Tazza tad-Dinja tal-Futbol 2006
Minn Wikipedija, l-enċiklopedija l-ħielsa
| Tazza tad-Dinja tal-Futbol 2006 | |
 Logo uffiċjali tat-Tazza tad-Dinja 2006 |
|
| Dettalji tat-turnew | |
|---|---|
| Pajjiż ospitu |  Ġermanja |
| Dati | 9 ta' Ġunju – 9 ta' Lulju |
| Parteċipanti | (minn 6 konfederazzjonijiet) |
| Stadji | 12 (f'6 ibliet ospiti) |
| Pożizzjonijiet finali | |
Rebbieħ  |
 Italja |
It-Tieni post  |
 Franza |
It-Tielet post  |
Ġermanja |
| Ir-Raba' post |  Portugall |
| Statistika tal-kompetizzjoni | |
| Partiti | 64 |
| Gowls skorjati | 147 (2.3 kull logħba) |
| Attendenza | 3,353,655 (52,401 kull logħba) |
| L-aqwa plejer | Zinedine Zidane |
It-Tazza tad-Dinja tal-Futbol 2006 kienet it-tmintax-il edizzjoni tat-Tazza tad-Dinja tal-Futbol, li hu avveniment mondjali tal-futbol li jsir kull erba' snin. Dan sar bejn id-9 ta' Ġunju u d-9 ta' Lulju 2006 ġewwa l-Ġermanja, li kisbet id-dritt li tospita dan it-turnew f'Lulju tas-sena 2000. Kien hemm 198 tim nazzjonali li ħadu sehem fil-fażi ta' kwalifikazzjoni mis-sitt konfederazzjonijiet, fażi li bdiet f'Settembru tal-2003. Wieħed u tletin tim ikkwalifikaw għall-fażi finali, flimkien mal-pajjiż ospitu tal-Ġermanja.
Dan it-turnew ġie mirbuħ mill-Italja wara li fil-finali għelbu lil Franza 5–3 wara l-għoti tal-penalties, wara li l-partita sal-ħin supplementari baqgħet fissa 1–1. B'hekk l-Italja kisbet ir-raba' titlu mondjali. Fil-partita ta' spareġġ għat-tielet u r-raba' post, il-Ġermanja rebħet lill-Portugall bl-iskor ta' 3–1 biex kisbet it-tielet post.
It-Tazza tad-Dinja 2006 tibqa' fost l-iktar avvenimenti qatt segwiti fuq it-televiżjoni hekk kif laħqet kwota ta' 26.29 biljun spettatur (mhux uniku), matul il-kampjonat kollu. Il-finali attirat udjenza rekord ta' 715.1 miljun persuna.[1] Bħala r-rebbieħ, l-Italja rrapreżentat lid-Dinja fit-Tazza tal-Konfederazzjonijiet 2009.
Werrej |
[editja] L-għażla tal-ospitu
L-idea tat-tieni Tazza tad-Dinja fil-Ġermanja ħarġet waqt il-kumitat ġenerali tad-Deutscher Fußball-Bund, f'Novembru tal-1992. Il-president ta' din l-assoċjazzjoni Egidius Braun, u d-direttur tal-istampa Wolfgang Niersbach kienu l-promoturi ewlenin ta' din l-idea, li attirat is-sosten kemm min-nazzjon sħiħ kif ukoll mill-assoċjazzjonijiet ġiriena. Lejn tmiem l-1996, wieħed mill-ikoni tal-isports fil-Ġermanja, Franz Beckenbauer, issieħeb mat-tim u mill-1998 mexxa l-kumitat għall-kandidatura.
Il-Ġermanja ppreżentat uffiċjalment l-offerta tagħha flimkien mal-Brażil, l-Ingilterra, il-Marokk u l-Afrika t'Isfel. L-approċċ ta' rotazzjoni kontinentali wassal biex l-Afrika t'Isfel tidher bħala l-favorita għat-Tazza tad-Dinja. Bl-istess approċċ, il-Ġappun u l-Korea t'Isfel ġew preċedentament eletti biex jorganizzaw l-edizzjoni tal-2002 għall-ewwel darba fuq art Ażjatika.
L-għażla tal-ospitu għall-edizzjoni tal-2006 saret fis-7 ta' Lulju 2000 ġewwa Żurigu, fl-Iżvizzera. Il-Brażil irtiraw mill-kandidatura tliet ijiem qabel u uffiċjalment taw is-sapport tagħhom lill-Afrika t'Isfel, fejn dan tal-aħħar irċieva wkoll is-sosten tal-president tal-FIFA Sepp Blatter.[2] Mumenti qabel it-tfigħ tal-vot, Blatter stqarr "Ejjew nagħmlu l-istorja! Inġibu id-Dinja Lejn l-Afrika". Fl-ewwel rawnd il-Marokk irċieva 3 voti, l-Ingilterra 5, l-Afrika t'Isfel 6 u l-Ġermanja 10, b'ta' l-ewwel jiġi eliminat. Fir-rawnd suċċessiv l-offerta tal-Ingilterra ġiet imwaqqa' wara li rċiviet 2 voti, waqt li ż-żewġ kontendenti l-oħra ppareġġaw bi 11-il vot.[3] Fl-aħħar sett ta' votazzjoni, ħafna pprevedew li kien se jkun hemm parità ta' 12-il vot, li kellha tħalli d-deċiżjoni f'idejn Blatter, li preżumibbilment kien jagħżel l-offerta Sud-Afrikana.[4][5] Madanakollu, il-votazzjoni ntemmet bi 12-il vot f'favur il-Ġermanja, 11 f'favur l-Afrika t'Isfel u astensjoni waħda li waslet mir-rappreżentat ta' New Zealand, Charles Dempsey.
