Muntanji ta' Homolje
Il-Muntanji ta' Homolje (bis-Serbjan: Хомољске планине / Homoljske planine; bir-Rumen: Munții Homolie jew Munții Homoliei) huma katina muntanjuża fil-Lvant tas-Serbja. Ir-reġjun fejn jinsab huwa magħruf ukoll bħala Homolje u jinsab bejn l-irħula ta' Žagubica fin-Nofsinhar u Kučevo fit-Tramuntana.
L-ogħla qċaċet tal-muntanji huma Štubej (940 metru) u Vranj (884 metru).[1] Moħbi qalb il-muntanji hemm ukoll il-Monasteru Ortodoss ta' Vitovnica.[2]
Ir-reġjun ta' Homolje fih popolazzjoni sparpaljata, u l-Vlakki etniċi jirrappreżentaw il-maġġoranza tar-residenti fl-inħawi. Minħabba d-daqs żgħir tal-popolazzjoni fl-inħawi, il-biċċa l-kbira tan-natura fil-muntanji mhix mittiefsa. Waħda mill-attrazzjonijiet tal-Muntanji ta' Homolje hija foresta kbira magħrufa bħala l-Foresta ta' Trest.
Referenzi
[immodifika | immodifika s-sors]- ^ "03 Katalog planina Srbije". web.archive.org. 2011-05-18. Arkivjat minn l-oriġinal fl-2011-05-18. Miġbur 2025-03-23.
- ^ ".::Vitovnica::". web.archive.org. 2007-09-28. Arkivjat minn l-oriġinal fl-2007-09-28. Miġbur 2025-03-23.