Karim Benzema: Differenza bejn il-verżjonijiet

Minn Wikipedija, l-enċiklopedija l-ħielsa
Esplora l-kronoloġija b'mod interattiv
← Differenza preċedentiDifferenza suċċessiva →
Content deleted Content added
VisualWikitext
m robot Adding: fa:کریم بنزما
m robot Adding: nn:Karim Benzema
Linja 202: Linja 202:
[[mr:करीम बेन्झेमा]]
[[mr:करीम बेन्झेमा]]
[[nl:Karim Benzema]]
[[nl:Karim Benzema]]
[[nn:Karim Benzema]]
[[no:Karim Benzema]]
[[no:Karim Benzema]]
[[oc:Karim Benzema]]
[[oc:Karim Benzema]]

Reviżjoni ta' 00:38, 19 Ottubru 2010

Mudell:Infobox Plejer tal-Futbol 2 Karim Benzema (Lyon, 19 ta' Diċembru 2007) huwa plejer tal-futbol Franċiż ta' dixxendenza Alġerina li jilgħab fl-irwol ta' attakkant ma' Real Madrid.

L-istaġun 2007–08, kien l-istaġun li tatu post regulari ma' Olympique Lyonnais, u sar wieħed mill-aqwa attakkanti tal-kampjonat Franċiż, fejn rebaħ l-unur tal-aqwa plejer tal-Ligue 1. Dawn il-prestazzjonijiet, partikularment fil-UEFA Champions League, attiraw l-attenzjoni tal-ikbar klabbs Ewropej. Fl-2007 intgħażel għall-ewwel darba mat-tim nazzjonali Franċiż tal-kbar, u fis-sena ta' wara kien parti mill-iskwadra magħżula għall-Kampjonati Ewropej.

Karriera

L-ewwel passi

Imwieled minn ġenituri Alġerini fis-subborgi ta' Lyon, Karim Benzema beda l-ewwel passi tal-futbol ma' klabb fi Bron, SC Bron Terraillon. F'età ta' disa' snin, wara partita bejn it-tim tiegħu u l-ġovanili ta' Olympique Lyonnais, ingħata kuntratt mat-tim ta' Lyon u beda jitħarreġ mat-tim ġovanili, fil-Kulleġġ Saint-Louis St. Bruno. Benzema, li jieħu bħala mudell lill-attakant Brażiljan Ronaldo,[1] wera l-potenzjal tiegħu meta skorja 98 gowl għat-tim ta' taħt is-sittax-il sena ta' OL.

Passaġġ għall-OL

Matul l-istaġun 2004–05, Karim Benzema stabilixxa ruħu mat-tim ta' taħt it-tmintax-il sena ta' Olympique Lyon, fejn skorja tnax-il gowl f'erbatax-il partita. Billi kien jidher li kien se jkun talent promettenti, ġie integrat fil-grupp professjonistiku u lagħab sitt partiti fil-Ligue 1. Il-kowċ Paul Le Guen lagħbu għall-ewwel darba f'Jannar tal-2005 kontra FC Metz. Fid-debutt mal-ewwel ħalla impressjoni hekk kif kien hu li ta l-passaġġ għall-gowl deċisiv tal-konfront, skurjat minn Bryan Bergougnoux. Suċċessivament, hu iffirma l-ewwel kuntratt professjonistiku li kien se jżommu għal perjodu ta' tliet snin.[2].

Fl-istaġun 2005–06, Benzema kompla jikber permezz tal-kompetizzjoni taċ-Champions League. Fis-sitt u l-aħħar ġurnata mill-fażi tal-gruppi, il-kowċ Gérard Houllier ikkonferma bħala titulari ż-żgħażagħ Jeremy Clement, Hatem Ben Arfa u Karim Benzema. Dan tal-aħħar skorja l-ewwel gowl f'partita uffiċjali. Fil-kampjonat hu lagħab tlettax-il partita, fejn erbgħa minnhom lagħab mal-ewwel ħdax; l-ewwel gowl tiegħu wasal kontra AC Ajaccio fid-29 ġurnata tal-kampjonat. Fl-aħħar tal-istaġun Benzema stqarr li jrid jistabilixxi ruħu ma' dan il-klabb Franċiż, "wieħed mill-aqwa timijiet fl-Ewropa". Hu estenda l-kuntratt sal-2010.[3].