| Riżultati tal-votazzjoni[6] | |||
|---|---|---|---|
| Pajjiż | L-1 Rawnd | It-2 Rawnd | It-3 Rawnd |
| Ġermanja |
10 | 11 | 12 |
 Afrika t'Isfel |
6 | 11 | 10 |
 Ingilterra |
5 | 2 | — |
 Marokk |
3 | — | — |
L-għażla tal-Ġermanja bħala s-sede tal-kompetizzjoni, minflok l-Afrika t'Isfel (li eventwalment ingħatat l-organizzazzjoni tat-Tazza tad-Dinja 2010), kienet dipendenti fuq diversi fatturi. Waħda minnhom kienet, il-kunflitt fuq in-numru ta' postijiet għall-Asja fit-Tazza tad-Dinja 2002, bi Blatter ikompli jsaħħaħ l-idea li jinżammu l-erba' postijiet waqt li l-president tal-UEFA ippropona logħba eliminatorja bejn it-tim klassifikat fil-ħames post fiż-Żona Ażjatika u tim nazzjonali ieħor mill-UEFA, proposta li finalment ġiet aċċettata. Matul il-votazzjoni, l-erba' rappreżentati Ażjatiċi unanimament sostnew l-kandidatura Ewropea għad-detriment tal-pożizzjoni li ttieħdet minn Blatter. Aktar minn hekk, Dempsey, li kien ivvotta lill-Ingilterra, kien rappurtat li ġiet persważ mid-delegati Ażjatiċi biex jastjeni.[7]
Il-kontroversja fuq id-deċiżjoni li kien ħa Dempsey kibret aktar meta xi għajdut infiltra li hu kien irċieva rikatti mill-Ġermaniżi. Is-sitwazzjoni ġiet finalment kjarifikata: is-sors tal-għajdut milli jidher kienet ittra mingħand ir-rivista satirika Ġermaniża Titanic li ntbagħtet lil diversi delegati (fosthom 'l Dempsey) fejn offrewlhom arloġġ tal-kuku u perżut jekk jivvutaw lill-Ġermanja.[8]
[editja] Kwalifikazzjoni
Biex tapprofondixxi, ara l-artiklu: Kwalifikazzjoni għat-Tazza tad-Dinja tal-Futbol 2006.
198 tim daħlu fil-fażi ta' kwalifikazzjoni għat-Tazza tad-Dinja 2006.[9] Il-Ġermanja ngħatat post garantit bħala l-ospitu tal-kompetizzjoni, filwaqt li l-31 post li kien għad baqa' kienu maqsuma bejn il-konfederazzjonijiet kontinentali. Din kienet l-ewwel darba li r-rebbieħ tal-edizzjoni preċedenti ma ngħatax id-dritt ta' kwalifikazzjoni awtomatika. Tlettax-il post kienu affiljati għat-timijiet tal-UEFA (Ewropa), ħamsa għat-timijiet tal-CAF (Afrika), erbgħa għat-timijiet tal-CONMEBOL (Amerika t'Isfel), erbgħa għat-timijiet tal-AFC (Asja), u tlieta għat-timijiet tal-CONCACAF (Amerika ta' Fuq, Ċentrali, u l-Karibew). Il-żewġ postijiet li kien għad baqa' kienu deċiżi minn partita ta' spareġġ bejn tim miż-Żona Ażjatika u dik tal-CONCACAF u oħra bejn il-Konfederazzjoni Sud-Amerikana u dik tal-OFC (Oċeanja).
Din l-edizzjoni rat tmien timijiet nazzjonali li rnexxielhom jikkwalifikaw għall-ewwel darba għall-fażi finali. Dawn kienu l-Angola, il-Gana, il-Kosta tal-Avorju, ir-Repubblika Ċeka, it-Togo, it-Trinidad u Tobago, l-Ukrajna u s-Serbja u Montenegro. Ir-Repubblika Ċeka u l-Ukrajna kienu qed jagħmlu l-ewwel preżenza tagħhom bħala pajjiżi indipendenti, imma qabel kienu ġew rappreżentati miċ-Ċekoslovakkja u l-Unjoni Sovjetika rispettivament; is-Serbja u Montenegro kkompetew bħala r-Repubblika Federali tal-Jugożlavja lura fl-1998, kif ukoll għamlu parti mit-tim Jugożlav tal-1930 u l-1990. Għall-ewwel darba mit-1982, is-sitt konfederazzjonijiet ġew rappreżentati fil-fażi finali.
[editja] Organizzazzjoni
L-organizzazzjoni tat-turnew kien f'idejn kumitat (Organisationskomitee, imqassar bħala OK) immexxi minn Franz Beckenbauer. Horst Schmidt, l-ewwel viċi-president, kellu f'idejh l-organizzazzjoni tal-impjanti u l-istadji, is-sigurta, il-finanzi, it-trasport u l-amministrazzjoni. Wolfgang Niersbach, it-tieni viċi-president, serva bħala l-kap tal-istampa u nkarigat għall-pubbliċità, l-informazzjoni u t-teknoloġija. Theo Zwanziger mexxa l-ħwejjeġ legali u r-riżorsi umani, waqt li l-affarijiet li kienu jikkonċertnaw l-arti u l-kultura, it-turiżmu u l-akkomodazzjoni kienu f'idejn Fedor Radmann.
Dan il-kumitat organizzattiv kien magħmul minn 14-il membru u kumitat ta' superviżjoni ta' 10 persuni. Mal-grupp ingħaqdu ambaxxaturi sportivi Ġermaniżi: Jürgen Klinsmann, Oliver Bierhoff, Karl-Heinz Rummenigge u Rudi Völler. Sussegwentament, 15-il ambaxxatur irrappreżentaw l-ibliet ospiti differenti.
[editja] Impjanti
Tnax-il belt minn 20 kandidat ġew magħżula bħala s-sede tal-partiti tat-Tazza tad-Dinja, fejn bliet bħal Bremen, Düsseldorf, Mönchengladbach, Bochum u Duisburg ma kienux fost il-lista finali. Fil-bliet magħżula, l-istadji bdew bil-preparamenti neċessarji. Waqt li uħud minnhom sarilhom manutenzjoni żgħira, oħrajn ġew kompletament restawrati u oħrajn speċifikament mibnija.
Kull fażi kellha bżonn ta' investiment li varja bejn it-48 u l-280 miljun ewro. Aktar minn hekk, intefqu 1,380 miljun ewro iktar fuq il-bini ta' stadji ġodda. Din l-ispiża qabżet dik li ntefqet matul it-turnew tal-1974, liema edizzjoni rat jintefqu 242 miljun Mark Ġermaniż (madwar 121 miljun ewro) għat-titjieb ta' kull faċilità sportiva.
