Hannibal P. Scicluna
| Hannibal P. Scicluna | |
|---|---|
| Ħajja | |
| Twelid | Furjana, 15 Frar 1880 |
| Nazzjonalità |
Kolonja ta' Malta Stat ta' Malta Malta |
| L-ewwel lingwa |
Malti Ingliż |
| Mewt | Ħ'Attard, 21 Diċembru 1981 |
| Edukazzjoni | |
| Alma mater |
Sacred Heart Major Seminary (en)  Villa St Ignatius (en) Universita' Rjali ta' Malta |
| Lingwi |
Ingliż Malti Taljan |
| Okkupazzjoni | |
| Okkupazzjoni |
storiku librar |
| Impjegaturi | Bibljoteka Nazzjonali ta' Malta |
| Premjijiet | |
| Sħubija |
Malta Historical Society (en) |
.svg){kind=small}
Hannibal Publius Scicluna (15 ta' Frar 1880-21 ta' Diċembru 1981). Kien storiku u arkeologu Malti magħruf għall-kontribuzzjonijiet tiegħu fl-istudju tal-istorja u l-arkeoloġija ta' Malta. Huwa ppubblika diversi xogħlijiet dwar is-suġġett, inklużi studji dwar il-Kavallieri ta' San Ġwann u l-istorja medjevali ta' Malta.[1]
Ħajja Bikrija u Edukazzjoni
[immodifika | immodifika s-sors]Hannibal P. Scicluna twieled il-Floriana nhar il-15 ta' Frar 1880. Huwa kien iben Joseph Scicluna u Carmela née Galdes.[2] Fis-17 ta' Frar 1903 żżewweġġ lil Amalia Lanfranco (24 ta' Awwissu 1871- 1 ta' Diċembru 1947)[3] u kellhom sitt itfal; tlett subien u tlett bniet.[1][4] Fl-1959 huwa żżewweġ għat-tieni darba lil Margaret Helen Jarvia (mietet fl-1977).
Huwa irċieva l-edukazzjoni tiegħu mil-Kulleġġ ta' San Injazju, mis-Seminarju ta' Għawdex u mill-Universita Rjali ta' Malta. Mill-Universita' Irjali ta' Malta huwa kiseb diploma ta' prokuratur legali, maġisteru fl-1938 u dottorat fil-liġi (honoris causa) fl-1966.[2]
Karriera u Kisbiet
[immodifika | immodifika s-sors]Fl-1902 daħal fis-servizz pubbliku fejn kellu diversi karigi importanti. Fosthom nsibu segretarju u registrar tal-Universita', avukat tal-Kuruna u tal-Ministeru tal-Ġustizzja, segretarju tas-Segretarju Legali tal-Gvern Imperjali ta' Malta, rapreżentat tal-Malta Government Emigration Committee fi Franza, membru tal-Kumitat tal-Antikitajiet, Librar tal-Librerija tal-Universita' Rjali ta' Malta u tal-Bibljoteka Rjali ta' Malta, Raprezentant Malti għall-Kumitat Internazzjonali tax-Xjenzi Storiċi, Direttur tal-Mużewijiet, fost ħafna oħrajn. [1][2]
Taħt l-inizzjativa tiegħu ġew ikkatalogati l-Arkivji tal-Ordni ta' San Ġwann. [2]
Scicluna kien involut f'diversi aspetti filantropiċi u kulturali. Kien ċermen tal-British Red Cross Committee Maltija kif ukoll tal-Malta Memorja District Nursing Association (MMDNA).[2]
Dekorazzjonijiet
[immodifika | immodifika s-sors]Matul il-ħajja tiegħu Scicluna ġie mogħti diversi dekorazzjonijiet fosthom [1][2] :
- Chevalier de la Legion d’Honneur (1918)
- Membru tal-Imperu Brittanniku (1935)
- Kavallier bit-titlu ta' Sir (1955)
- Grand Cross b'żigarella u Grand Cross tal-Meritu tal-Ordni Militari Sovran ta’ Malta
- Grand Cross tal-Ordni Kostantinjana Sagra Militari ta' San Ġorġ
- Ordni ta' San Lazzru (1962) - fejn serva bħala Balliju (1967), Gran Kanċilleri (1969) u Gran Kapitulatur (1972) [5]
- Kavallier tal-Ordni tad-Dar ta' Lippe (1973)
- Midalja tal-Ġublew Re Ġorġ V
- Midalja tal-Inkurunazzjoni Re Ġorġ VI
- Midalja tal-Inkurunazzjoni Reġina Eliżabetta II
Huwa ta b'donazzjoni il-midalji tiegħu lill-Mużew Nazzjonali ta' Malta.[1]
Kitbiet u Publikazzjonijiet
[immodifika | immodifika s-sors]Scicluna ppubblika diversi kitbiet. Dawn jinkludu [1] :
- The Archives of the Sovereign Military Order of Malta (1912)
- The Order of St. John of Jerusalem (1929)
- The Book of Deliberations of the Venerable Tongue of England (1949)
- The Church of St. John in Valletta (1955)
- The Order of St. John of Jerusalem and P·aces of Interest in Malta and Gozo (1969)
- Actes et Documents pour servir a' I'Histoire de I'Occupation Française de Ma1te (1923 u 1979)
Scicluna baqa jikteb sa l-aħħar. Naraw kif f'għeluq il-mitt sena tiegħu kien qed jaħdem fuq publikazzjonjiet fuq it-Tieni Gwerra Dinjija u kien qed jipprepara biex jibda jikteb awto-bijografija.
Mill-1936 huwa beda jagħti donazzjonijiet kontinwi lil Rhodes House Library tal-Universita' ta' Oxford. Dawn id-donazzjonijiet jammontaw 'il fuq minn 2300 ktieb ta' melitensia.[1]
Mewt
[immodifika | immodifika s-sors]Hannibal P. Scicluna miet fil-21 ta' Diċembru 1981 f'Dar Santa Katerina f'Ħ'Attard.
Referenzi
[immodifika | immodifika s-sors]- ^ a b ċ d e f ġ Lanfranco, Guido (1981). "Obituary : Sir Hannibal P. Scicluna". Melita Historica (bl-Ingliż). Malta: Malta Historical Society. 8 (2): 174–175.
- ^ a b ċ d e f Schiavone, Michael (2024-02-15). "Biography: Sir Hannibal P. Scicluna". Times of Malta (bl-Ingliż). Miġbur 2025-02-01.
- ^ "FamilySearch.org". ancestors.familysearch.org. Miġbur 2025-02-01.
- ^ "Amalia (Lanfranco) Scicluna (1881-1947) | WikiTree FREE Family Tree". www.wikitree.com (bl-Ingliż). 1881. Miġbur 2025-02-01.
- ^ Savona-Ventura, Charles (2011). The Grand Priory of the Maltese Islands of the Military & Hospitaller Order of Saint Lazarus of Jerusalem : a history (bl-Ingliż). Malta: Grand Priory of the Maltese Islands, Military & Hospitaller Order of Saint Lazarus of Jerusalem.
