Roland Linz

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Roland Linz
Roland Linz.JPG
Informazzjoni personali
Isem sħiħ Roland Linz
Twelid 9 ta' Awwissu 1984 (1984-08-09) (30 sena)
Leoben
Pajjiż Bandiera tal-Awstrija Awstrija
Tul 1.85 m
Rwol Attakkant
Informazzjoni fuq il-klabb
Klabb kurrenti Austria Wien
Numru 9
Klabbs ġovanili
1995–1997 Leoben
1997–1999 1860 Munich
Klabbs professjonali*
Snin Klabb Preż Gwls
1999–2001 Leoben 53 (27)
2001–2006 Austria Wien 81 (26)
2003–2004 Admira Mödling (self) 31 (15)
2004 Nice (self) 15 (0)
2005 Sturm Graz (self) 13 (4)
2006–2007 Boavista 28 (10)
2007–2009 Braga 33 (11)
2009 Grasshoppers (self) 16 (7)
2009–2010 Gaziantepspor 5 (0)
2010–2013 Austria Wien 79 (39)
2013– Muangthong United 19 (9)
Tim nazzjonali
2002– Awstrija 39 (8)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 19:21, 4 April 2011 (UTC)

Roland Linz (Leoben, 9 ta' Awwissu 1984) huwa plejer tal-futbol Awstrijakk li jilgħab mal-klabb Tajlandjiż ta' Muangthong United bħala attakkant.

Karriera[editja]

Linz beda l-karriera fil-futbol mal-klabb tal-lokal, DSV Leoben. Ta' ħmistax-il sena ittrasferixxa l-Ġermanja, fejn kompla l-avventura tiegħu mal-klabb Bavarjan ta' TSV 1860 München.

Sentejn wara, Linz reġa' rritorna lura ma' DSV Leoben, fejn fis-sentejn ta' wara skorja 27 gowl fi 53 logħba. Il-forma tajba tiegħu fit-tieni diviżjoni kienet biżżejjed biex fl-2001 Austria Wien akkwistaw il-firma tiegħu. Mal-klabb mill-belt kapitali Awstrijaka, Linz gawda mill-ewwel suċċessi fejn rebaħ il-Bundesliga u t-Tazza. Wara sentejn fejn ġie misluf lil tliet timijiet differenti, Linz irritorna lura ma' Austria Wien fejn din id-darba reġa' rebaħ iż-żewġ titli kif ukoll kien ir-rebbieħ tal-klassifika tal-aqwa skorers. Kien f'dan iż-żmien li Linz stabilixxa ruħu mat-tim nazzjonali.

Wara prestazzjonijiet eklatanti kemm fuq bażi ta' klabb kif ukoll man-nazzjonal, Linz eventwalment iffirma ma' Boavista fil-Portugall matul is-sajf tal-2006 fejn iffirma kuntratt ta' tliet snin. Fl-ewwel staġun skorja għaxar gowls, u sussegwentament ingħaqad ma' Braga. Ma' Braga barra li skorja ħdax-il gowl fil-kampjonat, sab ix-xibka ħames darbiet oħra fit-Tazza UEFA 2007–08. Wara li tilef l-importanza tiegħu mal-iskwadra ta' Braga, hu ġie msellef f'Jannar tal-2009 lil Grasshopper Club Zürich. L-ewwel logħba tiegħu kienet fid-derby ta' Żurigu kontra FC Zürich, fejn skorja gowl però safa mkeċċi wara żewġ ammonizzjonijiet.

Wara esperjenza fit-Turkija ma' Gaziantepspor hu reġa' rritorna lura lejn art twelidu u ma' Austria Wien fl-2010.

Internazzjonali[editja]

Linz iddebutta mat-tim nazzjonali Awstrijakk fir-rebħa ta' 2–0 kontra s-Slovakkja tas-27 ta' Marzu, 2002. F'Settembru 2007, Linz għamel sfog pubbliku kontra l-president tal-federazzjoni Awstrijaka Friedrich Stickler u ħabba f'hekk spiċċa barra mis-selezzjoni għal tmintax-il xahar. Hu ġie magħżul mal-iskwadra għall-Kampjonati Ewropej 2008, fejn lagħab fit-tliet partiti tal-grupp minkejja li qatt ma sab ix-xibka.

Unuri[editja]

Klabb[editja]

Awstrija Austria Wien

Ħoloq esterni[editja]