Tim nazzjonali tal-futbol ta' New Zealand

New Zealand

Laqam	All Whites
Assoċjazzjoni	New Zealand Football
Konfederazzjoni	OFC (Oċeanja)
Kowċ	Ricki Herbert
Kaptan	Ryan Nelsen
L-aktar preżenzi	Ivan Vicelich (69)
L-aktar gowls	Vaughan Coveny (28)
Kodiċi tal-FIFA	NZL
Klassifika tal-FIFA	78
Kuluri interni Kuluri esterni
Debutt internazzjonali
New Zealand 3 – 1 Awstralja (Dunedin, New Zealand; 17 ta' Ġunju 192)
L-ikbar rebħa
New Zealand 13 – 0 Fiġi (Auckland, New Zealand; 16 ta' Awwissu, 1981)
L-ikbar telfa
New Zealand 0 – 10 Awstralja (Wellington, New Zealand; 11 ta' Lulju 1936)
Tazza tad-Dinja
Apparenzi	2 (L-ewwel fl-1982)
L-aqwa riżultat	L-Ewwel Rawnd, 1982 u 2010
Tazza tan-Nazzjonijiet Oċeaniċi
Apparenzi	8 (L-ewwel fl-1973)
L-aqwa riżultat	Rebbieħa, 1973, 1998, 2002 u 2008
Tazza tal-Konfederazzjonijiet
Apparenzi	3 (L-ewwel fl-1999)
L-aqwa riżultat	L-Ewwel Rawnd, 1999, 2003 u 2009

It-tim nazzjonali tal-futbol ta' New Zealand huwa r-rappreżentant tal-futbol tal-pajjiż ta' New Zealand u hu kkontrollat min-New Zealand Football.

L-uniformi bajdanija tat-tim hi ispirata minn dik tal-Ingilterra u hi l-kontra ta' dik milbusa mit-tim nazzjonali tar-rugby (l-All Blacks). B'hekk, it-tim jiġi misjub ukoll taħt il-laqam All Whites.

L-istorja ta' New Zealand tinvolvi żewġ parteċipazzjonijiet fit-Tazza tad-Dinja: waħda fl-edizzjoni tal-1982 li saret ġewwa Spanja, fejn kienet tilfet it-tliet partiti kollha, u dik fl-Afrika t'Isfel fl-2010 fejn ħarġet eliminata mill-ewwel fażi mingħajr telfa.

It-tim ta' New Zealand ġie sfidat għal bosta drabi mill-Awstralja fit-Tazza tan-Nazzjonijiet Oċeaniċi, il-kampjonat internazzjonali li jintlagħab bejn it-timijiet nazzjonali li jappartjenu għaż-żona tal-Oċeanja. L-All Whites rebħu erba' darbiet din il-kompetizzjonI: fl-1973, fl-1998, fl-2002 u l-aħħar waħda fl-2008. Fl-aħħar edizzjoni mirbuħa minn dan it-tim huma ma sabu l-ebda rivalità kompetenti, hekk kif fl-1 ta' Jannar 2006 l-Awstralja, rivali kbira fi żmien tagħha fil-konfederazzjoni Oċeanika, issiebħet mal-konfederazzjoni tal-futbol Ażjatika.

Minħabba l-livell baxx tal-kampjonat lokali, il-futbolers ta' New Zealand ta' ċertu kalibru jilgħabu fl-Ewropa, fl-Istati Uniti u fl-Awstralja.

Żvilupp

Minkejja li huwa sport diffuż sewwa ġewwa l-pajjiż, il-futbol fi New Zealand ibati sabiex jikkompeti ma' sports oħra bħar-rugby u l-krikit, li barra li għandhom ċertu popolarità dawn igawdu minn iktar finanzi u wkoll kopertura estensiva min-naħa tal-istampa.

Il-kampjonat lokali huwa ta' livell semiprofessjonali u l-iktar tim importanti li huwa minn New Zealand, Wellington Phoenix FC, jilgħab fl-A-League Awstraljan.

