Victor Calvagna
| Victor Calvagna | |
|---|---|
| Ħajja | |
| Twelid | 22 Marzu 1958 |
| Nazzjonalità |
Malta Kolonja ta' Malta |
| Mewt | 4 Jannar 2022 |
| Kawża tal-mewt |
mewta aċċidentali (car collision (en)  ) |
| Okkupazzjoni | |
| Okkupazzjoni | tabib |
Victor Calvagna (22 ta' Marzu 1958 - 2 ta' Jannar 2022)[1] kien tabib, konsulent mediku, u lettur anzjan universitarju[2] Malti kif ukoll il-fundatur tal-organizzazzjoni Puttinu Cares.[3]
Huwa kien jispeċjalizza fit-trattament tal-kanċer pedjatrika[4] u kien l-ewwel Malti li speċjalizza fl-onkoloġija.[5] Kien magħruf bħala "bniedem umli li ta ħajtu kollha lit-tfal morda u lill-ġenituri tagħhom li tant kien iħobb".[1] Huwa kien jipprattika diversi sports u kien dejjem jippromwovi l-eżerċizzju bħala mod ta' kif persuna tibqa' attiva u b'saħħitha.[2]
F'Ottubru tas-sena 2002, huwa, flimkien ma' Rennie Zerafa, waqqaf il-fondazzjoni Puttinu Cares bil-għan li tipprovdi kura u sapport għat-tfal morda bil-kanċer u għall-familji tagħhom. Fost servizzi oħra, din il-fondazzjoni tagħmel kampanji ta' tagħrif u tipprovdi solidarjetà u wens. Hija tagħti ukoll sapport finanzjarju lill-familji affetwati billi tipprovdilhom akkomodazzjoni ġo Londra meta t-tfal ikollhom bżonn trattament speċjalizzat minħabba l-kundizzjoni tagħhom.[3]
Lejn l-aħħar tas-sena 2021, it-tabib Calvagna kien intlaqat minn karozza waqt li kien qed jiġri fix-xatt tal-Qawra. Dan wassal biex traġikament jaqa' f'koma,[6] u wara ftit jiem fit-taqsima tal-kura intensiva tas-Sptar Mater Dei huwa miet kawża tal-ġrieħi li ġarrab minn dan l-inċident. F'Ġunju tal-2022, is-sindku ta' San Pawl il-Baħar inawgura bust tat-tabib fil-Qawra, viċin ta' fejn kien seħħ l-inċident fatali.[7] Ix-xahar ta' wara, ġie inawgurat ġnien residenzjali msemmi warajh fiż-żona Ta' Mlit fil-Mosta, viċin ta' fejn kien jgħix.[8]
Referenzi
[immodifika | immodifika s-sors]- 1 2 Gatt, Thomas. "Victor Calvagna - RIP.com.mt". www.rip.com.mt (bil-Malti). Miġbur 2025-12-04.
- 1 2 Attard Montalto, Simon; Laferla, Godfrey (2022-01-05). "Dr Victor Calvagna: A Tribute". University of Malta Newspoint (bl-Ingliż). Miġbur 2025-12-04.
- 1 2 "Who we are". Puttinu Cares (bl-Ingliż). Miġbur 2025-12-04.
- ↑ "'True hero' Victor Calvagna passes away". whoswho.mt (bl-Ingliż). Miġbur 2025-12-04.
- ↑ Grech, Greta (2022-04-05). "Watch: Meet Victor Calvagna, The Human Behind The Hero". LovinMalta (bl-Ingliż). Miġbur 2025-12-04.
- ↑ Borg, Amy (2021-12-31). "It-tifla ta' Calvagna tispjega l-kundizzjoni ta' missierha - Newsbook". newsbook.com.mt (bil-Malti). Miġbur 2025-12-04.
- ↑ Rossitto, Andrea (2022-06-23). "Il-memorja tat-Tabib Calvagna ħajja f'bust fil-Qawra". TVM News (bil-Malti). Miġbur 2025-12-04.
- ↑ "Ġnien Victor Calvagna". Project Green (bl-Ingliż). 2022. Miġbur 2025-12-04.