Pagoda ta' Vinh Nghiem
Il-Pagoda ta' Vĩnh Nghiêm (bil-Vjetnamiż: Chùa Vĩnh Nghiêm; li litteralment tfisser Is-Solenni) hija pagoda f'erja ta' 6,000 metru kwadru (65,000 pied kwadru) f'339, Triq Nam Kỳ Khởi Nghĩa, il-Kwartier Nru 7, id-Distrett Nru 3, il-Belt ta' Ho Chi Minh. Din hija l-ewwel pagoda fil-Vjetnam li nbniet bl-istil arkitettoniku tradizzjonali Vjetnamiż iżda bil-konkos. L-ogħla struttura f'din il-pagoda huwa t-torri ta' seba' sulari jew 40 metru (130 pied). Din il-pagoda tospita u tagħti ġieħ lil statwa waħda tal-Buddha u lil żewġ bodhisattvas: Gautama Buddha u Manjusri, Samantabhadra. Il-Qanpiena tal-Paċi ngħatat b'donazzjoni minn patri tat-Tempju ta' Entsuji f'Fukushima, il-Ġappun.[1] It-torri ta' seba' sulari nbena bl-assistenza tal-Assoċjazzjoni tal-Ħbiberija bejn il-Ġappun u l-Vjetnam.[2]
Fl-1964, żewġ patrijiet, Thích Tâm Giác u Thích Thanh Kiểm, li żaru n-Nofsinhar tal-Vjetnam mit-Tramuntana tal-Vjetnam biex ixerrdu l-Buddiżmu, bdew il-kostruzzjoni tal-Pagoda ta' Vĩnh Nghiêm. Il-mudell u l-isem tal-pagoda oriġinaw mill-Pagoda ta' Vĩnh Nghiêm tas-seklu 11 fil-villaġġ ta' Đức La, il-Komun ta' Trí Yên, id-Distrett ta' Yên Dũng, il-Provinċja ta' Bắc Giang, li tmur lura għar-renju ta' Lý Thái Tổ matul id-dinastija Lý. Il-villaġġ fl-imgħoddi kien ċentru ewlieni tat-tagħlim Buddist u tas-setta ta' Trúc Lâm tal-Buddiżmu Vjetnamiż.
Sit ta' Wirt Dinji
[immodifika | immodifika s-sors]Il-Kumpless ta' Monumenti u ta' Pajsaġġi ta' Yen Tu-Vinh Nghiem-Con Son u Kiep Bac ġie ddeżinjat bħala Sit ta' Wirt Dinji tal-UNESCO fl-2025.[3]
Il-valur universali straordinarju tas-sit ġie rrikonoxxut abbażi ta' żewġ kriterji tal-għażla tal-UNESCO: il-kriterju (iii) "Xhieda unika jew minn tal-inqas eċċezzjonali ta' tradizzjoni kulturali jew ta' ċivilizzazzjoni li għadha ħajja jew li għebet"; u l-kriterju (iv) "Eżempju straordinarju ta' tip ta' bini, ta' grupp ta' siti jew ta' pajsaġġ arkitettoniku jew teknoloġiku li joħroġ fid-dieher stadju/i sinifikanti fl-istorja tal-bniedem".[3]
Referenzi
[immodifika | immodifika s-sors]- ↑ Minh Dung. "Phật giáo Việt Nam Hải ngoại tổ chức Trai đàn Siêu độ ở hai tỉnh Sendai, Fukushima, Nhật Bản". Chánh pháp, 27 07.2011.
- ↑ "Vinh Nghiem Pagoda - Vietnam Tourism Information". www.vietnamtourism.org.vn (bl-Ingliż). Miġbur 2026-02-05.
- 1 2 Centre, UNESCO World Heritage. "Yen Tu-Vinh Nghiem-Con Son, Kiep Bac Complex of Monuments and Landscapes". UNESCO World Heritage Centre (bl-Ingliż). Miġbur 2026-02-05.