Lawrence Gonzi: Differenza bejn il-verżjonijiet

Minn Wikipedija, l-enċiklopedija l-ħielsa
Content deleted Content added
No edit summary
Linja 61: Linja 61:


{{kaxxa tal-bidu}}
{{kaxxa tal-bidu}}
{{kaxxa ta' suċċessjoni |qabel=[[Eddie Fenech Adami]] |titlu=[[Prim Ministru ta' Malta]] |snin=2004–preżent |wara=Kariga attwali}}
{{kaxxa ta' suċċessjoni |qabel=[[Eddie Fenech Adami]] |titlu=[[Prim Ministru ta' Malta]] |snin=2004–preżent |wara=[[Joseph Muscat]]}}
{{kaxxa ta' suċċessjoni |qabel=[[Eddie Fenech Adami]] |titlu=[[Partit Nazzjonalista (Malta)|Kap tal-Partit Nazzjonalista]] |snin=2004–preżent |wara=Kariga attwali}}
{{kaxxa ta' suċċessjoni |qabel=[[Eddie Fenech Adami]] |titlu=[[Partit Nazzjonalista (Malta)|Kap tal-Partit Nazzjonalista]] |snin=2004–preżent |wara=Kariga attwali}}
{{kaxxa ta' suċċessjoni |qabel=[[Guido de Marco]] |titlu=[[Partit Nazzjonalista (Malta)|Deputat Mexxej tal-Partit Nazzjonalista]] |snin=1999–2004 |wara=[[Tonio Borg]]}}
{{kaxxa ta' suċċessjoni |qabel=[[Guido de Marco]] |titlu=[[Partit Nazzjonalista (Malta)|Deputat Mexxej tal-Partit Nazzjonalista]] |snin=1999–2004 |wara=[[Tonio Borg]]}}

Reviżjoni ta' 18:41, 11 Marzu 2013

Dott. Lawrence Gonzi
Stampa:Pm profile.JPG
Kariga: Kap tal-Oppożizzjoni
Perjodu fil-Kariga: 2013 -
PM Predeċessur: Eddie Fenech Adami
Data tat-Twelid: 1 ta' Lulju, 1953
Post tat-Twelid: Valletta
Partit Politiku: Partit Nazzjonalista

Lawrence Gonzi (Pietà, 1 ta' Lulju 1953) huwa attwalment il-Kap tal-Oppożizzjoni u Kap tal-Partit Nazzjonalista. Minn Marzu 2004 sa Marzu 2013 huwa serva bħala Prim Ministru ta' Malta. Nhar l-10 ta' Marzu 2013 huwa ħabbar li kien se jirreżenja minn Kap tal-Partit wara telfa elettorali kbira għall-Partit tiegħu

Bijografija

Bin Luigi u Ines, Lawrence Gonzi huwa ukoll in-neputi tal-Arċisqof Monsinjur Mikiel Gonzi u huwa miżżewweġ lil Catherine magħrufa bħala Kate, u għandhom tliet ulied: David, Mikela u Paul.

Gonzi qatta' ħafna mit-tfulija tiegħu fl-Azzjoni Kattolika. Huwa kien student fis-Seminarju tal-Arċisqof, ir-Rabat. Minkejja li zijuh, l-Arċisqof Gonzi, ħeġġu biex isir saċerdot, Lawrence Gonzi għażel li jkompli l-istudji tiegħu, billi jidħol għall-kors tal-Liġi fl-Università ta' Malta, fejn eventwalment laħaq avukat fl-1975. Waqt il-kors Gonzi beda jinteressa ruħu fil-politika. Huwa beda jipprattika l-professjoni tiegħu f'kumpanija privata, u ftit wara ħadem ta' avukat għal Mizzi Organisation, fejn serva ta' Ċermen tal-grupp mill-1987 sal-1997.

Ftit wara il-gradwazzjoni tiegħu Gonzi beda jieħu sehem fis-settur volontarju, partikularment fis-settur relatat mad-diżabilità u l-mard mentali. Huwa kien ukoll President tal-"Malta Catholic Action Movement" bejn l-1976 u l-1986.

Politika

Lawrence Gonzi ikkontesta għall-ewwel darba l-elezzjonijiet ġenerali fl-1987 bla suċċess mal-Partit Nazzjonalista. Intgħażel speaker tal-Kamra tad-Deputati fl-1988 u wkoll fl-1992. Gonzi ikkontesta b'suċċess l-elezzjonijiet tal-1996. Bħala membru parlamentari fl-oppożizzjoni, serva bħala Shadow Minister għas-sigurta soċjali. Matul iż-żmien hu serva bħala Segretarju Parlamentari għall-Grupp Parlamentari Nazzjonalista, Whip tal-Partit Nazzjonalista, u Segretarju Ġenerali tal-Partit.

