FIFA: Differenza bejn il-verżjonijiet
m roboto aldono de: mk:ФИФА |
m roboto aldono de: so:FIFA |
||
Linja 145: | Linja 145: | ||
[[sk:Medzinárodná futbalová federácia]] |
[[sk:Medzinárodná futbalová federácia]] |
||
[[sl:FIFA]] |
[[sl:FIFA]] |
||
[[so:FIFA]] |
|||
[[sq:FIFA]] |
[[sq:FIFA]] |
||
[[sr:ФИФА]] |
[[sr:ФИФА]] |
Reviżjoni ta' 06:16, 28 Novembru 2009
Stampa:Fifa Logo.jpg | |
Mottu | For the Game. For the World. |
---|---|
Tip | Organizzazzjoni sportiva |
Kwartieri ġenerali | Żurigu, Svizzera |
Sħubija | 208 assoċjazzjoni nazzjonali |
Lingwi uffiċjali | Ingliż, Ġermaniż, Franċiż, Spanjol, Taljan |
President | Sepp Blatter |
Sit elettroniku | www.fifa.com |
Il-Fédération Internationale de Football Association (bil-Franċiż għal Federazzjoni Internazzjonali tal-Assoċazzjoni tal-Futbol), magħrufa aħjar bħala l-FIFA (pronunzjata /fifə/ jew /fifæ/), hi federazzjoni internazzjonali li tieħu ħsieb il-futbol. Il-kwartieri ġenerali jinsabu f'Żurigu, l-iSvizzera u l-president kurrenti hu Joseph Blatter. Il-FIFA hi responsabbli għall-organizazzjoni u t-tmexxija tal-kompetizzjonijiet importanti tal-futbol, fost l-aktar magħrufa hi t-Tazza tad-Dinja, li ilha ssir mill-1930.
Il-FIFA għandha 208 assoċazzjoni membru, li hi sittax iktar min-Nazzjonijiet Uniti.
Storja
Il-bżonn ta' organizzazzjoni unika li tħares il-logħba dinjija dehret l-aktar fil-bidu tas-seklu 20 bil-kobor tal-popolarità ta' partiti internazzjonali. FIFA ġiet fundata f'Pariġi fil-21 ta' Mejju 1904 — l-isem u l-akronimu Franċiż għadhom jeżistu sal-lum il-ġurnata, anke barra minn pajjiżi li ma jitkellmux il-Franċiż. L-ewwel president kien Robert Guérin.
Il-FIFA ippresidiet l-ewwel kompetizzjoni internazzjonali tagħha fl-1906, imma din ma tantx intlaqet b'approvazzjoni jew suċċess. Din, flimkien ma' fatturi ekonomiċi, wasslet għas-sostituzzjoni ta' Guérin ma' Daniel Burley Woolfall mill-Ingilterra, li kienet diġà assoċjazzjoni membru. It-turnew segwenti li ġie ospitat kien dak tal-futbol fl-Olimpjadi tas-sajf 1908 f'Londra, fejn kien aktar ta' suċċess, minkejja l-preżenza ta' plejers professjonisti, kuntrarju għall-prinċipji tal-FIFA.
Is-sħubija tal-FIFA kibret 'il barra mill-Ewropa bl-applikazzjoni tal-Afrika t'Isfel fl-1909, l-Arġentina u ċ-Ċili fl-1912, u l-Kanada u l-iStati Uniti fl-1913.
Madanakollu, il-FIFA batiet matul l-Ewwel Gwerra Dinjija, b'diversi plejers jintbagħtu għall-gwerra u l-possibilità ta' vjaġġar għal partiti internazzjonali kien limitat. Wara l-gwerra, wara l-mewt ta' Woolfall, l-organizzazzjoni ġiet immexxija mill-Olandiż Carl Hirschmann. Grazzi għalih ġiet salvata mix-xoljiment, però għall-prezz tal-irtirar tal-Home Nations (tar-Renju Unit), li stqarrew li ma kienux imħajjrin li jipparteċipaw f'kompetizzjonijiet internazzjonali mal-għedewwa riċenti tal-Gwerra Dinjija. Il-Home Nations reġgħu għamlu sħubija.
Regoli tal-logħba
- Biex tapprofondixxi, ara l-artiklu: Regoli tal-logħba tal-futbol.
