Tserkva tal-Injam tal-Karpazji fil-Polonja u fl-Ukrajna

It-tserkva ta' Kwiatoń, waħda mis-16-il tserkva fil-Polonja u fl-Ukrajna li flimkien jitqiesu bħala Sit ta' Wirt Dinji wieħed tal-UNESCO

It-Tserkva tal-Injam tal-Karpazji fil-Polonja u fl-Ukrajna (bil-Pollakk: Drewniane cerkwie regionu karpackiego w Polsce i na Ukrainie; bl-Ukren: Дерев'яні церкви карпатського регіону Польщі і України, b'ittri Rumani: derev'yani tserkvy karpatsʹkoho rehionu Polʹshchi i Ukrayiny) huma grupp ta' 16-il knisja Ortodossa (uħud huma Kattoliċi tal-Lvant) tal-injam li jinsabu fir-reġjun tal-Karpazji fil-Polonja u fl-Ukrajna; hemm tmien tserkva f'kull pajjiż (bil-Pollak jissejħu cerkwie u bl-Ukren jissejħu Церква, zerkwa; jiġifieri "knejjes").

Dawn il-knejjes tal-injam inbnew bejn is-seklu 16 u s-seklu 19 mill-komunitajiet Ortodossi u Kattoliċi Griegi lokali u għadhom jintużaw. It-tserkva huma xhieda ta' tradizzjoni distinta ta' kostruzzjoni ta' knejjes b'disinn ekkleżjastiku Ortodoss flimkien ma' elementi tat-tradizzjoni lokali u referenzi simboliċi għall-kożmonoġija tal-komunitajiet lokali.

Sit ta' Wirt Dinji

It-Tserkva tal-Injam tal-Karpazji fil-Polonja u fl-Ukrajna ġew iddeżinjati bħala Sit ta' Wirt Dinji transnazzjonali tal-UNESCO fl-2013.

Il-valur universali straordinarju tas-sit ġie rrikonoxxut abbażi ta' żewġ kriterji tal-għażla tal-UNESCO: il-kriterju (iii) "Xhieda unika jew minn tal-inqas eċċezzjonali ta' tradizzjoni kulturali jew ta' ċivilizzazzjoni li għadha ħajja jew li għebet"; u l-kriterju (iv) "Eżempju straordinarju ta' tip ta' bini, ta' grupp ta' siti jew ta' pajsaġġ arkitettoniku jew teknoloġiku li joħroġ fid-dieher stadju/i sinifikanti fl-istorja tal-bniedem".

Lista tas-16-il tserkva

Ritratt	Isem (bil-Pollakk/bl-Ukren)	Post u Koordinati	Deskrizzjoni
	Św. Paraskewy Св. Параскеви	Radruż, il-Polonja 50° 10′ 35,3″ N, 23° 24′ 3,3″ E	Tserkva ta' San Paraskevja (illum mużew tal-kultura tal-Lvant tal-Polonja)
	Narodzenia Przenajświętszej Bogurodzicy Різдва Пресвятої Богородиці	Chotyniec, il-Polonja 49° 57′10,7″N, 23° 0′ 10″ E	Tserkva ta' Santa Marija Omm Alla (Kattolika Ortodossa Griega)
	Św. Michała Archanioła Архангела Михаїла	Smolnik, il-Polonja 49°12′34,7″N, 22° 41′ 16″ E	Tserkva ta' San Mikiel l-Arkanġlu (Kattolika Ortodossa Griega)
	Św. Michała Archanioła Архангела Михаїла	Turzańsk, il-Polonja 49° 22′ 9,1″ N, 22° 7′ 44,2″ E	Tserkva ta' San Mikiel l-Arkanġlu (Kattolika Ortodossa)
	Św. Jakuba св. Якова	Powroźnik, il-Polonja 49° 22′ 11″ N, 20° 57′ 1,5″ E	Tserkva ta' San Ġakbu (Kattolika Ortodossa Griega)
	Opieki Matki Bożej Покрови Пресвятої Богородиці	Owczary, il-Polonja 49° 35′ 19″ N, 21° 11′ 28″ E	Tserkva ta' Santa Marija (Kattolika Ortodossa Griega)
	Św. Paraskewy Св. Параскеви	Kwiatoń, il-Polonja 49° 30′ 4,8″ N, 21° 10′ 21,7″ E	Tserkva ta' San Paraskevja (Kattolika Ortodossa Griega)
	Św. Michała Archanioła Архангела Михаїла	Brunary, il-Polonja 49° 32′ 2″ N, 21° 1′ 56″ E	Tserkva ta' San Mikiel l-Arkanġlu (Kattolika Ortodossa Griega)
	Св. Духа Św. Ducha	Potelych, l-Ukrajna 50° 12′ 31″ N, 23° 33′ 3″ E	Tserkva tal-Inżul tal-Ispirtu s-Santu (Kattolika Ortodossa Griega)
	Собору Пресвятої Богородиці Najświętszej Bogurodzicy (św. Dymitra)	Matkiv, l-Ukrajna 48° 54′ 55,7″N, 23° 6′ 32″ E	Tserkva ta' San Dimitri (Kattolika Ortodossa Griega)
	святої Трійці Św. Trójcy	Zhovkva, l-Ukrajna 50° 3′ 19,2″ N, 23° 58′ 56″ E	Tserkva tat-Trinità Mqaddsa (Kattolika Ortodossa Griega)
	Св. Юра Św. Jerzego	Drohobych, l-Ukrajna 49° 20′51,9″N, 23° 29′58,8″E	Tserkva ta' San Ġorġ (Kattolika Ortodossa Griega)
	Св. Духа Św. Ducha	Rohatyn, l-Ukrajna 49° 24′ 37″ N, 24° 36′ 10,5″E	Tserkva tal-Inżul tal-Ispirtu s-Santu (Kattolika Ortodossa Griega)
	Різдва Пресвятої Богородиці Narodzenia Przenajświętszej Bogurodzicy	Nyzhniy Verbizh, l-Ukrajna 48° 29′55,2″N, 25° 0′41,3″ E	Tserkva tat-Twelid ta' Santa Marija Verġni (Kattolika Ortodossa Griega)
	Вознесіння Господнього Wniebowstąpienia Pańskiego	Yasinya, l-Ukrajna 48° 16′ 30″ N, 24° 21′ 11″ E	Tserkva tat-Tlugħ is-Sema ta' Kristu (Kattolika Ortodossa Griega/Kattolika Russa)
	Архангела Михаїла Św. Michała Archanioła	Uzhok, l-Ukrajna 48° 59′ 1,5″ N, 22° 51′15,6″E	Tserkva ta' San Mikiel l-Arkanġlu (Kattolika Ortodossa Griega)