Lyon bdew l-istaġun 2006–07 b'rebħa fit-Trophée des Champions. Minn taħt kontra Paris Saint-Germain u b'diversi plejers nieqsa li kienu għadhom kif irritornaw mill-impenn tat-Tazza tad-Dinja 2006, Lyon kisbu l-pari permezz ta' penalty ta' Benzema, qabel ma rebħu l-konfront permezz tal-għoti tal-penalties. Benzema bil-mod il-mod sab postu fost skwadra sinjura fl-attakk, bi plejers bħal Sylvain Wiltord u Sidney Govou fuq il-ġwienaħ, u l-attakkanti Fred u John Carew, flimkien mal-akkwist suċċessiv ta' Milan Baroš. F'Ottubru, matul l-għaxar ġurnata tal-kampjonat, Benzema issostitwixxa lil Fred minħabba li dan tal-aħħar sofra minn uġigħ, u kien hu li ta l-vantaġġ lil OL fi Stade Velodrome. Minħabba li kien weġġa' koxxtu, hu ma setgħax jonora l-ewwel apparenza mat-tim nazzjoni Franċiż, u kellu jkun barra mil-logħob għal xi ġimgħat f'Jannar 2007. Matul l-istaġun hu lagħab 21 partita u skorja 5 gowls. Fiċ-Champions League hu lagħab kontra Steaua Bucharest u Dynamo Kiev. Il-gowl kontra dan tal-aħħar ta r-rebħa u l-kwalifikazzjoni għar-rawnd suċċessiv.

Fil-bidu tal-istaġun 2007–08, Lyon ħabbru li Benzema estenda l-kuntratt sal-2012. Il-forma tajba tiegħu waslitu biex isir plejer titulari u skorja l-ewwel tripletta tal-karriera tiegħu kontra FC Metz. It-talent tiegħu, li deher l-aktar fil-kompetizzjoni Ewropea, wassal għall-interess minn klabbs kbar madwar l-Ewropa. Fost dawn, l-istampa ħabbret l-interess ta' Alex Ferguson, kowċ tar-"Red Devils", u anki ta' Adriano Galliani, viċi-president ta' AC Milan.[4] Fl-aħħar tal-istaġun, Benzema spiċċa l-aqwa skorer tal-kampjonat meta skorja 20 gowl, u rreġistra 6 gowls fit-Tazza ta' Franza, gowl fit-Tazza tal-Lega Franċiża u erba' gowls fiċ-Champions League. Benzema, skont votazzjoni organizzata minn France Football biex jonoraw il-Plejer Franċiż tas-Sena, spiċċa fit-tielet post wara Franck Ribéry u Thierry Henry. Il-prestazzjonijiet tiegħu xorta waħda ġew rikonoxxuti mill-UNFP li tatu t-trofew tal-aqwa plejer tal-Ligue 1. Minkejja rikjesti minn klabbs barranin, l-attakkant iffirma f'Marzu 2008 estinzjoni tal-kuntratt ma' Olympique Lyonnais. Dan il-kuntratt se jżommu mal-klabb sal-2013 b'għażla li jestendi b'sena oħra l-kuntratt.[5] Wara li ffirma l-kuntratt, Benzema sar fost l-iktar plejers imħallsa fi Franza b'salarju ta' madwar €300,000 fix-xahar.[6]

Hu beda l-istaġun 2008–09 fuq prestazzjoni pożittiva hekk kif fl-ewwel ġurnata tal-kampjonat kontra Toulouse hu skorja doppjetta. F'dan l-istaġun hu skorja 12-il f'25 partita imma jinsab biss fit-tielet post tal-klassifika tal-aqwa skorers tal-kampjonat fl-ewwel nofs tal-istaġun. Ftit qabel it-tmiem tal-istaġun, Karim Benzema ħabbar li kien se jibqa' ma' Lyon għal staġun ieħor minkejja l-eliminazzjoni ta' OL fl-ewwel rawnd eliminatorju kontra Barcelona, fejn il-plejer Franċiż irnexxielu jsib ix-xibka għal ħames darbiet f'din il-kompetizzjoni.