Matul it-turnew, ħafna mill-grawnds ġew msemmijin b'ismijiet differenti, hekk kif il-FIFA tipprojbixxi l-isponsorizzazzjoni ta' stadji sakemm l-isponsors tal-istadju jkunu wkoll sponsors uffiċjali tal-FIFA.[10] Dawn l-ismijiet il-ġodda jidhru bejn il-parentesi fit-tabella segwenti.
 |
 |
 |
| Olympiastadion (Olympiastadion) |
Signal Iduna Park (FIFA World Cup Stadium, Dortmund) |
Allianz Arena (FIFA World Cup Stadium, Munich) |
 |
 |
 |
| Gottlieb-Daimler-Stadion (FIFA World Cup Stadium, Stuttgart) |
Veltins-Arena (FIFA World Cup Stadium, Gelsenkirchen) |
AOL Arena (FIFA World Cup Stadium, Hamburg) |
 |
 |
 |
| Commerzbank-Arena (FIFA World Cup Stadium, Frankfurt) |
RheinEnergieStadion (FIFA World Cup Stadium, Cologne) |
AWD-Arena (FIFA World Cup Stadium, Hanover) |
 |
 |
 |
| Zentralstadion (Zentralstadion) |
Fritz-Walter-Stadion (Fritz-Walter-Stadion) |
EasyCredit-Stadion (Frankenstadion) |
[editja] Referis
Il-FIFA eleġġiet 23 referi professjonali minn total ta' 44. Minn dawn, il-Gwatemalan Carlos Batres, il-Grieg Kyros Vassaras u l-Ispanjol Manuel Mejuto Gonzalez irtiraw minħabba raġunijiet ta' saħħa, u posthom ħaduhom it-Taljan Roberto Rosetti, l-Ispanjol Luis Medina Cantalejo u l-Messikan Marco Antonio Rodriguez. Min-naħa l-oħra, ir-referi Taljan Massimo de Santis ġie sospiż mill-FIFA wara irregolaritajiet li ġraw fl-istaġun 2005–06 tal-kampjonat Taljan, fl-iskandlu famuż tal-Calciopoli. Ir-referi Ġamajkan Peter Prendergast ġie mweġġa' ftit jiem qabel il-bidu tal-kompetizzjoni. L-ebda minn dawn ir-referis ma ġew sostitwiti, biex b'hekk il-lista baqgħet ta' 21 uffiċjal.
[editja] Timijiet
Biex tapprofondixxi, ara l-artiklu: Timijiet parteċipanti fit-Tazza tad-Dinja tal-Futbol 2006.[editja] Gruppi
[editja] Tlugħ tal-poloz
L-aqwa tmien timijiet nazzjonali tat-Tazza tad-Dinja 2006 ġew magħżula mill-FIFA fuq diversi kriterji, fosthom skont il-pożizzjoni fil-klassifika mondjali tal-FIFA, u ġew imħabbra fis-6 ta' Diċembru 2005. Dawn it-timijiet kienu jifformaw Urna A. Urna B kellha timijiet li ma kinux ikkwalifikaw f'ras is-serje tal-Amerika t'Isfel, l-Afrika u l-Oċeanja, waqt li Urna Ċ kellha tmienja mid-disa' skwadri Ewropej li kien għad baqa', barra s-Serbja u Montenegro. Urna D kellha timijiet tal-CONCACAF u dawk Ażjatiċi. L-Urna Speċjali kellha lis-Serbja u Montenegro. Dan sar biex b'hekk ikun evitat li grupp ikollu tliet timijiet Ewropej.[11] F'din l-urna, is-Serbja u Montenegro kienet ittellgħet l-ewwel, u wara kien imiss it-timijiet tal-grupp tagħha (l-Arġentina, l-Olanda u l-Kosta tal-Avorju). It-tmien timijiet f'ras is-serje ttellgħu bħala l-ewwel timijiet għall-gruppi rispettivi.
| Urna A | Urna B | Urna Ċ | Urna D | Urna Speċjali |
|---|---|---|---|---|
Fid-9 ta' Diċembru 2005, sar it-tlugħ tal-poloz. Wara l-poloz, diversi esperti tal-futbol stqarrew li Grupp Ċ kien jidher li kien se jkun il-grupp tal-mewt.[12][13] Minkejja din l-idea qabel il-bidu tat-turnew, dan il-grupp ma laħaqx l-aspettattiva li nħolqot fuqu, hekk kif l-Arġentina u l-Olanda kkwalifikaw b'logħba waħda x'tintlagħab, wara li t-tnejn li huma rebħu lill-Kosta tal-Avorju u s-Serbja u Montenegro.
[editja] Sistema tal-gruppi
L-ewwel rawnd, jew il-fażi tal-gruppi, rat lit-tnejn u tletin tim diviż fi tmien gruppi ta' erba' timijiet kull wieħed. Kull grupp kien ibbażat fuq sistema ta' kollha kontra kulħadd a basi ta' sitt partiti, fejn kull tim jilgħab partita waħda kontra kull tim li jinsab miegħu fil-grupp. Is-sistema ta' punti wżata hi dik tradizzjonali: tliet punti għal rebħa, punt għal pari u xejn għal telfa. L-ewwel żewġ timijiet fil-grupp iggwadanjaw post fil-fażi ta' L-Aħħar Sittax.
[editja] Kriterji ta' klassifikazzjoni
Jekk it-timijiet kienu l-istess fil-punti, dawn kienu jiġu kklasifikati skont il-kriterji segwenti kif inhuma:
- L-aqwa differenza tal-gowls fit-tliet partiti tal-grupp
- L-aktar numru ta' gowls skurjati fit-tliet partiti tal-grupp
- Jekk it-timijiet jibqgħu livell fil-punti wara li jkunu ġew segwiti dawn il-kriterji, grupp subordinarju jiġi ffurmat fejn it-timijiet jiġu klassifikati skont:
- L-aktar punti miksuba fil-partiti kontra timijiet oħra li jinsabu fil-kwistjoni
- L-aqwa differenza tal-gowls fil-partiti kontra timijiet oħra li jinsabu fil-kwistjoni
- L-aktar numru ta' gowls skurjati fil-partiti kontra timijiet oħra li jinsabu fil-kwistjoni
- Jekk it-timijiet jibqgħu l-istess wara dawn il-kriterji, il-FIFA ittella' x-xorti
Fil-verżjoni oriġinali tar-regoli għat-turnew finali, il-kriterji ta' spareġġ kienu f'ordni differenti, fejn ir-riżultati kontra t-timijiet fil-kwistjoni kienu jippreċedu fuq id-differenza totali tal-gowls. Ir-regoli ġew mibdula għal verżjoni t'hawn fuq, imma verżjonijiet aktar antiki kienu għadhom disponibbli fuq is-siti tal-FIFA u l-UEFA, fejn ħolqu xi ftit tal-konfużjoni fost dawk li kienu qed jippruvaw jidentifikaw il-kriterji t-tajba.
