John O'Shea: Differenza bejn il-verżjonijiet

← Differenza preċedenti Differenza suċċessiva →

Content deleted Content added

Inline

Reviżjoni ta' 13:20, 11 Diċembru 2012

Mudell:Infobox Plejer tal-Futbol 2 John Francis O'Shea (Waterford, 30 ta' April 1981) hu plejer tal-futbol li kurrentament jilgħab ma' Sunderland.

Karriera

Manchester United

Wara li kompla l-iskola f'Waterfod u tejjeb it-teknika tiegħu fil-futbol mal-klabbs lokali ta' Ferrybank AFC u Bohemians, O'Shea ingħaqad ma' Manchester United. Hu ffirma l-ewwel kuntratt professjonali tiegħu fl-età ta' 17-il sena, u d-debutt professjonali wasal fl-1999 kontra Aston Villa f'Villa Park. Wara perjodi ta' self mat-timijiet ta' Bournemouth u Royal Antwerp, hu rritorna Manchester biex jibda' jkun plejer mal-ewwel tim għall-istaġun 2002–03, fejn wera il-versatilità ta' logħob fosthom fin-naħa leminija, xellugija u dik ċentrali tad-difiża u anki fil-pożizzjoni ċentrali ta' nofs il-grawnd matul l-istaġun tas-suċċess fil-kampanja tal-Premiership 2002–03.

Fl-istaġun 2004–05 wera logħob deludenti u kien hemm għajdut li l-Irlandiż seta' jitlaq minn Manchester, b'Newcastle United u Liverpool kienu fost l-interessati. Waħda minn fost il-ftit okkażjonijiet denji ta' nota għal dak l-istaġun kemmxejn diżappuntanti ta' United kienet ir-rebħa barra minn darhom ta' 4–2 fuq Arsenal, fejn O'Shea skorja r-raba' gowl meta qabbeż fuq il-gowlkiper ta' Arsenal Manuel Almunia minn tarf il-kaxxa.

Iż-żmien barra mil-logħob ta' Gary Neville, taw lil O'Shea aktar opportunitajiet mal-ewwel tim fl-istaġun 2005–06. Hu kien ikkritikat għall-prestazzjonijiet negattivi, u kien hemm xniegħat li seta' kien wieħed mill-plejers li kienu ġew ikkritikati mill-veteran ta' United, Roy Keane, f'intervista kontroversjali fuq l-istazzjon televiż tal-klabb MUTV.

Fl-4 ta' Frar 2007, waqt il-logħba tal-kampjonat kontra Tottenham Hotspur, O'Shea ħa post Edwin van der Sar bejn il-lasti hekk kif van der Sar kellu joħroġ barra mill-grawnd minħabba li kien kiser imnieħru u Manchester United kienu diġà wżaw it-tliet sostituzzjonijiet kollha. Matul dan il-ħin hu rnexxielu jopponi lill-kompatrijott fit-tim oppost, Robbie Keane, milli jiskorja b'salvataġġ bi ftit minuti mit-tmiem. Wara dan l-inċident, il-partitarji ta' United kantaw fuq it-tribuni tal-istadju "Ireland's number one" ("In-numru wieħed tal-Irlanda") ad unur ta' O'Shea.

Xahar wara hu rebaħ bil-kbir fuq il-partitarji ta' United wara li skorja gowl fil-ħin miżjud kontra r-rivali eterni Liverpool f'Anfield f'partita mill-kampjonat, wara li kien daħal bħala sostitut għal Wayne Rooney. Dan il-gowl kien importanti għal United fi triqithom biex jiksbu t-trofew tal-Premiership għall-istaġun 2006–07. Hu wkoll salva lit-tim kontra Everton fl-aħħar partita tal-istaġun meta l-gowlkiper ta' Everton Iain Turner ma kkontrollax il-ballun minn corner ta' Ryan Giggs, u hu tefa' l-ballun fix-xibka. United ħarġu rebbieħa 4–2. Dan kien gowl aktar deċiżiv, hekk kif Bolton kienu qegħdin pari ma' Chelsea fl-istess ħin u telfa kien jerġa' jitfa' lil Chelsea fit-tellieqa għar-rebħ tat-titlu.^[1]

Matul l-istaġun 2007–08, Manchester United użaw lil O'Shea bħala attakkant ta' emerġenza minħabba problemi ta' plejers barra minħabba li kienu mweġġa. L-użu tiegħu bħala attakkant tatu d-distinzjoni li lagħab f'kull pożizzjoni għal Manchester United.

