Satsivi
.jpg)
Satsivi (bil-Georgian: საცივი, b'ittri Rumani: satsivi, li litteralment tfisser "ikla kiesħa"; magħrufa wkoll bħala tiġieġ fiz-zalza tal-ġewż) hija ikla tal-Georgia. Din l-ikla ssir bil-pollam (bħal tiġieġ jew dundjan) f'zalza tal-ġewż, tipikament imħawra bil-melħ, bil-bżar, bit-tewm, bil-fienugrieg, bil-kosbor u bil-kannella. It-terminu satsivi jintuża wkoll bħala isem ġeneriku għal varjetà ta' pollam imsajjar fiz-zalza tal-ġewż.[1]
Deskrizzjoni
[immodifika | immodifika s-sors]Is-satstivi hija ikla tal-Georgia magħmula biz-zalza tal-ġewż u tittiekel kiesħa jew bħala zalza biex tbill fiha t-tiġieġ jew id-dundjan mgħolli jew moqli. Tradizzjonalment, is-satsivi ssir bil-ġewż, bl-ilma, bit-tewm, b'taħlita ta' ħxejjex aromatiċi mnixxfin (normalment żagħfran Imeretjan u fienugrieg), bil-ħall, bil-bżar ta' Cayenne u bi ftit melħ.[1]
Il-biċċiet tad-dundjan jew tat-tiġieġ mgħolli biex jinbillu fis-satsivi huma ikla komuni fil-festi tax-xitwa. L-ikla f'daqqa normalment tissejjaħ satsivi. Jeżistu wkoll varjetajiet veġetarjani ta' din l-ikla bil-brunġiel jew bil-pastard.[2][3]
Ikla simili tat-tiġieġ mgħolli biz-zalza tal-ġewż hija magħrufa bħala tiġieġ Ċirkassjan fil-gastronomija Torka, tal-Lvant u Eġizzjana, kif ukoll bħala aquz fil-gastronomija tal-Kaspju fit-Tramuntana tal-Iran.[4][5]
Referenzi
[immodifika | immodifika s-sors]- 1 2 "SATSIVI" (bl-Ingliż). 2014-01-02. Miġbur 2026-05-16.
- ↑ "EGGPLANT SATSIVI" (bl-Ingliż). 2013-12-26. Miġbur 2026-05-16.
- ↑ "CAULIFLOWER SATSIVI" (bl-Ingliż). 2013-11-18. Miġbur 2026-05-16.
- ↑ "Курица по-черкесски (Çerkes tavuğu) - пошаговый рецепт с фото. Автор рецепта Anna Buyak🌳 ". Cookpad (bir-Russu). Miġbur 2026-05-16.
- ↑ "Circassian Chicken (Chicken Sharkaseya) Recipe | MongolianKitchen.com | MongolianKitchen.com" (bl-Ingliż). 2012-12-03. Miġbur 2026-05-16.