Il-fażi finali tal-kompetizzjoni rat biss żewġ pari ta' timijiet li spiċċaw livell fil-punti: l-Arġentina u l-Olanda b'7 punti fi Grupp Ċ; u t-Tuneżija u l-Għarabja Sawdita b'punt fi Grupp H. Iż-żewġ każijiet ġew solvuti bid-differenza totali tal-gowls. Fiż-żewġ każi wkoll, it-timijiet ippareġġaw fil-partita kontra xulxin, u b'hekk l-ordni tal-kriterji ta' klassifikazzjoni m'għamlet l-ebda differenza.
[editja] Fażi finali
Il-fażi finali tat-Tazza tad-Dinja 2006 bdiet fid-9 ta' Ġunju. It-32 tim ġew maqsuma fi tmien gruppi ta' erba' timijiet 'il wieħed, fejn kull tim lagħab kontra t-tliet timijiet l-oħra tal-grupp, biex jiġu determinati ż-żewġ timijiet li kienu se jikkwalifikaw għall-fażi ta' L-Aħħar Sittax, li bdiet fl-24 ta' Ġunju. Il-kampjonat kellu total ta' 64 logħba.
[editja] Ospitu
Minkejja li l-Ġermanja naqset li tirbaħ dan it-titlu mondjali, dan it-turnew kien ikkunsidrat bħala suċċess kbir għall-Ġermanja. L-istadji u s-sistema ta' trasport kienu ta' kwalità, u l-poplu Ġermaniż kien imfaħħar minħabba l-ospitalità u l-entużjażmu li wera. Il-Ġermanja esperjenzat żieda ta' spirtu patrijottiku hekk kif kien hemm numru kbir ta' bnadar Ġermaniżi mxejra, fejn tradizzjonalment, wara t-Tieni Gwerra Dinjija, it-tixjir ta' bnadar Ġermaniżi ma tantx kien jintgħoġob mis-soċjetà Ġermaniża, anke meta t-tim Ġermaniż kien jilgħab.[14]
[editja] Dominju tat-timijiet tradizzjonali
Minkejja s-suċċess bikri min-naħa tal-Awstralja, l-Ekwador u l-Gana, il-kampjonat immarka r-ritorn tad-dominju tal-qawwiet tradizzjonali tal-futbol. Erba' snin wara l-kampjonat tal-2002, fejn timijiet mill-Amerika ta' Fuq (l-Istati Uniti), l-Afrika (is-Senegal), u l-Asja (il-Korea t'Isfel) kienu waslu sal-fażijiet eliminatorji, u t-Turkija spiċċat fit-tielet post, din id-darba t-tmien l-aqwa timijiet klassifikati għamlu progress għall-fażi eliminatorja, u l-ebda tim mill-kwarti tal-finali ma kien barra mill-Ewropa jew l-Amerika t'Isfel. Sitta mit-tmien timijiet kwalifikati rebħu xi darba dan it-titlu mondjali, bl-Ukranja u l-finalista tellief tal-Kampjonati Ewropej 2004, il-Portugall, ikunu biss l-uniċi timijiet nazzjonali li mhumiex parti minn dan il-"grupp".[15] L-Arġentina u l-Brażil kienu eliminati fil-kwarti tal-finali, fejn ħallew finali kollha Ewropea għar-raba' darba fl-istorja wara dik tal-1934, l-1966 u l-1982.
[editja] Gowls
Minkejja l-ħafna gowls li ġew skurjati fil-fażi tal-gruppi, fil-fażi eliminatorja n-numru ta' gowls naqsu. Eżempju prinċipali tan-nixfa tal-gowls huwa l-Portugall, li skorja fit-23 minuta tal-fażi ta' L-Aħħar Sittax, u ma reġax sab ix-xibka sat-88 minuta tal-partita kontra l-Ġermanja għat-tielet u r-raba' post. L-Italja, il-Ġermanja, l-Arġentina, il-Brażil u Franza kienu l-uniċi timijiet li skurjaw iktar minn gowl wieħed fil-fażi eliminatorja. Il-Ġermanja kienet l-unika eċċezzjoni hekk kif irnexxielha tispiċċa l-iktar tim li skorja gowls fil-kampjonat b'total ta' 14-il gowl.
Il-plejer Ġermaniż Miroslav Klose skorja 5 gowls biex b'hekk spiċċa rebbieħ taż-Żarbuna tad-Deheb, fejn dan in-numru ta' gowls hu l-inqas numru ta' gowls li qatt ġew skurjati minn rebbieħ ta' dan l-unur mill-edizzjoni tal-1962. L-ebda plejer skorja aktar minn tliet gowls. Mit-tim rebbieħ tal-Italja ħadd ma skorja aktar minn żewġ gowls, minkejja li għaxar plejers differenti skurjaw gaħt-tim, biex wettqu rekord għall-aktar plejers li skurjaw minn tim partikulari.
Għall-ewwel darba fit-Tazza tad-Dinja, l-ewwel u l-aħħar gowls tal-kampjonat ġew skurjati minn difensuri. Philipp Lahm tal-Ġermanja skorja l-ewwel gowl fil-kampjonat u anki fil-logħba li t-tim Ġermaniż lagħab kontra l-Kosta Rika wara 5 minuti. Fil-finali, Marco Materazzi, skorja l-aħħar gowl tal-kampjonat; fl-20 minuta kontra Franza.
