Yıldıray Baştürk

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Yıldıray Baştürk
Informazzjoni personali
Twelid 24 ta' Diċembru 1978 (1978-12-24) (35 sena)
Herne
Pajjiż Bandiera tal-Ġermanja Ġermanja
Nazzjonalità Bandiera tat-Turkija Turkija
Tul 1.68 m
Rwol Midfilder
Informazzjoni fuq il-klabb
Klabb kurrenti mingħajr klabb
Klabbs ġovanili
1986–1987 Wanne-Eickel
1987–1996 Wattenscheid 09
Klabbs professjonali*
Snin Klabb Preż Gwls
1996–1997 Wattenscheid 09 20 (6)
1997–2001 Bochum 104 (13)
2001–2004 Bayer Leverkusen 73 (8)
2004–2007 Hertha BSC 71 (14)
2007–2010 Stuttgart 31 (4)
2010 Blackburn Rovers 1 (0)
Tim nazzjonali
1998–2008 Turkija 49 (2)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 16:12, 10 Settembru 2010 (UTC)

Yıldıray Baştürk (Herne, 24 ta' Diċembru 1978) huwa plejer tal-futbol Tork, imwieled Ġermaniż, li riċentament kien jilgħab mat-tim ta' Blackburn Rovers fil-Premier League Ingliż.

Karriera[editja]

Klabb[editja]

Iben ta' minatur, Baştürk beda l-karriera fid-dixxiplina tal-futbol ma' Sportfreunde Wanne-Eickel. Bħala żagħżugħ, Baştürk lagħab ma' Wattenscheid 09 waqt li d-debutt fl-ogħla diviżjoni Ġermaniża wasal mar-rivali tal-belt VfL Bochum, fejn magħhom lagħab fit-Tazza UEFA. Ma' Bayer Leverkusen, li kien ingħaqad magħhom fl-2001, gawda minn aktar suċċess. Baştürk u Leverkusen spiċċaw it-tieni fil-kampjonat Ġermaniż waqt li tilfu l-finali tat-Tazza Ġermaniża u l-finali tal-UEFA Champions League 2002.

F'Lulju tal-2004 hu ngħaqad ma' Hertha BSC fejn baqa' magħhom sal-2007 sakemm il-kuntratt tiegħu mal-klabb skada. Fit-28 ta' Mejju, 2007, Baştürk issieħeb maċ-ċampjins Ġermaniżi ta' VfB Stuttgart.

Nhar is-27 ta' Lulju, 2010, ġie mħabbar li Baştürk qabel li jingħaqad mat-tim ta' Blackburn Rovers mingħand Stuttgart f'kuntratt sa tmiem l-istaġun,[1] wara li l-kuntratt tiegħu ma' Stuttgart ġie mħassar.[2] Baştürk iddebutta mill-ewwel minuta fil-konfront kontra Wolverhampton Wanderers tal-24 ta' April, 2010. Madanakollu, din kellha tkun l-ewwel u l-aħħar dehra tiegħu mal-klabb hekk kif fl-aħħar tal-istaġun, hekk kif il-kuntratt tiegħu kien skada, hu ma ġiex offrut estensjoni tal-kuntratt mar-Rovers.

Internazzjonali[editja]

Hu ddebutta mat-tim nazzjonali fl-1998, fejn kien parti mill-iskwadra Torka li spiċċat it-tielet fit-Tazza tad-Dinja 2002. Wara li tħalla barra mil-lista ta' 23 plejer għall-Kampjonati Ewropej 2008, hu stqarr li ma kienx se jilgħab aktar mat-tim nazzjonali sakemm jibqa' kowċ Fatih Terim.[3]

Referenzi[editja]

  1. ^ (Ingliż) Rovers complete Basturk deal. www.Rovers.co.uk, 27-01-2010. Aċċess tal-URL: 27-01-2010.
  2. ^ (Ingliż) Bastürk to Blackburn. www.vfb.de, 27-01-2010. Aċċess tal-URL: 27-01-2010.
  3. ^ (Ingliż) Basturk vows never to play against under Terim. ESPNsoccernet, 02-06-2008. Aċċess tal-URL: 08-06-2008.

Ħoloq esterni[editja]