L-iktar plejers rinomati minn dan it-tim jinkludu lill-kaptan Ryan Nelsen, difensur ta' Blackburn Rovers, u Chris Killen, attakkant mat-tim ta' Middlesbrough. Plejers oħra interessanti qegħdin jagħmlu isem għalihom barra minn pajjiżhom, fosthom l-eks-midfilder ta' Fulham Chris James, li fil-preżent jilgħab ma' Barnet.

Tazza tad-Dinja

1982

New Zealand ikkwalifika għall-ewwel darba fit-Tazza tad-Dinja fl-1982. It-tim ta' New Zealand, wara li rebaħ il-fażi ta' kwalifika tal-Oċeanja wara lagħab turnew ta' ħames timijiet kontra timijiet mill-Asja. Dan irriżulta fiċ-Ċina u New Zealand jaffrontaw f'logħba ta' spareġġ, bit-tim tal-aħħar jiggwadanja l-aħħar post disponibbli.

Ġewwa Spanja, New Zealand lagħbet tliet logħbiet kontra l-Iskozja, l-Unjoni Sovjetika u l-Brażil. Hi tilfet il-logħbiet kollha, bir-riżultati ta' 2–5, 0–3, u 0–4 rispettivament. Steve Sumner u Steve Woodin skorjaw l-uniċi gowls ta' New Zealand fl-ewwel dehra tagħhom f'edizzjoni tat-Tazza tad-Dinja.

Tim	L	R	P	T	GF	GK	DG	Pti
Brażil	3	3	0	0	10	2	+8	6
Unjoni Sovjetika	3	1	1	1	6	4	+2	3
Skozja	3	1	1	1	8	8	0	3
New Zealand	3	0	0	3	2	12	−10	0

2010

Nhar l-14 ta' Novembru 2009 irnexxielha ssib post fit-Tazza tad-Dinja 2010, wara li fil-partita ta' spareġġ kontra l-Baħrejn, rappreżentazzjoni mill-Asja, reħbet bl-iskor ta' 1–0 grazzi għal gowl mill-attakkant ta' Plymouth Rory Fallon.

Fil-15 ta' Ġunju 2010, fid-debutt tagħhom fit-Tazza tad-Dinja Sud-Afrikana kontra s-Slovakkja, l-All Whites għamlu l-istorja tagħhom meta kisbu l-ewwel punt fil-fażi finali ta' dan il-kampjonat dinji. Infatti, l-ewwel partita ntemmet 1–1 grazzi għall-gowl fit-93 minuta ta' Winston Reid. Fl-20 ta' Ġunju, fit-tieni logħba mill-grupp, in-New Zealand irnexxielhom jerġgħu jisirqu punt ieħor fil-konfront kontra ċ-ċampjins attwali, l-Italja, fejn saħansitra kienu marru fil-vantaġġ grazzi għall-gowl ta' Smeltz, qabel ma bagħad it-Taljani ffissaw l-iskor fuq 1–1. Fl-aħħar ġurnata ta' logħob mill-ewwel rawnd, il-pari ta' mingħajr gowls kontra l-Paragwaj ħalla lil New Zealand barra mill-kompetizzjoni, però ħarġu mhux megħluba. Huma għalqu t-tieni dehra tagħhom bit-tielet post, quddiem l-Italja.

Tim	L	R	P	T	GF	GK	DG	Pti
Paragwaj	3	1	2	0	3	1	+2	5
Slovakkja	3	1	1	1	4	5	−1	4
New Zealand	3	0	3	0	2	2	0	3
Italja	3	0	2	1	4	5	−1	2

Storja tal-kompetizzjonijiet

Tazza tad-Dinja

• 1930: Ma daħalx
• 1934: Ma daħalx
• 1938: Ma daħalx
• 1950: Ma daħalx
• 1954: Ma daħalx
• 1958: Ma daħalx
• 1962: Ma daħalx
• 1966: Ma daħalx
• 1970: Ma kkwalifikax
• 1974: Ma kkwalifikax
• 1978: Ma kkwalifikax
• 1982: L-Ewwel Rawnd
• 1986: Ma kkwalifikax
• 1990: Ma kkwalifikax
• 1994: Ma kkwalifikax
• 1998: Ma kkwalifikax
• 2002: Ma kkwalifikax
• 2006: Ma kkwalifikax
• 2010: L-Ewwel Rawnd

