Hadda Ouakki

 

Hadda Ouakki
Ħajja
Twelid	Almis Marmoucha (en) , 1953 (71/72 sena)
Nazzjonalità	Marokk
Edukazzjoni
Lingwi	Għarbi
Okkupazzjoni
Okkupazzjoni	kantant
Strument/i tal-mużika	vuċi

Hadda Ouakki ( Berber : ⵃⴰⴷⴷⴰ ⵓⵄⴽⴽⵉ - Għarbi: حادة أوعكي ; imwielda fl-1953 f'Ait Ishaq, Provinċja ta' Khénifra) hija kantanta Marokkina fil-ġeneru ta' Tamawayt. Ouakki tkanta f'Central Atlas Tamazight, u hija deskritta bħala waħda mid-divas tal-mużika Amazigh. Permezz tat-talent tagħha hi ġiet mlaqqma bħala l-Umm Kulthum tal-Muntanji Atlas.

Bijografija

Hadda Ouakki twieldet fl-1953 f'familja konservattiva fir-raħal tan-nofs ta' l-Atlas ta' Ait Ishaq. Bħala tifla, hija sfidat lill-ġenituri tagħha billi kienet toqgħod tisma lir-raħħala idoqqu mużika folkloristika, u billi mmarkat wiċċha b'tatwaġġi ta' kulur blu. Ta’ 14-il sena, il-ġenituri tagħha żżewġuha ma’ raġel ta’ 70 sena. Dan iż-żwieġ falla u irnexxila tikseb divorzju. Ta’ 16-il sena, hi ħarbet lejn Casablanca mal-kantant Bennacer Oukhouya. Hemmhekk tgħallmet l-Għarbi, u bdiet tkanta professjonalment fil-banda ta’ Oukhouya.

Bil-mod il-mod, in-notabilità ta' Ouakki bdiet tikber, u fl-1981 hija waqqfet il-grupp mal-kantant Abdellah Zahraoui. It-tnejn interpretaw diversi kanzunetti li saru famużi fil-Marokk b’mod ġenerali, u r-reġjun tal-Atlas Nofsani b’mod partikolari.

Fl-2015, id-direttriċi Franċiża Jacqueline Caux ġibdet dokumentarju fuq il-ħajja ta' Ouakki, bit-titlu "Hadda Ouakki - Chant d’une Rebelle". Dan id-dokumentarju jixħet lenti fuq il-ħajja u l-esperjenza ta' Ouakki kif ukoll fuq il-belt ta' Casablanca li kienet għaddejja minn żvilupp urban.