Fażijiet lunari

Animazzjoni tal-fażijiet qamrin

Il-fażijiet lunari jew fażijiet qamrin jiddeskrivu kif jidher il-Qamar matul il-moviment tiegħu. Kif jidher jiddependi mill-orjentament tiegħu b'rispett ix-Xemx. Il-fażijiet lunari jirrepetu ruħhom f'intervall ta' żmien imsejjaħ "xhar sinodiku", ta' madwar 29 jum u nofs. Ix-xhar tal-kalendarju tagħna ġej minnu. Il-fażijiet lunari ġejjin mit-tidwir tal-Qamar u t-tibdil ċikliku tal-pożizzjoni b'rispett id-Dinja u x-Xemx li jiġi minnu .

Il-qmura

Il-qmura jew fażijiet jirrappreżentaw il-parti tal-qamar imdawla mix-Xemx.
Hemm erba' pożizzjonijiet fundamentali, rappreżentati fil-figura ta' taħt bit-titli ta' fuq, u erba' intermedji:

1. Qamar mitluf
2. Qamar ġdid
3. L-ewwel kwart
4. Qamar mużqaq
5. Qamar kwinta
6. Qamar muqsar
7. L-aħħar kwart
8. Qamar xiħ

It-terminu "kwart" jirreferi għall-pożizzjoni tal-Qamar fl-orbita madwar id-Dinja. Meta jkun f'waħda minn dawn iż-żewġ pożizzjonijiet mid-dinja jidher biss nofs emisferu.

Il-fażijiet tal-Qamar, meta nħarsu lejn in-Nofsinhar mill-Emisferu Boreali. Mill-Emisferu Awstrali kull fażi tidher imdawra b'180°. Il-parti ta' fuq tal-istampa mhijiex in proporzjon, billi l-Qamar hu iżjed 'l bogħod mid-Dinja milli jintwera hawn.