Ir-regoli tal-logħba li jmexxu l-logħba tal-futbol, mhumiex biss fir-responsabilità tal-FIFA; huma huma responsabilità ta' organizazzjoni li ġġib l-isem ta' IFAB (International Football Association Board). Il-FIFA għandha 50% rappreżentazzjoni f'dan il-bord (erba' rappreżentanti); l-erba' l-oħra huma provduti mill-assoċjazzjonijiet tal-futbol fl-Ingilterra, l-iSkozja, il-Galles u l-Irlanda ta' Fuq (preżentament ir-Renju Unit), bħala rikonoxximent tal-kontribuzzjoni unika tal-kreazzjoni u l-istorja tal-logħba. Xi bidliet isiru meta sitt delegati minn total ta' tmienja jaqblu fuq il-bidla.
Struttura
Il-FIFA hija assoċjazzjoni li stabilixxiet ruħha taħt il-Liġijiet tal-iSvizzera. Il-kwartieri ġenerali jinsabu f'Żurigu.
Il-Kungress tal-FIFA hu magħmul minn rappreżentant minn kull federazzjoni affiljata. Il-Kungress jassembla sessjonijiet ordinarji darba fis-sena waqt li s-sessjonijiet straordinarji jsiru meta jkun hemm il-bżonn; qabel dawn it-tipi ta' sessjonijiet kienu jsiru darba fis-sena sa mill-1998. Il-Kungress biss jista' jagħti l-bidliet tiegħu lill-FIFA.
Dan il-kungress jeleġġi l-President tal-FIFA, is-segretarju ġenerali u l-membri l-oħra tal-Kumitat Eżekuttiv tal-FIFA. Il-President u s-segretarju ġenerali huma nkarigati mill-amministrazzjoni ta' kuljum. L-istruttura tal-FIFA tinkludi aktar kumitati u sottokumitati.
Minbarra dawn l-istituzzjonijiet, il-FIFA ħolqot konfederazzjonijiet li jieħdu ħsieb il-logħba tal-futbol f'kontinenti u reġjunijiet differenti. Il-federazzjonijiet nazzjonali, u mhux il-konfederazzjonijiet kontinentali, huma membri tal-FIFA. Il-federazzjonijiet nazzjonali jridu jitolbu biex jiġu affiljati kemm mal-FIFA kif ukoll mal-konfederazzjoni fejn il-pajjiż tagħhom hu residenti (ġeografikament) biex b'hekk ikunu jistgħu jikkwalifikaw għad-dħul tal-kompetizzjonijiet tal-FIFA. Din hija l-lista tal-konfederazzjonijiet:
- AFC (Asian Football Confederation), fl-Asja u fl-Awstralja
- CAF (Confédération Africaine de Football), fl-Afrika
- CONCACAF (Confederation of North, Central American and Caribbean Association Football), fl-Amerika ta' Fuq u fl-Amerika Ċentrali
- CONMEBOL (Confederación Sudamericana de Fútbol), fl-Amerika t'Isfel
- OFC (Oceania Football Confederation), fl-Oċeanja
- UEFA (Union Européene de Football Association), fl-Ewropa
Xi nazzjonijiet kellhom l-għażla li jagħżlu f'liema konfederazzjoni jikkompetu minħabba l-pożizzjoni tagħhom. Bħala riżultat, numru ta' pajjiżi transkontinentali li jinkludu r-Russja, l-Armenja, it-Turkija, l-Ażerbajġan u l-Ġeorġja għażlu li jkunu parti mill-UEFA, minkejja li parti sostanzjali minn pajjiżhom tinsab fl-Asja. L-Iżrael, alavolja jinsab fl-Asja, ingħaqad mal-UEFA fl-1994, wara snin li t-timijiet tal-futbol kienu jiġu bbojkotjati minn diversi federazzjonijiet tal-Lvant Nofsani. Il-Każakistan mexa mill-AFC għall-UEFA fl-2002. L-Awstralja kienet l-aħħar nazzjon li mxiet minn konferderazzjoni għal oħra; miż-Żona Oċeanika għal dik Ażjatika f'Jannar 2006.
