Carlos Alonso González: Differenza bejn il-verżjonijiet

Minn Wikipedija, l-enċiklopedija l-ħielsa
Content deleted Content added
m robot Modifying: es:Santillana (futbolista)
m r2.7.1) (robot Adding: fa:کارلوس سانتیانا
Linja 67: Linja 67:
[[en:Santillana (footballer)]]
[[en:Santillana (footballer)]]
[[es:Santillana (futbolista)]]
[[es:Santillana (futbolista)]]
[[fa:کارلوس سانتیانا]]
[[fi:Santillana (jalkapalloilija)]]
[[fi:Santillana (jalkapalloilija)]]
[[fr:Carlos Santillana]]
[[fr:Carlos Santillana]]

Reviżjoni ta' 14:41, 1 Marzu 2011

Mudell:Infobox Plejer tal-Futbol Carlos Alonso González, magħruf aħjar bħala Santillana (Santillana del Mar, 23 ta' Awwissu 1952) kien plejer tal-futbol Spanjol li kien jilgħab bħala attakkant, ikkunsidrat fost l-aqwa plejers u attakkant li pajjiżu qatt ipproduċa.[1]

Karriera mal-klabbs

Santillana beda l-karriera professjonali tiegħu ma' Racing de Santander, qabel ma fl-età ta' dsatax-il sena sab ruħu fost l-iskwadra ta' Real Madrid. Fl-Ewwel Diviżjoni tal-1971, l-istaġun debuttanti tiegħu, hu skorja 10 partiti minn 34 logħba hekk kif Real ġew inkuranti ċampjins.

Mat-tim Madrilen, Santillana rebaħ total ta' disa' kampjonati, flimkien ma' erba' tazzi domestiċi u żewġ edizzjonijiet konsekuttivi tat-Tazza UEFA (fejn skorja fiż-żewġ finali). Hu lagħab rekord ta' 778 partita ma' Real Madrid, rekord li hu megħlub biss minn Manuel Sanchis, fejn f'dawn it-total ta' partiti rnexxielu jiskorja 352 gowl. Minkejja li hu t-tmien l-aqwa skorer ta' kull żmien tal-ewwel diviżjoni Spanjola, b'186 gowl f'461 partita, hu qatt ma rebaħ l-unur Pichichi.

Wara biss tnax-il partita fl-istaġun 1987–88, fejn skorja erba' darbiet, Santillana irtira mill-futbol fl-età ta' 36 sena, fejn skorja fir-rebħa ta' 2–1 kontra Real Valladoid, b'Real Madrid isegwu r-rebħ tat-tielet titlu in fila fl-aħħar tliet staġuni tiegħu.

Internazzjonali

Matul il-karriera internazzjonali tiegħu, Santillana kiseb 56 apparenza mat-tim nazzjonali Spanjol fejn skorja 15-il darba, bid-debutt tiegħu jseħħ nhar is-17 ta' April 1975, fil-konfront validu għall-kwalifikazzjoni għall-Kampjonati Ewropej 1976 kontra l-Jugożlavja (għall-kronaka, il-partita ntemmet 1–1 ġewwa Madrid).

Hu rrparenżenta lil pajjiżu f'diversi kompetizzjonijiet internazzjonali. Ħa sehem fit-Tazza tad-Dinja 1978 li saret fl-Arġentina u fit-Tazza tad-Dinja 1982 li saret ġewwa pajjiżu. Barra minn hekk kien fl-iskwadra ta' tliet edizzjonijiet tal-Kampjonati Ewropej: fl-1976, fejn waslu sal-finali, fl-1980, fejn naqsu li jgħaddu għat-tieni rawnd, u fl-1984, fejn Spanja tilfu l-finali kontra l-ospiti Franza, b'Santillana jasal qrib li jiskorja l-gowl tal-ftuħ permezz ta' daqqa ta' ras li ġiet salvata minn fuq il-linja minn Luis Fernández.

Il-mument l-aktar emozzjonanti fil-karriera internazzjonali tiegħu wasal fil-21 ta' Diċembru 1983, matul partita mill-fażi ta' kwalifikazzjoni għall-Kampjonati Ewropej fejn f'Sevilla l-Ispanjoli kienu qed jilgħabu kontra t-tim nazzjonali ta' Malta. Bit-tim Spanjol jsegwi ħolma li jiskorjaw ħdax-il gowl biex jassiguraw il-kwalifikazzjoni, Santillana skorja tripletta fl-ewwel taqsima u żied gowl ieħor fit-tieni, hekk kif Spanja ikkwalifikat għall-ispejjeż tal-Olanda.

Referenzi

Ħoloq esterni

Predeċessur
José Martínez Pirri
Kaptan ta' Real Madrid
1979–1988

Suċċessur
Manolo Sanchís