Vincent van Gogh

Minn Wikipedija, l-enċiklopedija l-ħielsa
Vincent van Gogh
Ħajja
Isem propju Vincent Willem Van Gogh
Twelid Zundert, 30 Marzu 1853
Nazzjonalità Renju tan-Netherlands
Residenza Monasteru ta' Saint-Paul-de-Mausole
Cuesmes
Maison Van Gogh (en) Translate
Grupp etniku Olandiżi
Mewt Auvers-sur-Oiseu Auberge Ravoux, 29 Lulju 1890
Post tad-dfin Ċimiterju ta' Auvers-sur-Oise
qabar ta' Vincent u Theo van Gogh
Kawża tal-mewt suwiċidju (ferita b'tir ta' arma tan-nar)
Familja
Missier Theodorus van Gogh
Omm Anna Carbentus van Gogh
Konjuga/i Not married
Koppja/i Sien Hoornik (en) Translate
Margot Begemann (en) Translate
Aħwa
Edukazzjoni
Alma mater Académie royale des Beaux-Arts (en) Translate
Akkademja Rjali tal-Belle Arti
Lingwi Olandiż
Franċiż
Għalliema Anton Mauve (en) Translate
Constantinus Cornelis Huysmans (en) Translate
Studenti
uri
Okkupazzjoni
Okkupazzjoni pittur
disinjatur
tipografu
illustratur botaniku
disinjatur tal-bini
inċiżur
litografu
artist grafiku
Parteċipant
Post tax-xogħol Tilburg (en) Translate
L-Aja
Londra
Pariġi
Ramsgate (en) Translate
Etten-Leur (en) Translate
Dordrecht (en) Translate
Amsterdam
Borinage (en) Translate
Brussell
Etten-Leur (en) Translate
L-Aja
Hoogeveen (en) Translate
Nuenen (en) Translate
Anversa
Pariġi
Arles
Saint-Rémy-de-Provence (en) Translate
Auvers-sur-Oise
Dar ta' Van Gogh
Emmen (en) Translate
Maison Van Gogh (en) Translate
Impjegaturi Goupil & Cie (en) Translate  (30 Lulju 1869 -  10 Mejju 1873)
Xogħlijiet importanti The Potato Eaters (en) Translate
Café Terrace at Night (en) Translate
The Starry Night (en) Translate
Bedroom in Arles (en) Translate
Sunflowers (en) Translate
Self-Portrait with Bandaged Ear (en) Translate
Landscape with a Carriage and a Train (en) Translate
Wheatfield with Crows (en) Translate
Head of an Old Peasant Woman with White Cap (en) Translate
Influwenzat minn Anton Mauve (en) Translate
Paul Gauguin (en) Translate
Willem Roelofs (en) Translate
Paul Cézanne
Peter Paul Rubens
Jean-François Millet (en) Translate
Katsushika Hokusai (en) Translate
Sħubija Société française de gravure (en) Translate
Moviment Post-Impressjoniżmu
espressjoniżmu
Moviment artistiku arti pajsaġġistika
natura mejta
ritratt
pajsaġġ urban
veduta fuq ġewwa
awtoritratt
arti Kristjana

Vincent Willem van Gogh ([ˈvɪnsənt ˈʋɪləm vɑŋ ˈɣɔx]; twieled fit-30 ta' Marzu 1853 – miet fid-29 ta' Lulju 1890) kien pittur Olandiż ta' wara l-Impressjoniżmu li wara mewtu sar wieħed mill-iktar figuri famużi u influwenti fl-istorja tal-arti tal-Punent.

Ħajja personali u tagħlim[immodifika | immodifika s-sors]

Van Gogh twieled f'familja ta' klassi medja-għolja, u beda jpinġi minn mindu kien tifel.[1] Fi tfulitu huwa kien serju, kwiet u ħosbien. Bħala żagħżugħ, huwa ħadem bħala bejjiegħ tal-arti, u spiss kien jivvjaġġa, iżda qabditu d-dipressjoni wara li ttrasferixxa ruħu f'Londra. Huwa fittex il-wens fir-reliġjon u qatta' xi żmien bħala missjunarju Protestant fin-Nofsinhar tal-Belġju. Il-mard u s-solitudni ħakmulu ħajtu qabel ma qabad ipitter fl-1881, wara li mar lura biex jgħix fid-dar tal-ġenituri tiegħu. Ħuħ iż-żgħir Theo appoġġah finanzjarjament, u bejniethom baqgħu jikkorrispondu fit-tul permezz ta' ittri.[2]

Ix-xogħlijiet bikrin tiegħu, l-iktar natura mejta u rappreżentazzjonijiet ta' raħħala, fihom ftit sinjali tal-kulur qawwi li ddistingwa x-xogħol tiegħu iktar 'il quddiem. Fl-1886, huwa mar jgħix f'Pariġi, fejn iltaqa' ma' membri tal-avant-garde, fosthom Émile Bernard u Paul Gauguin, li kienu qed jirreaġixxu kontra s-sensibbiltà tal-Impressjoniżmu. Meta x-xogħol tiegħu żviluppa, huwa ħoloq approċċ ġdid għan-natura mejta u għall-pajsaġġ lokali. Il-pitturi tiegħu sar ikollhom kuluri iktar jgħajtu filwaqt li żviluppa stil li twettaq għalkollox matul iż-żjara tiegħu f'Arles fin-Nofsinhar ta' Franza fl-1888. Matul dan il-perjodu, huwa wessa' s-suġġetti tiegħu biex jinkludi wkoll sensiela ta' siġar taż-żebbuġ, għelieqi tal-qamħ, u ġirasoli.[3][4]

