Palazz ta' Orbeliani
Il-Palazz ta' Orbeliani (bil-Georgian: ორბელიანის სასახლე, b'ittri Rumani: orbelianis sasakhle), magħruf ukoll bħala r-Residenza ta' Atoneli (bil-Georgian: ათონელის რეზიდენცია, b'ittri Rumani: atonelis rezidentsia), huwa r-residenza uffiċjali tal-President tal-Georgia minn Novembru 2018. Jinsab fi Triq Atoneli fi Tbilisi Ċentrali.[1] Fl-imgħoddi kien jospita lil Elizabeth Orbeliani, poeta mill-Georgia u l-ewwel akkademika mara fil-pajjiż.
Il-Palazz ta' Orbeliani jmur lura għal tmiem is-seklu 19.[2] Ir-residenti tiegħu kienu jinkludu lil Grigol Orbeliani, poeta Romantiku Georgian, u lil Elizabeth Orbeliani, poeta u l-ewwel professur mara tal-Georgia. Sal-lum il-ġurnata, sala fil-palazz iddedikata lil Elizabeth Orbeliani tintuża biex jintlaqgħu d-dinjitarji barranin.
Il-binja ntużat ukoll bħala l-Ambaxxata tal-Istati Uniti fil-Georgia fis-snin 90 tas-seklu 20 u fil-bidu tas-seklu 21. Fl-2013 intefqu madwar 25 miljun lari għar-rinnovazzjoni tal-palazz.
Xi kultant il-palazz jissejjaħ ukoll ir-"Residenza ta' Atoneli" peress li jinsab fi Triq Atoneli, li ngħatat isem il-patri Medjevali mill-Georgia Ġorġ ta' Athos.[3]
Residenza Presidenzjali
[immodifika | immodifika s-sors]Il-politika Georgiana u l-eks diplomatika Franċiża Salome Zourabichvili ħabbret matul il-kampanja Presidenzjali tagħha tal-2018 li ma kinitx se taħdem mill-Palazz Presidenzjali ta' Avlabari jekk tiġi eletta. Dak il-palazz, li nfetaħ f'Lulju 2009, inbena matul il-Presidenza ta' Mikheil Saakashvili, li miegħu Zourabichvili kellha diżgwid. Zourabichvili stqarret li kienet tippreferi li taħdem il-Palazz ta' Orbeliani peress li kien iktar sottili u l-membri tal-familji Orbeliani u Baratashvili, li fl-imgħoddi kienu residenti hemmhekk, kienu antenati tagħha.[4]
Wara li ġiet eletta, hija ltaqgħet mal-President uxxenti, Giorgi Margvelashvili, fil-Palazz ta' Avlabari qabel ma marret tirresjedi fil-Palazz ta' Orbeliani fit-18 ta' Diċembru 2018.[5]
Swali
[immodifika | immodifika s-sors]- Is-Sala ta' Amra;
- is-Sala ta' Galaktion;
- is-Sala tas-Suf tad-Deheb;
- is-Sala ta' Prometju;
- is-Sala ta' Rustaveli;
- il-Kabinett Presidenzjali ta' Sulkhan-Saba Orbeliani.
Gallerija
[immodifika | immodifika s-sors]
.jpg)
Referenzi
[immodifika | immodifika s-sors]- ^ "ამ სასახლეს რომ სტუმრები ჰყოლია!.. - ორბელიანების ისტორიული სასახლე, საქართველოს პრეზიდენტის ახალი სამყოფელი | nostal.ge" (bl-Ingliż). 2018-12-12. Miġbur 2025-03-27.
- ^ "ორბელიანის სასახლე პრეზიდენტს და ქალს ბევრად უხდება - სალომე ზურაბიშვილი". NewPress.ge (bl-Ingliż). Miġbur 2025-03-27.
- ^ ენციკლოპედია „თბილისი. ქუჩები, გამზირები, მოედნები“, თბ., 2008. (bil-Georgian) — p. 16, ISBN 978-99928-20-35-3.
- ^ "ორბელიანის სასახლე ბევრად უფრო ევროპული ყაიდის არის - სალომე ზურაბიშვილი". ghn.ge (bl-Ingliż). Miġbur 2025-03-27.
- ^ "Salome Zurabishvili arrives at Atoneli Presidential Palace". 1TV (bl-Ingliż). Miġbur 2025-03-27.