Tazza tal-Konfederazzjonijiet

• 1992: Ma kkwalifikax
• 1995: Ma kkwalifikax
• 1997: Ma kkwalifikax
• 1999: L-Ewwel Rawnd
• 2001: Ma kkwalifikax
• 2003: L-Ewwel Rawnd
• 2005: Ma kkwalifikax
• 2009: L-Ewwel Rawnd

Tazza tan-Nazzjonijiet Oċeaniċi

• 1973: Rebbieħ
• 1980: L-Ewwel Rawnd
• 1996: Semifinali
• 1998: Rebbieħ
• 2000: Finalista tellief
• 2002: Rebbieħ
• 2004: It-tielet post
• 2008: Rebbieħ

Plejers

Skwadra attwali

Nru. Poż. Plejer Data tat-twelid (età) Preż. Gowls Klabb 1 G Mark Paston 13 ta' Diċembru 1976 (1976-12-13) 26 0 Wellington Phoenix 12 G Glen Moss 19 ta' Jannar 1983 (1983-01-19) 15 0 Melbourne Victory 23 G James Bannatyne 30 ta' Ġunju 1975 (1975-06-30) 3 0 Team Wellington 2 D Ben Sigmund 3 ta' Frar 1981 (1981-02-03) 14 1 Wellington Phoenix 3 D Tony Lochhead 12 ta' Jannar 1982 (1982-01-12) 33 0 Wellington Phoenix 4 D Winston Reid 3 ta' Lulju 1988 (1988-07-03) 6 1 FC Midtjylland 5 D Ivan Vicelich 3 ta' Settembru 1976 (1976-09-03) 69 6 Auckland City 6 D Ryan Nelsen 18 ta' Ottubru 1977 (1977-10-18) 44 6 Blackburn Rovers 18 D Andrew Boyens 18 ta' Settembru 1983 (1983-09-18) 15 0 New York Red Bulls 19 D Tommy Smith 31 ta' Marzu 1990 (1990-03-31) 7 0 Ipswich Town 7 M Simon Elliott 10 ta' Ġunju 1974 (1974-06-10) 66 6 Mingħajr klabb 8 M Tim Brown 6 ta' Marzu 1981 (1981-03-06) 25 0 Wellington Phoenix 11 M Leo Bertos 20 ta' Diċembru 1981 (1981-12-20) 37 0 Wellington Phoenix 13 M Andy Barron 24 ta' Diċembru 1980 (1980-12-24) 12 1 Team Wellington 15 M Michael McGlinchey 7 ta' Jannar 1987 (1987-01-07) 5 0 Motherwell FC 16 M Aaron Clapham 1 ta' Jannar 1987 (1987-01-01) 0 0 Canterbury United 17 M David Mulligan 24 ta' Marzu 1982 (1982-03-24) 25 3 Mingħajr klabb 21 M Jeremy Christie 22 ta' Mejju 1983 (1983-05-22) 24 1 FC Tampa Bay 22 M Jeremy Brockie 7 ta' Ottubru 1987 (1987-10-07) 19 0 Newcastle Jets 9 A Shane Smeltz 29 ta' Settembru 1981 (1981-09-29) 33 17 Gold Coast United 10 A Chris Killen 8 ta' Ottubru 1981 (1981-10-08) 34 11 Middlesbrough FC 14 A Rory Fallon 20 ta' Marzu 1982 (1982-03-20) 10 3 Plymouth Argyle 20 A Chris Wood 7 ta' Diċembru 1991 (1991-12-07) 12 0 West Bromwich Albion

Ħoloq esterni

• NZ Football
• Paġna ta' New Zealand fuq fifa.com