[editja] Numru kbir ta' ammonizzjonijiet
Ikkomparat mal-edizzjonijiet preċedenti tat-Tazza tad-Dinja, dan il-kampjonat jibqa' mfakkar għan-numru kbir ta' karti sofor u ħomor li ġew murija, fejn għeleb ir-rekord li sar fit-Tazza tad-Dinja 1998. Il-plejers irċevew total ta' 345 karta safra u 28 karta ħamra, b'Valentin Ivanov juri 16-il karta safra u 4 karti ħomor fil-partita tal-aħħar sittax bejn il-Portugall u l-Olanda. Il-Portugall kellhom żewġ plejers sospiżi għall-partiti tal-kwarti tal-finali u tas-semifinali, rispettivament. Il-President tal-FIFA Sepp Blatter stqarr li għal kampjonati futuri jista' jsir xi tibdil ta' regoli biex b'hekk xi karti sofor akkumulati ma jħallux plejer jitlef il-finali, jekk it-tim ikompli fil-kompetizzjoni. Din l-edizzjoni rat ukoll avveniment kurjuż, fejn l-Ingliż Graham Poll bi żball ta tliet karti sofor lill-plejer Kroat Josip Šimunić fil-partita kontra l-Awstralja, qabel ma' dan tal-aħħar ġie suċċessivament imkeċċi.
In-numru kbir ta' karti sofor u ħomor qajmu diskussjoni fuq ir-referis. L-uffiċjali tal-FIFA u l-President Sepp Blatter irċevew kritika li allegatament għamlu regoli li huma wisq riġidi.[16]
[editja] Riżultati
[editja] Fażi tal-gruppi
Fit-tabelli li jsegwu:
- L = total ta' logħob
- R = total ta' rebħiet
- P = total ta' pari
- T = total ta' telfiet
- GF = total ta' gowls favur
- GK = total ta' gowls kontra
- DG = differenza tal-gowls (GF−GK)
- Pti = total ta' punti
It-timijiet li spiċċaw fl-ewwel żewġ postijiet, ikkwalifikaw għar-rawnd ta' L-Aħħar Sittax.
[editja] Grupp A
Biex tapprofondixxi, ara l-artiklu: Grupp A tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
| Ġermanja |
3 | 3 | 0 | 2 | 8 | 2 | +6 | 9 |
 Ekwador |
3 | 2 | 0 | 1 | 5 | 3 | +2 | 6 |
 Polonja |
3 | 1 | 0 | 2 | 2 | 4 | −2 | 3 |
 Kosta Rika |
3 | 0 | 0 | 3 | 3 | 9 | −6 | 0 |
| 9 ta' Ġunju 2006 | ||
| Ġermanja |
4 – 2 | Kosta Rika |
| Polonja |
0 – 2 | Ekwador |
| 14 ta' Ġunju 2006 | ||
| Ġermanja |
1 – 0 | Polonja |
| 15 ta' Ġunju 2006 | ||
| Ekwador |
3 – 0 | Kosta Rika |
| 20 ta' Ġunju 2006 | ||
| Ekwador |
0 – 3 | Ġermanja |
| Kosta Rika |
1 – 2 | Polonja |
[editja] Grupp B
Biex tapprofondixxi, ara l-artiklu: Grupp B tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
| Ingilterra |
3 | 2 | 1 | 0 | 5 | 2 | +3 | 7 |
 Żvezja |
3 | 1 | 2 | 0 | 3 | 2 | +1 | 5 |
 Paragwaj |
3 | 1 | 0 | 2 | 2 | 2 | 0 | 3 |
 Trinidad u Tobago |
3 | 0 | 1 | 2 | 0 | 4 | −4 | 1 |
| 10 ta' Ġunju 2006 | ||
| Ingilterra |
1 – 0 | Paragwaj |
| Trinidad u Tobago |
0 – 0 | Żvezja |
| 15 ta' Ġunju 2006 | ||
| Ingilterra |
2 – 0 | Trinidad u Tobago |
| Żvezja |
1 – 0 | Paragwaj |
| 20 ta' Ġunju 2006 | ||
| Żvezja |
2 – 2 | Ingilterra |
| Paragwaj |
2 – 0 | Trinidad u Tobago |
[editja] Grupp Ċ
Biex tapprofondixxi, ara l-artiklu: Grupp Ċ tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
 Arġentina |
3 | 2 | 1 | 0 | 8 | 1 | +7 | 7 |
 Olanda |
3 | 2 | 1 | 0 | 3 | 1 | +2 | 7 |
 Kosta tal-Avorju |
3 | 1 | 0 | 2 | 5 | 6 | −1 | 3 |
 Serbja u Montenegro |
3 | 0 | 0 | 3 | 2 | 10 | −8 | 0 |
| 10 ta' Ġunju 2006 | ||
| Arġentina |
2 – 1 | Kosta tal-Avorju |
| 11 ta' Ġunju 2006 | ||
| Serbja u Montenegro |
0 – 1 | Olanda |
| 16 ta' Ġunju 2006 | ||
| Arġentina |
6 – 0 | Serbja u Montenegro |
| Olanda |
2 – 1 | Kosta tal-Avorju |
| 21 ta' Ġunju 2006 | ||
| Olanda |
0 – 0 | Arġentina |
| Kosta tal-Avorju |
3 – 2 | Serbja u Montenegro |
[editja] Grupp D
Biex tapprofondixxi, ara l-artiklu: Grupp D tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
| Portugall |
3 | 3 | 0 | 0 | 5 | 1 | +4 | 9 |
 Messiku |
3 | 1 | 1 | 1 | 4 | 3 | +1 | 4 |
 Angola |
3 | 0 | 2 | 1 | 1 | 2 | −1 | 2 |
 Iran |