Mard psikjatriku u mewt[immodifika | immodifika s-sors]

Van Gogh kien ibati minn episodji psikotiċi u delużjonijiet, u minkejja li kien jinkwieta dwar l-istabbiltà mentali tiegħu, spiss kien jittraskura s-saħħa fiżika tiegħu, ma kienx jiekol sew u kien jixrob ħafna alkoħol. Il-ħbiberija tiegħu ma' Gauguin intemmet wara konfrontazzjoni b'xafra meta, fis-saħna tal-mument, huwa qata' parti mill-widna x-xellugija tiegħu stess.[5] Huwa qatta' xi żmien fi sptarijiet psikjatriċi, inkluż perjodu f'Saint-Rémy. Wara li qabad u telaq u ttrasferixxa ruħu fl-Auberge Ravoux f'Auvers-sur-Oise qrib Pariġi, huwa ġie taħt il-kura tat-tabib omeopatiku Paul Gachet. Id-dipressjoni tiegħu ppersistiet, u fis-27 ta' Lulju 1890, Van Gogh x'aktarx li spara lilu nnifsu f'sidru b'revolver tat-tip Lefaucheux. Jumejn wara huwa miet bil-ġrieħi li kkawża lilu nnifsu.[6][7]

Xogħlijiet[immodifika | immodifika s-sors]

Il-Lejl bil-Kwiekeb, Ġunju 1889, il-Mużew tal-Arti Moderna, New York

F'deċennju, huwa ħoloq madwar 2,100 opra tal-arti, inkluż xi 860 pittura taż-żejt fuq it-tila, li l-biċċa l-kbira minnhom saru fl-aħħar sentejn ta' ħajtu.[8] Jinkludu pajsaġġi, natura mejta, ritratti u awtoritratti, u huma kkaratterizzati minn kuluri qawwijin u drammatiċi, u daqqiet impulsivi u espressivi bil-pinzell, li taw kontribut siewi għall-pedamenti tal-arti moderna. Huwa ma kellux suċċess kummerċjalment, u s-suwiċidju tiegħu meta kellu seba' u tletin sena seħħ wara snin ta' dipressjoni u faqar.

Meta kien ħaj, Van Gogh ma kellux suċċess kummerċjali, u kien jitqies bħala miġnun u falliment. Peress li sar famuż wara li kkommetta suwiċidju, huwa ġie meqjus bħala ġenju mhux mifhum fl-immaġinarju pubbliku. Ir-reputazzjoni tiegħu kibret fil-bidu tas-seklu 20, peress li elementi tal-istil tiegħu ġew inkorporati mill-Fauves u mill-Espressjonisti Ġermaniżi. Huwa kiseb suċċess kritiku u kummerċjali mifrux fid-deċennji ta' wara, u huwa mfakkar bħala pittur importanti iżda traġiku. Il-personalità problematika tiegħu tintuża bħala eżempju tal-ideal Romantiku ta' artisti torturat. Illum il-ġurnata, ix-xogħlijiet ta' Van Gogh huma fost l-iktar pitturi għaljin li qatt inbigħu fid-dinja, u l-legat tiegħu ġie onorat minn mużew f'ismu, il-Mużew ta' Van Gogh f'Amsterdam, li għandu l-ikbar kollezzjoni fid-dinja tal-pitturi u tat-tpinġijiet tiegħu.[9]

Referenzi[immodifika | immodifika s-sors]

  1. ^ Naifeh, Steven W.; Smith, Gregory White (2011). Van Gogh: The Life. Random House. ISBN 978-0-375-50748-9.
  2. ^ Pomerans, Arnold (1997). The Letters of Vincent van Gogh. Penguin Classics. ISBN 978-0-14-044674-6.
  3. ^ McQuillan, Melissa (1989). Van Gogh. Thames and Hudson. ISBN 978-0-500-20232-6.
  4. ^ Druick, Douglas; Zegers, Pieter (2001). "(exh. cat)". Van Gogh and Gauguin: The Studio of the South. Thames & Hudson. ISBN 978-0-500-51054-4.
  5. ^ Sweetman, David (1990). Van Gogh: His Life and His Art. Touchstone. ISBN 978-0-671-74338-3. p. 290.
  6. ^ Hughes, Robert (1990). Nothing If Not Critical. The Harvill Press. ISBN 978-0-14-016524-1.
  7. ^ Blumer, Dietrich (2002). "The Illness of Vincent van Gogh". American Journal of Psychiatry. 159 (4): 519–526.
  8. ^ Dorn, Roland; Keyes, George (2000). "(exh. cat)". Van Gogh Face to Face: The Portraits. Thames & Hudson. ISBN 978-0-89558-153-2.
  9. ^ "The Van Gogh Museum". web.archive.org. 2010-05-29. Arkivjat mill-oriġinal fl-2010-05-29. Miġbur 2021-08-10.Manutenzjoni CS1: BOT: url-oriġinali status mhux magħruf (link)