Kolugo

Mudell:Isem taxbox
Klassifikazzjoni xjentifika

Mammiferi erbivori noturni tà daqs żgħir mifruxa mal-foresti topikali fin-naħa tà xlokk tà l-Asja. Jeżistu biss 2 speci f' 2 ġeneri, li jiffurmaw il- familja Cynocephalidae u l-ordni Dermoptera. Għalkemm huma l'aktar mammiferi kapaci mill-mammiferi li jiplanaw, dawn xorta ma jistawx itijru tà vera. Il-kolugi jissejħu wkoll kobegi jew lemuri li jtiru (għalkemm, dawn la huma lemuri u l'anqas itiru).

Il-kolugi għalkemm tà daqs żgħir, huma pjutost kbar bħala mammiferi tas-siġar: b'bejn 35 u 40 ċm fit-tul u minn 1 sa 2 kilogrami fil-piż. Is-saqajn u l-idejn huma irqaq tà tul moderat bl'istess qies, demb tà daqs medju, u korporatura ħafifa. Ir-ras ċkejkna, b'par għajnejn kbar iħarsu l'quddiem b'viżjoni binokulari u b'par widnejn żagħar u tondi.

Dawn il-mammiferi għandhom membrana tà ġilda mifruxa bejn il-vojt tà l-appendiċi kollha li fl'ebda mammiferu ieħor mà laħqet din il-firxa.Din il-membrana jew pataġjum mifruxa ukoll bejn is-swaba tal-idejn u tas-saqajn, bejn id-demb w is-saqajn u saħansitra bejn l'idejn u l-għonq.Ġeometrikament din il-membrana mhux possibli tkun akbar jew aktar mifruxa minn hekk.

Klassifikazjoni

• Ordni Dermoptera
  • Familja Cynocephalidae
    • Ġeneru Cynocephalus
      • Kolugo tal-Filippini, Cynocephalus volans
    • Ġeneru Galeopterus
      • Kolugo tà Sunda, Galeopterus variegatus

Il- Mixodectidae jidher li hu fossilu tal-ordni Dermoptera. Madankollu, għalkemm hemm mammiferi oħra tal-Paleogene li ġew interpretati bħala relatati ma' d-dermopteri, l'evidenza turi li hemm inċertezzi u ħafna min dawn il-fossili mà għadhomx interpretati aktar bħala mammiferi planarji.

Il- kolugi darba kienu jagħmlu parti ma l- ordni Insectivora, madankollu, l'aħħar studji tal- filogenija molekulari urew li l-kolugi għandhom jiġu klassifikati f' ordni għalijhom Dermoptera, u flimkien ma l- ordnijiet Primates u Scandentia, jiffurmaw il- clade Euarchonta. Il- clade Euarchonta tiġi oħt il- clade Glires u din iffurmata mill- ordnijiet Lagomorpha u Rodentia, w iż-zewġt gruppi jiffurmaw l-Euarchontoglires.

Euarchontoglires
    ├─Glires
    │    ├─ġrieden (Rodentia)
    │    └─fniek (Lagomorpha)
    └─Euarchonta
         ├─tupaja (Scandentia)
         └─N.N.
              ├─kolugi (Dermoptera)
              └─N.N.
                   ├─Plesiadapiformes (estinti)
                   └─primati (Primates)

Sinonimi

L-ismijiet Colugidae, Galeopithecidae u Galeopteridae huma sinonimi tà Cynocephalidae. Colugo, Dermopterus, Galeolemur, Galeopithecus, Galeopus, u Pleuropterus huma sinonimi tà Cynocephalus.

Links Esterni

• http://www.colugos.com/