Il-Ġifen tal-Boloh

Il-frontispizju tal-1519 għall-ktieb ta' Brant

Il-Ġifen tal-Boloh hu allegorija li dehret għall-ewwel darba fil-Ktieb VI tar-Repubblika ta' Platun, dwar ġifen b'ċorma li ma taħdimx tajjeb. L-allegorija hija maħsuba biex tirrappreżenta l-problemi ta' governanza li wieħed isib f'sistema politika mhux ibbażata fuq għarfien espert.

Storja

Ix-xbihat tal-ġifen saru popolari, speċjalment wara l-pubblikazzjoni tal-ktieb satiriku ta' Sebastian Brant, Il-Ġifen tal-Boloh (1494), li serva bħala tnebbiħ għall-pittura ta' Hieronymus Bosch, Il-Ġifen tal-Boloh . Normalment, ix-xbihat juru vapur iffullat b'irġiel li l-aktar jilbsu kostumi tradizzjonali ta' ġullar jew il-kostum tal-ibleh b'widnejn tad-drapp bil-qniepen fit-truf. Ħafna minn dal-irġiel jikkustinjaw, jixorbu, u jiġġieldu. Fil-ktieb, il-ġifen—flotta sħiħa għall-ewwel—jitlaq minn Basel, fi triqtu lejn il-Ġenna tal-Boloh. Fil-ġifen, Brant jistħajjel lil San Grobjan, u jimmaġinah bħala l-qaddis patrun tan-nies vulgari u rozzi. F'kompożizzjonijiet letterarji u artistiċi tas-sekli 15 u 16, il-motiv kulturali tal-ġifen tal-boloh serva wkoll bħala parodija tal-"arka tas-salvazzjoni", kif kienet imsejħa l-Knisja Kattolika. ^{[ ċitazzjoni meħtieġa ]}

Karru tal-parata tal-Karnival, Nuremberga, 1539

"Satira politika kumplessa", li l-kompożizzjoni tagħha ġiet ripetuta f'mill-inqas seba' stampi differenti tas-seklu 15, turi lill-Papa Pawlu II u lill -Imperatur Ruman Qaddis Federiku III jitqabdu fil-quċċata ta' arblu ta' ġifen, lebsin biss qliezet ta' taħt u t-tjara u l-kuruna Papali rispettivi tagħhom. L-emblemi u s-simboli jkopru ħafna potenzi Ewropej oħra; l-allegorija hija dwar il-konsegwenzi politiċi tal-laqgħat bejn iż-żewġt irġiel matul l-1468 u l-1469. ^[1]

Wara r -Riforma Protestanta, xi xbihat ħadu żvolta settarja. Illustrazzjoni inċiża fl-injam għal edizzjoni tal-1584 tal-ktieb ta’ Brant turi l- Antikrist bilqiegħda fuq in-Narrenschiff maqlub rasu 'l isfel, filwaqt li fl-ewwel pjan San Pietru jiggwida dgħajsa żgħira ta’ rġiel lebsin sew mingħajr periklu lejn ix-xatt.

"Il-Ġifen tal-Boloh" hi frażi li baqgħet tintuża sas-seklu 20 bħala t-titlu ta' bosta kotba, kanzunetti u xogħlijiet oħra.

Referenzi

Page Module:Side box/styles.css has no content.Page Mudell:Sister project/styles.css has no content.

Wikimedia Commons għandha fajls multimedjali li għandhom x'jaqsmu ma': Narrenschiff

Page Mudell:Reflist/styles.css has no content.

↑ Jay A. Levinson (ed.) Early Italian Engravings from the National Gallery of Art, National Gallery of Art, Washington (Catalogue), 1973, pp. 162-164 (162 quoted), LOC 7379624; Mark McDonald, Ferdinand Columbus, Renaissance Collector, p. 100, 2005, British Museum Press,ISBN 978-0-7141-2644-9

[1] Jay A. Levinson (ed.) Early Italian Engravings from the National Gallery of Art, National Gallery of Art, Washington (Catalogue), 1973, pp. 162-164 (162 quoted), LOC 7379624; Mark McDonald, Ferdinand Columbus, Renaissance Collector, p. 100, 2005, British Museum Press,ISBN 978-0-7141-2644-9

[1]