Javier Hernández Balcázar: Differenza bejn il-verżjonijiet
No edit summary |
m r2.7.2) (Bot Bidla: hy:Խավիեր Էռնանդես |
||
Linja 150: | Linja 150: | ||
[[hr:Javier Hernández]] |
[[hr:Javier Hernández]] |
||
[[hu:Javier Hernández Balcázar]] |
[[hu:Javier Hernández Balcázar]] |
||
[[hy:Խավիեր |
[[hy:Խավիեր Էռնանդես]] |
||
[[id:Javier Hernández Balcázar]] |
[[id:Javier Hernández Balcázar]] |
||
[[is:Javier Hernández]] |
[[is:Javier Hernández]] |
Reviżjoni ta' 14:34, 1 Settembru 2011
Mudell:Infobox Plejer tal-Futbol 2 Javier "Chicharito" Hernández Balcázar (Guadalajara, 1 ta' Ġunju 1988) huwa plejer tal-futbol Messikan li jilgħab ma' Manchester United bħala attakkant.
Hu hu t-tifel ta' Javier Hernández Gutiérrez u n-neputi ta' Tomás Balcázar, li kienu lkoll eks-plejers internazzjonali Messikani.
Karriera
Klabb
Hernández iddebutta mal-klabb ta' Guadalajara fir-rebħa ta' 4–0 fuq Necaxa fl-Apertura 2006 fejn kien daħal bħala sostitut għal Omar Bravo fit-82 minuta u kien skorja l-aħħar gowl tal-konfront. Matul dak l-istaġun, fejn fiha lagħab erba' logħbiet, dan kien l-uniku gowl tiegħu. Fl-Apertura 2009, Hernández irnexxielu jispiċċa t-tielet l-aqwa skorer bi ħdax-il gowl minn sbatax-il partita. Għal dan l-istaġun 2009–10 skorja għaxar gowls fi ħdax-il logħba.
Fit-8 ta' April 2010, ġie uffiċjalizzat it-trasferiment ta' Hernández mal-klabb Ingliż ta' Manchester United suġġett għall-permess tax-xogħol.[1] Fis-27 ta' Mejju 2010, hu ngħata l-permess tax-xogħol u t-trasferiment sar uffiċjali fl-1 ta' Lulju.[2] Bħala parti mill-qbil it-tim tal-United lagħab logħba ta' ħbiberija ma' Chivas fil-grawnd il-ġdid nhar it-30 ta' Lulju 2010. Fl-ewwel logħba kompetittiva tiegħu kontra Chelsea mill-Community Shield, hu skorja t-tieni gowl tal-logħba fir-rebħa ta' 3–1. Id-debutt fil-Premier League wasal fl-ewwel ġurnata tal-kampjonat fis-16 ta' Awwissu, meta ħa post Wayne Rooney. Fid-29 ta' Settembru, sab għall-ewwel ix-xibka għall-ewwel darba meta skorja l-uniku gowl fir-rebħa ta' 1–0 kontra Valencia fil-UEFA Champions League. Hu skorja l-ewwel gowl fil-kampjonat fil-pari ta' 2–2 kontra West Bromwich Albion fis-16 ta' Ottubru. Tmint ijiem wara skorja l-ewwel doppjetta tiegħu hekk kif United ħarġu rebbieħa 2–1 barra minn darhom kontra Stoke City. Matul l-istaġun il-vena tal-gowls kompliet fejn skorja f'kull kompetizzjoni li fiha ħadu sehem, fosthom l-ewwel gowl wara biss 36 sekonda fir-rebħa ta' 2–1 tat-8 ta' Mejju kontra Chelsea, li poġġiet lil United punt wieħed biss 'il bogħod mir-rebħ tat-titlu. Dan il-gowl għamlu l-ewwel plejer li skorja għoxrin gowl għall-klabb fl-ewwel staġun tiegħu mill-istaġun 2001–02 meta Ruud van Nistelrooy kien laħaq l-istess tragward.[3] Hernández temm l-istaġun b'20 gowl u bir-rebħ tal-unur tal-Plejer tas-Sena Sir Matt Busby ivvutat mill-partitarji.[4]
Internazzjonali
L-ewwel logħba tiegħu mat-tim nazzjonali Messikan waslet fit-30 ta' Settembru 2009 kontra l-Kolombja. L-ewwel gowls tiegħu waslu fl-24 ta' Frar 2010 meta skorja doppjetta fir-rebħa ta' 5–0 fuq il-Bolivja.
Għat-Tazza tad-Dinja tal-FIFA 2010, Hernández ġie inkluż fost il-lista tat-23 plejer. F'din il-kompetizzjoni lagħab l-ewwel logħba tiegħu meta daħal bħala sostitut fit-73 minuta kontra l-Afrika t'Isfel. Fit-tieni partita tal-grupp kontra Franza, skorja l-ewwel gowl għall-Messiku fir-rebħa ta' 2–0. Għal din il-partita ġie magħżul bħala l-plejer tal-partita. Fis-27 ta' Ġunju 2010, hu ngħata għall-ewwel darba post mal-ewwel ħdax fil-partita mill-aħħar sittax kontra l-Arġentina fejn skorja l-gowl tal-bandiera, fit-telfa ta' 3–1 li fissret l-eliminazzjoni.