3 | 0 | 1 | 2 | 2 | 6 | −4 | 1 |
| 11 ta' Ġunju 2006 | ||
| Messiku |
3 – 1 | Iran |
| Angola |
0 – 1 | Portugall |
| 16 ta' Ġunju 2006 | ||
| Messiku |
0 – 0 | Angola |
| 17 ta' Ġunju 2006 | ||
| Portugall |
2 – 0 | Iran |
| 21 ta' Ġunju 2006 | ||
| Portugall |
2 – 1 | Messiku |
| Iran |
1 – 1 | Angola |
[editja] Grupp E
Biex tapprofondixxi, ara l-artiklu: Grupp E tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
| Italja |
3 | 2 | 1 | 0 | 5 | 1 | +4 | 7 |
 Gana |
3 | 2 | 0 | 1 | 4 | 3 | +1 | 6 |
 Repubblika Ċeka |
3 | 1 | 0 | 2 | 3 | 4 | −1 | 3 |
 Stati Uniti |
3 | 0 | 1 | 2 | 2 | 6 | −4 | 1 |
| 12 ta' Ġunju 2006 | ||
| Stati Uniti |
0 – 3 | Repubblika Ċeka |
| Italja |
2 – 0 | Gana |
| 17 ta' Ġunju 2006 | ||
| Repubblika Ċeka |
0 – 2 | Gana |
| Italja |
1 – 1 | Stati Uniti |
| 22 ta' Ġunju 2006 | ||
| Repubblika Ċeka |
0 – 2 | Italja |
| Gana |
2 – 1 | Stati Uniti |
[editja] Grupp F
Biex tapprofondixxi, ara l-artiklu: Grupp F tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
 Brażil |
3 | 3 | 0 | 0 | 7 | 1 | +6 | 9 |
 Awstralja |
3 | 1 | 1 | 1 | 5 | 5 | 0 | 4 |
 Kroazja |
3 | 0 | 2 | 1 | 2 | 3 | −1 | 2 |
 Ġappun |
3 | 0 | 1 | 2 | 2 | 7 | −5 | 1 |
| 12 ta' Ġunju 2006 | ||
| Awstralja |
3 – 1 | Ġappun |
| 13 ta' Ġunju 2006 | ||
| Brażil |
1 – 0 | Kroazja |
| 18 ta' Ġunju 2006 | ||
| Kroazja |
0 – 0 | Ġappun |
| Brażil |
2 – 0 | Awstralja |
| 22 ta' Ġunju 2006 | ||
| Ġappun |
1 – 4 | Brażil |
| Kroazja |
2 – 2 | Awstralja |
[editja] Grupp Ġ
Biex tapprofondixxi, ara l-artiklu: Grupp Ġ tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
 Żvizzera |
3 | 2 | 1 | 0 | 4 | 0 | +4 | 7 |
| Franza |
3 | 1 | 2 | 0 | 3 | 1 | +2 | 5 |
 Korea t'Isfel |
3 | 1 | 1 | 1 | 3 | 4 | −1 | 4 |
 Togo |
3 | 0 | 0 | 3 | 1 | 6 | −5 | 0 |
| 13 ta' Ġunju 2006 | ||
| Korea t'Isfel |
2 – 1 | Togo |
| Franza |
0 – 0 | Żvizzera |
| 18 ta' Ġunju 2006 | ||
| Franza |
1 – 1 | Korea t'Isfel |
| 19 ta' Ġunju 2006 | ||
| Togo |
0 – 2 | Żvizzera |
| 23 ta' Ġunju 2006 | ||
| Togo |
0 – 2 | Franza |
| Żvizzera |
2 – 0 | Korea t'Isfel |
[editja] Grupp H
Biex tapprofondixxi, ara l-artiklu: Grupp H tat-Tazza tad-Dinja tal-Futbol 2006.| Tim | L | R | P | T | GF | GK | DG | Pti |
|---|---|---|---|---|---|---|---|---|
 Spanja |
3 | 3 | 0 | 0 | 8 | 1 | +7 | 9 |
 Ukrajna |
3 | 2 | 0 | 1 | 5 | 4 | +1 | 6 |
 Tuneżija |
3 | 0 | 1 | 2 | 3 | 6 | −3 | 1 |
 Għarabja Sawdita |
3 | 0 | 1 | 2 | 2 | 7 | −5 | 1 |
| 14 ta' Ġunju 2006 | ||
| Spanja |
4 – 0 | Ukrajna |
| Tuneżija |
2 – 2 | Għarabja Sawdita |
| 19 ta' Ġunju 2006 | ||
| Għarabja Sawdita |
0 – 4 | Ukrajna |
| Spanja |
3 – 1 | Tuneżija |
| 23 ta' Ġunju 2006 | ||
| Għarabja Sawdita |
0 – 1 | Spanja |
| Ukrajna |
1 – 0 | Tuneżija |
[editja] Fażi eliminatorja
Biex tapprofondixxi, ara l-artiklu: Fażi eliminatorja tat-Tazza tad-Dinja tal-Futbol 2006.Il-fażi eliminatorja kienet rawnd ta' eliminazzjoni diretta, fejn it-tellief kien jiġi eliminat awtomatikament. Din involviet is-sittax-il tim li kkwalfika mill-fażi tal-gruppi. Kien hemm erba' rawnds, fejn f'kull waħda kienu jiġu eliminati nofs it-timijiet li kkompetew f'dik il-fażi. Ir-rawnds suċċessivi kienu: L-Aħħar sittax, il-Kwarti tal-finali, is-Semifinali u l-Finali. Kien hemm ukoll il-logħba għat-tielet u r-raba' post. Għal kull logħba f'din il-fażi, jekk il-logħba tispiċċa pari wara l-ħin normali, tletin minuta kienu jintlagħbu (maqsuma f'żewġ taqsimiet ta' ħmistax-il minuta 'l waħda); jekk il-partita tibqa' pari, ikun imiss l-għoti tal-penalties biex jiġi ddeterminat ir-rebbieħ tal-konfront. Riżultati wara l-ħin supplementari huma mmarkati bħala (ħs), u riżultati wara l-għoti tal-penalties huma mmarkati bħala (pen).
