Arnold Cassola

Arnold Cassola (Tas-Sliema) huwa Professur (Associate Professor) tal-letteratura komparata fl-Università ta’ Malta u ċ-Ċermen ta' Alternattiva Demokratika.

Għallem fl-Università ta’ Katanja (1981-83) u ‘La Sapienza’ ta’ Ruma(1983-88).

Fl-2003 ġie onorat mir-Repubblika Taljana bl-unur Cavaliere della Repubblica Italiana għall-ħidma kulturali u r-relazzjonijiet bejn l-Italja u Malta.

Huwa awtur ta' diversi kotba fuq l-istorja, l-letteratura u l-kultura Maltija kif ukoll kotba fuq il-politika ekoloġista f’Malta u fl-Ewropa. Kiteb diversi artikli akkademiċi. Studja u ħadem fl-Italja, il-Belġju u l-Isvizzera, apparti f’Malta.

Politika

Fl-1999 ġie elett Segretarju Ġenerali tal-European Green Party.

Kien ċermen ta' Alternattiva Demokratika bejn l-2008 u l-2009, u mill-2013 'il quddiem.

Fl-2004 il-Partit ppreżentah bħala kandidat għall-Parlament Ewropew fejn kiseb riżultat tajjeb ta' 9.3% ta' l-ewwel preferenzi. Dan, iżda, ma kienx biżżejjed biex jeleġi MPE.

Serva ukoll għal xi żmien bħala Membru Parlamentari fil-Parlament Taljani mal-Verdi.