Fit-23 ta' Novembru 2007, John O'Shea estenda l-kuntratt ma' Manchester United, li b'hekk se jżommu mal-klabb sal-2012. O'Shea ingħata l-faxxa ta' kaptan għall-ewwel darba fit-telfa li Manchester United sofrew kontra Coventry City fir-raba' rawnd tal-League Cup bl-iskor ta' 2–0 biż-żewġ gowls jaslu mill-internazzjonali Malti Michael Mifsud.

Matul l-istaġun 2008–09, O'Shea sar regulari fi ħdan it-tim, fejn kien is-sostitut ideali għal Wes Brown u Gary Neville, li t-tnejn kienu mweġġgħin b'mod regulari. O'Shea beda l-finali tal-League Cup 2009, qabel ma' Nemanja Vidić ħadlu post fis-76 minuta, b'United joħorġu rebbieħa 4–1 bil-penalties. Fid-29 ta' April 2009, O'Shea skorja l-ewwel gowl tal-partita mill-ewwel leg tas-semifinali tal-UEFA Champions League kontra Arsenal, li ħejja t-triq għall-progress għall-finali, wara skor aggregat ta' 4–1 wara t-tieni leg. Fil-finali tal-istess kompetizzjoni, O'Shea lagħab id-disgħin minuta fil-konfront kontra Barcelona, li rriżultat f'telfa ta' 2–0 għat-tim Ingliż.^[2]

O'Shea libes il-faxxa ta' kaptan għat-tieni darba fl-ewwel partita tal-istaġun 2009–10 kontra Birmingham City, waqt li ċċelebra t-350 logħba tiegħu bil-flokk tal-United kontra Stoke City fid-29 ta' Settembru 2009, bl-ewwel gowl tiegħu f'iktar minn sentejn.^[3]

Sunderland

Fis-7 ta' Lulju 2011, O'Shea ingħaqad ma' Sunderland fejn iffirma kuntratt ta' erba' snin.^[4]

Internazzjonali

John O'Shea deher għall-ewwel darba mat-tim nazzjonali Irlandiż fil-15 ta' Awissu 2001 meta daħal bħala sostitut fl-84 minuta kontra l-Kroazja. Id-debutt kien wieħed diżappuntanti minħabba li rregala penalty fil-ħin miżjud, li rriżulta bl-Irlanda titlef il-vantaġġ u l-partita tispiċċa 2–2. Fid-19 ta' Awwissu, O'Shea skorja l-ewwel gowl internazzjonali meta skorja l-ewwel gowl fir-rebħa tal-Irlanda kontra l-Awstralja.

Unuri

Klabb

Manchester United

FA Premier League: 2002–03, 2006–07, 2007–08, 2008–09, 2010–11
FA Cup: 2003–04
Football League Cup: 2005–06, 2008–09, 2009–10
FA Community Shield: 2003, 2007, 2008, 2010
UEFA Champions League: 2007–08
Tazza tad-Dinja tal-Futbol tal-Klabbs: 2008

Referenzi

^ Ian Hughes (28-04-2007). BBC Sport (ed.). "Everton 2-4 Manchester United" (bl-Ingliż). Iċċekkja l-valuri tad-data f': |data= (għajnuna)
^ David Ornstein (21-05-2009). BBC Sport (ed.). "O'Shea eager to secure Euro glory" (bl-Ingliż). Iċċekkja l-valuri tad-data f': |data= (għajnuna)
^ Caroline Cheese (26-09-2009). BBC Sport (ed.). "Saturday football as it happened" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
^ BBC Sport, ed. (07-07-2011). "Man Utd's John O'Shea signs four-year Sunderland deal" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)

Ħoloq esterni

John O'Shea fuq Soccerbase
Profil fuq ManUtd.com

Mudell:Tim ta' Sunderland AFC

[1] Ian Hughes (28-04-2007). BBC Sport (ed.). "Everton 2-4 Manchester United" (bl-Ingliż). Iċċekkja l-valuri tad-data f': |data= (għajnuna)

[2] David Ornstein (21-05-2009). BBC Sport (ed.). "O'Shea eager to secure Euro glory" (bl-Ingliż). Iċċekkja l-valuri tad-data f': |data= (għajnuna)

[3] Caroline Cheese (26-09-2009). BBC Sport (ed.). "Saturday football as it happened" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)

[4] BBC Sport, ed. (07-07-2011). "Man Utd's John O'Shea signs four-year Sunderland deal" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)

[1]

[2]

[3]

[4]

@@ Linja 140: / Linja 140: @@
 [[tr:John O'Shea]]
 [[uk:Джон О'Ші]]
-[[uz:John O'Shea]]
 [[vi:John O'Shea]]
 [[zh:約翰·奧沙]]