ζῳδιακός [κύκλος] (zodiakos kyklos), li jfisser "ċirku ta' annimali", idderivata minn ζῴδιον (zodion), id-diminuttiv ta' ζῷον (zoon) "annimal". Madanakollu, iż-żodjaku klassiku Grieg jinkludi wkoll djar (jew kostellazzjonijiet) li mhumiex irrappreżentati minn annimali (eż. Aquarius, Virgo, Gemini,Libra). Etimoloġija oħra li hija ssuġġerita tgħid li t-terminu Grieg huwa relatat mal-kelma sodi fis-Sanskrit, li tfisser "passaġġ", jiġifieri passaġġ li minnu tgħaddi x-Xemx.

[editja] Iż-Żodjaku tal-Punent

• Il-Wott (0°) (Aries)
• It-Tawr (30°) (Taurus)
• It-Tewmin (60°) (Gemini)
• Il-Qabru (90°) (Cancer)
• Id-Durbies (120°) (Leo)
• L-Għodra (150°) (Virgo)
• Il-Miżien (180°) (Libra)
• L-Għaqreb (210°) (Scorpius)
• Il-Qaws (240°) (Sagittarius)
• Il-Kibx (270°) (Capricornus)
• Il-Ħut (300°) (Aquarius)
• Iż-Żir (330°) (Pisces)^[1]

[editja] Referenzi