| L-Aħħar sittax | Kwarti tal-finali | Semifinali | Finali | |||||||||||
| 24 ta' Ġunju - Munich | ||||||||||||||
| Ġermanja |
2 | |||||||||||||
| 30 ta' Ġunju - Berlin | ||||||||||||||
| Żvezja |
0 | |||||||||||||
| Ġermanja (pen) |
1 (4) | |||||||||||||
| 24 ta' Ġunju - Leipzig | ||||||||||||||
| Arġentina |
1 (2) | |||||||||||||
| Arġentina (ħs) |
2 | |||||||||||||
| 4 ta' Lulju - Dortmund | ||||||||||||||
| Messiku |
1 | |||||||||||||
| Ġermanja |
0 | |||||||||||||
| 26 ta' Ġunju - Kaiserslautern | ||||||||||||||
| Italja (ħs) |
2 | |||||||||||||
| Italja |
1 | |||||||||||||
| 30 ta' Ġunju - Amburgu | ||||||||||||||
| Awstralja |
0 | |||||||||||||
| Italja |
3 | |||||||||||||
| 26 ta' Ġunju - Kolonja | ||||||||||||||
| Ukrajna |
0 | |||||||||||||
| Żvizzera |
0 (0) | |||||||||||||
| 9 ta' Lulju - Berlin | ||||||||||||||
| Ukrajna (pen) |
0 (3) | |||||||||||||
| Italja (pen) |
1 (5) | |||||||||||||
| 25 ta' Ġunju - Stokkarda | ||||||||||||||
| Franza |
1 (3) | |||||||||||||
| Ingilterra |
1 | |||||||||||||
| 1 ta' Lulju - Gelsenkirchen | ||||||||||||||
| Ekwador |
0 | |||||||||||||
| Ingilterra |
0 (1) | |||||||||||||
| 25 ta' Ġunju - Nuremberga | ||||||||||||||
| Portugall (pen) |
0 (3) | |||||||||||||
| Portugall |
1 | |||||||||||||
| 5 ta' Lulju - Munich | ||||||||||||||
| Olanda |
0 | |||||||||||||
| Portugall |
0 | |||||||||||||
| 27 ta' Ġunju - Dortmund | ||||||||||||||
| Franza |
1 | It-Tielet post | ||||||||||||
| Brażil |
3 | |||||||||||||
| 1 ta' Lulju - Frankfurt | 8 ta' Lulju - Stokkarda | |||||||||||||
| Gana |
0 | |||||||||||||
| Brażil |
0 | Ġermanja |
3 | |||||||||||
| 27 ta' Ġunju - Hanover | ||||||||||||||
| Franza |
1 | Portugall |
1 | |||||||||||
| Spanja |
1 | |||||||||||||
| Franza |
3 | |||||||||||||
[editja] L-Aħħar Sittax
| 24 ta' Ġunju 2006 17:00 |
Ġermanja |
2 – 0 | Żvezja |
FIFA WM Stadion München, Munich Attendenza: 66,000 Referi: Carlos Eugênio Simon (Brażil) |
|---|---|---|---|---|
Podolski  4' 12' |
Rapport |
| 24 ta' Ġunju 2006 21:00 |
Arġentina |
2 – 1 (ħs) | Messiku |
Zentralstadion, Leipzig Attendenza: 43,000 Referi: Massimo Busacca (Żvizzera) |
|---|---|---|---|---|
| Crespo 10' Rodríguez 98' |
Rapport | Márquez 6' |
| 25 ta' Ġunju 2006 17:00 |
Ingilterra |
1 – 0 | Ekwador |
Gottlieb-Daimler-Stadion, Stuttgart Attendenza: 52,000 Referi: Frank de Bleeckere (Belġju) |
|---|---|---|---|---|
| Beckham 60' |
Rapport |
| 25 ta' Ġunju 2006 21:00 |
Portugall |
1 – 0 | Olanda |
Frankenstadion, Nuremberga Attendenza: 41,000 Referi: Valentin Ivanov (Russja) |
|---|---|---|---|---|
| Maniche 23' |
Rapport |
| 26 ta' Ġunju 2006 17:00 |
Italja |
1 – 0 | Awstralja |
Fritz Walter Stadion, Kaiserslautern Attendenza: 46,000 Referi: Luis Medina Cantalejo (Spanja) |
|---|---|---|---|---|
| Totti 90+5' (pen) |
Rapport |
| 26 ta' Ġunju 2006 21:00 |
Żvizzera |
0 – 0 (ħs) | Ukrajna |
FIFA WM Stadion Köln, Kolonja Attendenza: 45,000 Referi: Benito Archundia (Messiku) |
|---|---|---|---|---|
| Rapport |
| Penalties | ||||
Streller  Barnetta Cabanas |
0 – 3 | Shevchenko Milevskiy Rebrov Gusev |
||
| 27 ta' Ġunju 2006 17:00 |
Brażil |
3 – 0 | Gana |
FIFA WM Stadion Dortmund, Dortmund Attendenza: 65,000 Referi: Ľuboš Micheľ (Slovakkja) |
|---|---|---|---|---|
| Ronaldo 5' Adriano 45+1'Zé Roberto 84' |
Rapport |
| 27 ta' Ġunju 2006 21:00 |
Spanja |
1 – 3 | Franza |
FIFA WM Stadion Hannover, Hanover Attendenza: 43,000 Referi: Roberto Rosetti (Italja) |
|---|---|---|---|---|
| David Villa 28' (pen) |
Rapport | Ribéry 41' Vieira 83'Zidane 90+2' |
[editja] Kwarti tal-finali
| 30 ta' Ġunju 2006 17:00 |
Ġermanja |
1 – 1 (ħs) | Arġentina |
Olympiastadion, Berlin Attendenza: 72,000 Referi: Ľuboš Micheľ (Slovakkja) |
|---|---|---|---|---|
| Klose 80' |
Rapport | Ayala 49' |
| Penalties | ||||
| Neuville Ballack Podolski Borowski |
4 – 2 | Cruz Ayala Rodríguez Cambiasso |
||
| 30 ta' Ġunju 2006 21:00 |
Italja |
3 – 0 | Ukrajna |
FIFA WM Stadion Hamburg, Amburgu Attendenza: 50,000 Referi: Frank de Bleeckere (Belġju) |
|---|---|---|---|---|
| Zambrotta 6' Toni 59', 69' |
Rapport |
| 1 ta' Lulju 2006 17:00 |
Ingilterra |
0 – 0 (ħs) | Portugall |
FIFA WM Stadion Gelsenkirchen, Gelsenkirchen Attendenza: 52,000 Referi: Horacio Elizondo (Arġentina) |
|---|---|---|---|---|
| Rapport |
| Penalties | ||||
| Lampard Hargreaves Gerrard Carragher |
1 – 3 | Simão Viana Petit Postiga Ronaldo |
||
| 1 ta' Lulju 2006 21:00 |
Brażil |
0 – 1 | Franza |
FIFA WM Stadion Frankfurt, Frankfurt Attendenza: 48,000 Referi: Luis Medina Cantalejo (Spanja) |