Fl-elezzjonijiet tal-1998 u l-2003 reġa' ġie elett bħala membru parlamentari u serva bħala Ministru tas-Sigurtà Soċjali u wara li fl-1999 Guido de Marco laħaq President tar-Repubblika, Gonzi ikkontesta b'suċċess il-kariga ta' Viċi-Kap tal-partit. Ftit wara inħatar Viċi-Prim Ministru ta' Malta u Leader of the House tal-Kamra tad-Deputati.

Priministru 2004-2013

Wara r-riżenja tal-eks-Prim Ministru u Kap tal-Partit Nazzjonalista Eddie Fenech Adami, Gonzi rebaħ l-elezzjoni għat-tmexxija tal-Partit Nazzjonalista f'elezzjoni li saret fi Frar 2004. Hu laħaq Prim Ministru f'Marzu tal-istess sena.

Mill-2004 huwa żamm il-Ministeru tal-Finanzi f'idejh. Bħala Ministru tal-Finanzi huwa rnexxielu jġib lil Malta fil-pożizzjoni biex tikkwalifika għall-kriterji ta' Maastricht sabiex tidħol fiż-Żona Ewro u tadotta l-munita ewlenija Ewropea, l-ewro.

Gonzi kellu jiffaċċja l-ewwel elezzjoni bħala Kap tal-Partit u Prim Ministru ta' Malta fl-2008. Waqt il-kampanja elettorali Gonzi ta importanza kbira lill-ambjent fejn jara l-ambjent l-akbar sfida li Malta għanda tiffaċja. Fit-8 ta' Marzu 2008, il-Partit Nazzjonalista rebaħ l-elezzjoni ġenerali b'distakk minimu ta' kważi 1,500 vot fuq il-Partit Laburista immexxi minn Alfred Sant, li wara din it-tielet telfa konsekuttiva, irriżenzja minn kap tal-partit. Jumejn wara din ir-rebħa Gonzi ġie konfermat mill-ġdid bħala Prim Ministru. Kif kien stqarr qabel l-elezzjoni, Gonzi ma baqax fil-kariga ta' Ministru tal-Finanzi. Fil-fatt huwa żamm l-Awtorità tal-Ippjanar u s-settur tat-turiżmu taħt l-uffiċċju tiegħu direttament.

Franco Debono jwaqqa' l-Gvern

Nhar l-10 ta' Diċembru 2012, id-deputat Nazzjonalista Franco Debono flimkien mal-Oppożizzjoni Laburista vvutaw fil-Parlament kontra l- Baġit imressaq ġimagħtejn qabel u allura dan m’għaddiex b’35 vot kontra l-34 favur, u l-Gvern waqa’. Dan ġiegħel lill-Priministru Gonzi jmur l-għada għand il-President tar-Repubblika Dr George Abela fil-Palazz il-Belt biex jissuġġerilu li l-Parlament jiġi xolt u tissejjaħ elezzjoni ġenerali bil-Parlament ixolji fis-7 ta’ Jannar, 2013, waqt li l-elezzjoni ġenerali ssir fl-istess jum mal-elezzjoni tal- kunsilli lokali, jiġifieri s-Sibt 9 ta’ Marzu 2013.

Kap tal-Oppożizzjoni

Nhar l-10 ta' Marzu filgħodu tħabbar li l-Partit Laburista għamel waħda mill-akbar rebħiet elettorali fl-istorja politika ta' Malta, meta rebaħ l-Elezzjonijiet Ġenerali 2013 b'maġġoranza ta' 55% jew 30,000 vot u jista' jkollu vantaġġ ta' disa' siġġijiet fil-Parlament. Gonzi mill-ewwel ikkonċeda t-telfa u feraħ lill-Priministru l-ġdid Joseph Muscat. Huwa ħabbar li kien se jirriżenja minn Kap tal-Partit u kien se jibqa' fil-kariga sakemm il-Partit jagħżel Kap ġdid.

Ħoloq esterni

Predeċessur
Eddie Fenech Adami
Prim Ministru ta' Malta
2004–preżent

Suċċessur
Joseph Muscat

Predeċessur
Eddie Fenech Adami
Kap tal-Partit Nazzjonalista
2004–preżent

Suċċessur
Kariga attwali

Predeċessur
Guido de Marco
Deputat Mexxej tal-Partit Nazzjonalista
1999–2004

Suċċessur
Tonio Borg

Predeċessur
Austin Gatt
Segretarju Ġenerali tal-Partit Nazzjonalista
1998–1999

Suċċessur
Joe Saliba