Real Madrid

Nhar l-1 ta' Lulju 2009, ġie mħabbar li Lyon qablu mal-klabb Spanjol ta' Real Madrid għat-trasferiment ta' Benzema. It-trasferiment sewa €35 miljun bis-somma titla' għal €41 miljun skont l-inċentivi.[7] Wara t-testijiet mediċi, hu iffirma kuntratt ta' sitt snin. Id-debutt uffiċjali mal-klabb Madrilen wasal fid-29 ta' Awwissu 2009 kontra Deportivo de La Coruña, waqt li l-ewwel gowl wasal kontra t-tim promoss ta' Xerez fl-20 ta' Settembru 2009.

Internazzjonali

Benzema, wara esperjenza miksuba fit-timijiet ta' taħt is-sbatax u l-għoxrin sena ta' Franza, ingħata d-debutt tiegħu mat-tim tal-kbar kontra l-Awstrija fit-28 ta' Marzu 2007, fejn skorja l-unika gowl tal-konfront. Iż-żewġ gowls segwenti waslu f'partita waħda kontra l-Gżejjer Faroe, fejn Franza sussegwentament rebħu 6–0. Hu kien fost it-23 plejer magħżulin mat-tim biex jipparteċipaw fil-Kampjonati Ewropej 2008. Il-kampanja tal-Euro 2008 ta' Franza bdiet b'bidu ħażin hekk kif spiċċaw pari ta' 0–0 kontra r-Rumanija u wara prestazzjoni deludenti, hu kien sostitwit fit-tieni taqsima u ma ħax sehem fil-partita segwenti, telfa ta' 4–1 kontra l-Olanda. Fl-aħħar logħba mill-fażi tal-gruppi Franza lagħbu kontra l-Italja u Benzema beda mill-bidu u lagħab id-disgħin minuta.

Statistika tal-karriera

Staġun Kampjonat Klabb Kampjonat Tazza Franċiża Ewropa Total
App Gowls App Gowls App Gowls App Gowls
2004–05 Ligue 1 Olympique Lyonnais 5 0 0 0 0 0 5 0
2005–06 13 1 0 0 1 1 14 2
2006–07 21 5 1 0 3 2 25 7
2007–08 36 20 9 7 7 4 52 31
2008–09 36 17 3 1 8 5 47 23
Total 112 43 18 11 19 12 149 66

Korretti sas-27 ta' Mejju 2009.[8]

Unuri

Klabb

Franza Olympique Lyonnais

Individwali

  • L-Aqwa Skorer tal-Ligue 1: 2007–08
  • Plejer tas-Sena tal-Ligue 1: 2007–08
  • Tim tas-Sena tal-Ligue 1: 2007–08

Referenzi

  1. ^ Le Point, ed. (07-02-2008). "Benzema, le phénomène qui réveille le foot" (bil-Franċiż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  2. ^ L'Équipe, ed. (20-01-2005). "Benzema va signer pro" (bil-Franċiż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  3. ^ L'Équipe, ed. (30-05-2006). "Benzema prolonge à l'OL" (bil-Franċiż). Iċċekkja l-valuri tad-data f': |data= (għajnuna)
  4. ^ The Sunday Times, ed. (30-05-2006). "Lyons face battle to keep Karim Benzema" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  5. ^ Sportinglife.com, ed. (25-07-2008). "BENZEMA EXTENDS LYON CONTRACT" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  6. ^ Afrik.com, ed. (14-03-2008). "Benzema becomes one of the highest paid footballers in France" (bl-Ingliż). Iċċekkja l-valuri tad-data f': |data= (għajnuna)
  7. ^ "Transfert de Karim Benzema au Real Madrid". Olympique Lyonnais (bl-Ingliż). 1 ta' Lulju 2009. Iċċekkja l-valuri tad-data f': |data= (għajnuna)
  8. ^ Statistika ta' Benzema

Ħoloq esterni

Mudell:Tim ta' Real Madrid CF

Miksub minn "https://mt.wikipedia.org/w/index.php?title=Karim_Benzema&oldid=130943"