Il-Gujana u s-Surinam minn dejjem kienu parti mill-konfederazzjoni tal-CONCACAF, minkejja li huma pajjiżi fl-Sud-Amerikani.
L-ebda tim miż-Żona Oċeanika m'għandu post garantit fit-Tazza tad-Dinja. F'fażijiet riċenti tal-kwalifikazzjoni għat-Tazza tad-Dinja, ir-rebbieħ minn din is-sezzjoni kellu jilgħab logħob kontra tim mill-CONMEBOL, ostaklu li l-Awstralja ftit li xejn irnexxielha taqbżu. Għal sforz biex ittejjeb it-timijiet domestiċi u nazzjonali, l-Awstralja imxiet għall-Federazzjoni Ażjatika fl-2006. Dan jippermetti lill-Awstralja li tilgħab f'kampjonati Ażjatiċi ta' standard ikbar bħat-Tazza Ażjatika u l-AFC Champions League.
L-Awstralja rnexxielha tirbaħ il-partita deċisiva għall-kwalifikazzjoni għat-Tazza tad-Dinja 2006 kontra l-Urugwaj wara l-għoti tal-penalties, meta ftit xhur qabel kienet kisbet id-dritt li titrasferixxi għal konfederazzjoni oħra. Għall-bidu, ir-rebbieħ tal-kwalifikazzjoni tal-OFC kien se jkollu post waqt l-grupp finali taż-Żona Ażjatika, fi kwalifikazzjoni għat-Tazza tad-Dinja 2010, imma din l-idea ma seħħitx minħabba li kien propost li minflok issir logħba bejn ir-rebbieħ tal-OFC u tim mill-AFC, għal post fit-Tazza tad-Dinja.
Bħala total, il-FIFA tirrikonoxxi 208 federazzjoni nazzjonali u t-timijiet nazzjonali tal-irġiel assoċjati, kif ukoll 129 tim tim nazzjonali tan-nisa. Il-FIFA għandha aktar stati membri min-Nazzjonijiet Uniti, hekk kif il-FIFA tirrikonoxxi diversi nazzjonijiet li m'għandhomx indipendenza bħala nazzjonijiet distinti, fosthom l-erba' pajjiżi li jiffurmaw il-Home Nations. Il-klassifika mondjali tal-FIFA toħroġ kull xahar u telenka t-timijiet nazzjonali skont il-prestazzjoni tagħhom fil-kompetizzjonijiet internazzjonali, fażijiet ta' kwalifikazzjoni u logħob ta' ħbiberija. Hemm ukoll il-klassifika mondjali femminili tal-FIFA li tiġi aġġornata erba' darbiet fis-sena.
Presidenti tal-FIFA
- Biex tapprofondixxi, ara l-artiklu: Lista ta' presidenti tal-FIFA.
Rikonoxximenti u unuri tal-FIFA
Il-FIFA, kull sena, tagħti l-unur tal-Plejer tas-Sena lill-aktar plejer prestiġjuż tas-sena, bħala parti minn ċeremonja annwali fejn fiha jingħataw ukoll l-unuri għat-timijiet u anki għal xi ħidma speċjali fix-xena tal-futbol internazzjonali.
Bħala parti miċ-ċelebrazzjonijiet f'għeluq il-mitt sena fl-2004, il-FIFA organizzat "Il-Parita taċ-Ċentinarju" bejn Franza u l-Brażil, l-aktar timijiet b'suċċess f'dawn l-aħħar għexieren ta' snin. F'din l-okkażjoni, Pelé, għamel lista ta' fost l-aqwa plejers ta' kull żmien. Din il-lista, il-FIFA 100, tinkludi 50 plejers li kienu għadhom attivi meta ġiet ippubblikata l-lista (waħda minnhom kienet mara), u 75 plejer irtirat (fejn inkluda lilu nnifsu u mara, imma ma inkludiex plejers li m'għadhomx ħajjin). Il-lista oriġinarjament kienet ippjanata għal 100 plejer però Pelé ħassha tqila biex jagħżel mija biss u allura semma 125 plejer.
Ħoloq esterni
- Mudell:Ikona en Sit uffiċjali tal-FIFA
- Mudell:Ikona en Dokument fuq l-allegat korruzzjoni tal-FIFA
- Mudell:Ikona en Ir-regoli tal-logħba mill-FIFA