Park Nazzjonali ta' Murujuga
Il-Park Nazzjonali ta' Murujuga huwa park nazzjonali fil-Peniżola ta' Burrup fir-reġjun ta' Pilbara, fin-naħa tal-Majjistral tal-Punent tal-Awstralja, u jkopri erja ta' 48.51 km2 (18.73-il mil kwadru).
Il-Park Nazzjonali ta' Murujuga ġie ddikjarat uffiċjalment fis-17 ta' Jannar 2013 bħala l-100 park nazzjonali fil-Punent tal-Awstralja. Il-park jipproteġi dik li titqies bħala l-ogħla konċentrazzjoni fid-dinja ta' tinqix mal-blat tal-qedem, b'total ta' iktar minn 10,000 tinqixa mal-blat li nħolqu mill-popli Aboriġini tar-reġjun.[1]
Deskrizzjoni
[immodifika | immodifika s-sors]Il-park nazzjonali jinsab fin-naħa tat-Tramuntana u tal-Punent tal-Peniżola ta' Burrup, magħrufa wkoll bl-isem Aboriġenu tagħha, Murujuga. Jinsab madwar 200 kilometru (120 mil) fil-Punent ta' Port Hedland u 15-il kilometru (9.3 mili) fit-Tramuntana ta' Karratha, u jkopri erja ta' 48.51 km2 (18.73-il mil kwadru). Wieħed jista' jaċċessah minn Dampier Road u minn Burrup Peninsula Road.[1]
Aċċess
[immodifika | immodifika s-sors]Wara li l-Park Nazzjonali ta' Murujuga kien ingħalaq għal xi xhur biex ikun jista' jsir ix-xogħol meħtieġ, il-Mogħdija ta' Ngajarli tlestiet f'Awwissu 2020. Is-sidien tradizzjonali b'kollaborazzjoni mal-gvern ħolqu mogħdija universali ta' 700 metru (2,300 pied), flimkien ma' tabelli interpretattivi. Il-Korporazzjoni Aboriġena ta' Murujuga tittama li ttejjeb u tkabbar il-faċilitajiet għall-viżitaturi sabiex tgħinhom japprezzaw l-importanza kulturali tas-sit.[2]
Sit ta' Wirt Dinji
[immodifika | immodifika s-sors]F'Lulju 2025, il-Pajsaġġ Kulturali ta' Murujuga ġie ddeżinjat bħala Sit ta' Wirt Dinji tal-UNESCO, b'erja li tkopri kważi 100,000 ettaru (250,000 akru) li tinkludi l-park nazzjonali.[3][4]
Il-valur universali straordinarju tas-sit ġie rrikonoxxut abbażi ta' tliet kriterji tal-għażla tal-UNESCO: il-kriterju (i) "Rappreżentazzjoni ta' kapulavur frott il-kreattività tal-bniedem"; il-kriterju (iii) "Xhieda unika jew minn tal-inqas eċċezzjonali ta' tradizzjoni kulturali jew ta' ċivilizzazzjoni li għadha ħajja jew li għebet"; u l-kriterju (v) "Eżempju straordinarju ta' insedjament uman tradizzjonali, ta' użu tal-art jew ta' użu tal-baħar, li jirrappreżenta kultura (jew kulturi), jew interazzjoni umana mal-ambjent, speċjalment meta jkun sar vulnerabbli minħabba l-impatt ta' bidla irreversibbli".[3]
Referenzi
[immodifika | immodifika s-sors]- 1 2 "Murujuga National Park". exploreparks.dbca.wa.gov.au. Miġbur 2025-08-01.
- ↑ "Elders hope boardwalk will make world's largest collection of ancient rock art more accessible" (bl-Ingliż). 2020-08-26. Miġbur 2025-08-01.
- 1 2 "Pajsaġġ Kulturali ta' Murujuga - UNESCO".
- ↑ Readfearn, Graham (2025-07-11). "'Manifestation of creative genius': Murujuga rock art in Western Australia placed on Unesco world heritage list" (bl-Ingliż). Miġbur 2025-08-01.