|---|---|---|---|---|
| Rapport | Henry 57' |
[editja] Semifinali
| 4 ta' Lulju 2006 21:00 |
Ġermanja |
0 – 2 (ħs) | Italja |
FIFA WM Stadion Dortmund, Dortmund Attendenza: 65,000 Referi: Benito Archundia (Messiku) |
|---|---|---|---|---|
| Rapport | Grosso 119' Del Piero 120+1' |
| 5 ta' Lulju 2006 21:00 |
Portugall |
0 – 1 | Franza |
FIFA WM Stadion München, Munich Attendenza: 66,000 Referi: Jorge Larrionda (Urugwaj) |
|---|---|---|---|---|
| Rapport | Zidane 33' (pen) |
[editja] Finali għat-tielet post
| 8 ta' Lulju 2006 21:00 |
Ġermanja |
3 – 1 | Portugall |
Gottlieb-Daimler-Stadion, Stuttgart Attendenza: 52,000 Referi: Toru Kamikawa (Ġappun) |
|---|---|---|---|---|
| Schweinsteiger 56' 78' Petit 60' (awt) |
Rapport | Nuno Gomes 88' |
[editja] Finali
Biex tapprofondixxi, ara l-artiklu: Finali tat-Tazza tad-Dinja tal-Futbol 2006.| 9 ta' Lulju 2006 20:00 |
Italja |
1 – 1 (ħs) | Franza |
Olympiastadion, Berlin Attendenza: 69,000 Referi: Horacio Elizondo (Arġentina) |
|---|---|---|---|---|
| Materazzi 19' |
Rapport | Zidane 7' (pen) |
| Penalties | ||||
| Pirlo Materazzi De Rossi Del Piero Grosso |
5 – 3 | Wiltord Trezeguet Abidal Sagnol |
||
[editja] Rebbieħ
| Rebbieħ tat-Tazza tad-Dinja 2006 |
|---|
 Italja Ir-raba' titlu |
[editja] Unuri
Il-Grupp tal-Istudju Tekniku tal-FIFA għal kull partita ta l-unur tal-Plejer tal-Partita għal plejer partikulari. Andrea Pirlo tal-Italja rebaħ l-iktar numru ta' unuri tal-Plejer tal-Partita; total ta' tlieta. Miroslav Klose, Agustin Delgado, Arjen Robben, Zé Roberto, Alexander Frei, Michael Ballack, u Patrick Vieira kolla rċevew żewġ unuri.
[editja] Tim All Star
It-Tim All Star hi skwadra tat-23 plejer li l-aktar impressjonaw matul it-Tazza tad-Dinja 2006, kif ġew magħżula mill-Grupp tal-Istudju Tekniku tal-FIFA. It-tim finali ġie magħżul minn aktar minn 50 plejer nominat, u ġie magħżul skont il-prestazzjonijiet individwali mit-tieni rawnd 'il quddiem.[17]
| Gowlkipers | Difensuri | Midfilders | Attakkanti |
|---|---|---|---|
|
|
|
[editja] L-aqwa skorers
Miroslav Klose kien l-aqwa skorer tal-kampjonat u rċieva ż-Żarbuna tad-Deheb wara li skorja 5 gowls fit-Tazza tad-Dinja. Dan kien l-iżgħar numru ta' gowls skurjati mill-aqwa skorer tal-kampjonat tat-Tazza tad-Dinja minn meta sitt plejers spiċċaw b'total ta' erba' gowls fit-Tazza tad-Dinja 1962. Matul din l-edizzjoni 149 gowl ġew skurjati (erba' minnhom kien awtogowls).
[editja] Referenzi
- ^ The FIFA World Cup TV viewing figures (Ingliż) PDF. FIFA. Aċċessata nhar il-31 ta' Ottubru 2007.
- ^ FIFA acknowledges Brazil’s withdrawal from 2006 World Cup race (Ingliż), FIFA.com, 04-07-2000 (Aċċessata nhar il-29-03-2008).
- ^ FIFA World Cup 2006 : Results of First Two Rounds of Voting (Ingliż), FIFA.com, 06-07-2000 (Aċċessata nhar il-29-03-2008).
- ^ Call for World Cup re-vote (Ingliż), BBC Sport, 07-07-2000 (Aċċessata nhar il-25-06-2007).
- ^ S. Africa Confident of Blatter's Support to Host 2006 World Cup (Ingliż), People's Daily Online, 19-01-2000 (Aċċessata nhar il-25-06-2007).
- ^ FIFA World Cup 2006 : Results of First Two Rounds of Voting (Ingliż), FIFA.com, 06-07-2000 (Aċċessata nhar il-29-03-200).
- ^ FIFA president Blatter a big loser with Germany getting 2006 World Cup (Ingliż), Soccertimes.com (Aċċessata nhar il-07-08-2008).
- ^ The Hoax That Brought the World Cup to Germany (Ingliż), Spiegel Online, 17-01-2006 (Aċċessata nhar il-11-09-2008).
- ^ Record number of 204 teams enter preliminary competition (Ingliż), FIFA, 03-03-2007 (Aċċessata nhar il-29-03-2008).
- ^ Stadiums renamed for Fifa sponsors (Ingliż), BBC, 06-06-2006 (Aċċessata nhar il-29-03-2008).
- ^ FIFA Organising Committee approves team classifications and final draw procedure (Ingliż), FIFA.com, 06-12-2005 (Aċċessata nhar il-29-03-2008).
- ^ Wilson, Paul. An easy group? Draw your own conclusions (Ingliż), The Observer, 11-12-2005 (Aċċessata nhar il-26-06-2006).
- ^ Group C Tactics Board (Ingliż). ESPNsoccernet (24-05-2006). Aċċessata nhar il-26-06-2006.
- ^ South African to learn lessons from Germany (Ingliż), The 2006 FIFA World Cup Germany, 09-07-2006 (Aċċessata nhar il-27-07-2006).
- ^ Zeigler, Mark. World Cup quarterfinals (Ingliż), Union Tribune, 30-06-2006 (Aċċessata nhar il-31-03-2008).
- ^ Who's to blame for Cup card frenzy?, BBC Sport, 26-06-2006 (Aċċessata nhar il-23-07-2006).
- ^ Associated Press. France, Italy dominate World Cup all-star squad (Ingliż), CBC, 07-07-2006 (Aċċessata nhar il-11-08-2006).
[editja] Ħoloq esterni