Nhar il-5 ta' Ġunju 2011, skorja l-ewwel tripletta tal-karriera tiegħu fir-rebħa ta' 5–0 fuq El Salvador, l-ewwel logħba mill-CONCACAF Gold Cup 2011. Erbat ijiem wara skorja darbtejn oħra kontra l-Kuba, u nhar it-18 ta' Ġunju 2011, Hernández skorja l-gowl tar-rebħa kontra l-Gwatemala biex tefa' lill-Messiku sas-semifinali. Fil-logħba kontra l-Ħonduras tat-22 ta' Ġunju, hu għen lill-Messiku jaċċessaw il-finali meta skorja t-tieni gowl fil-ħin barrani fir-rebħa ta' 2–0. Hernández temm il-Gold Cup bħala l-aqwa skorer b'seba' gowls u ġie magħżul bħala l-aqwa plejer tat-tornew, flimkien mar-rebħa fil-finali kontra l-Istati Uniti.
Statistika
Statistika korretta sat-30 ta' Mejju 2011[5]
Klabb | Staġun | Kampjonat | Tazza | League Cup | Kontinentali | Oħrajn | Total | ||||||
---|---|---|---|---|---|---|---|---|---|---|---|---|---|
Preż | Gowls | Preż | Gowls | Preż | Gowls | Preż | Gowls | Preż | Gowls | Preż | Gowls | ||
Guadalajara | 2006–07 | 8 | 1 | 0 | 0 | – | 1 | 0 | 0 | 0 | 9 | 1 | |
2007–08 | 6 | 0 | 0 | 0 | – | 4 | 0 | 1 | 0 | 11 | 0 | ||
2008–09 | 22 | 4 | 3 | 0 | – | 7 | 3 | 0 | 0 | 32 | 7 | ||
2009–10 | 28 | 21 | 0 | 0 | – | 0 | 0 | 0 | 0 | 28 | 21 | ||
Total | 64 | 26 | 3 | 0 | – | 12 | 3 | 1 | 0 | 80 | 29 | ||
Manchester United | 2010–11 | 27 | 13 | 5 | 1 | 3 | 1 | 9 | 4 | 1 | 1 | 45 | 20 |
2011–12 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | |
Total | 27 | 13 | 5 | 1 | 3 | 1 | 9 | 4 | 1 | 1 | 45 | 20 | |
Total tal-karriera | 91 | 39 | 8 | 1 | 3 | 1 | 21 | 7 | 2 | 1 | 125 | 49 |
Unuri
Klabb
- Primera División de México: Apertura 2006
- InterLiga: 2009
- Premier League: 2010–11
- Community Shield: 2010
Internazzjonali
- CONCACAF Gold Cup: 2011
Individwali
- L-aqwa skorer tal-Primera División de México: Bicentenario 2010
- Balón de Oro – L-Aqwa Attakkant: Torneo Bicentenario 2010
- Plejer tas-Sena Sir Matt Busby: 2010–11
- Iż-Żarbun tad-Deheb fil-CONCACAF Gold Cup: 2011
- L-Aqwa Plejer tal-CONCACAF Gold Cup: 2011
Referenzi
- ^ Communications Dept. (08-04-2010). ManUtd.com (ed.). "Reds agree Hernandez deal" (bl-Ingliż). Parametru mhux magħruf
|aċċess=
injorat (forsi ridt tuża|data-aċċess=
minflok) (għajnuna); Iċċekkja l-valuri tad-data f':|data=
(għajnuna) - ^ Tuck, James (27-05-2010). ManUtd.com (ed.). "Chicharito granted work permit" (bl-Ingliż). Parametru mhux magħruf
|aċċess=
injorat (forsi ridt tuża|data-aċċess=
minflok) (għajnuna); Iċċekkja l-valuri tad-data f':|data=
(għajnuna) - ^ Taylor, Daniel (09-05-2011). Guardian.co.uk (ed.). "Manchester United on brink of record 19th title after win over Chelsea" (bl-Ingliż). Parametru mhux magħruf
|aċċess=
injorat (forsi ridt tuża|data-aċċess=
minflok) (għajnuna); Iċċekkja l-valuri tad-data f':|data=
(għajnuna) - ^ Tuck, James (18-05-2011). ManUtd.com (ed.). "Fans honour Hernandez" (bl-Ingliż). Parametru mhux magħruf
|aċċess=
injorat (forsi ridt tuża|data-aċċess=
minflok) (għajnuna); Iċċekkja l-valuri tad-data f':|data=
(għajnuna) - ^ Andrew Endlar. StretfordEnd.co.uk (ed.). "Javier Hernandez" (bl-Ingliż). Parametru mhux magħruf
|aċċess=
injorat (forsi ridt tuża|data-aċċess=
minflok) (għajnuna)
Ħoloq esterni
- Profil fuq ManUtd.com
- Javier Hernández Balcázar fuq Soccerbase