Premier League Malti

BOV Premier League

Staġun jew kompetizzjoni attwali: Premier League Malti 2012–13
Premier League Malti
Sport	Futbol
Fundazzjoni	1909
Nru. ta' timijiet	12
Reġjun	Malta
Ċampjin attwali	Birkirkara (2012–13)
L-aktar rebħiet	Sliema Wanderers (26 titlu)
Sit elettroniku	MFA.com.mt
Relegazzjoni għal	L-Ewwel Diviżjoni

Il-Premier League Malti, magħruf aħjar bħala l-BOV Premier League għal raġunijiet ta' sponsorizzazzjoni, huwa l-ogħla livell tal-futbol Malti. Dan huwa organizzat mill-Malta Football Association u ilu jintlagħab mill-1909. Fis-sistema tal-futbol Malti, relegazzjoni minn dan il-kampjonat twassal għall-Ewwel Diviżjoni.

Qabel l-1980, dan il-livell tal-futbol Malti kien magħruf bħala L-Ewwel Diviżjoni. Madanakollu, dan ġie msemmi mill-ġdid għal Premier League fejn għadu hekk sal-lum, sabiex it-titlu tal-Ewwel Diviżjoni ttieħed mil-livell subordinat (preċedentament magħruf bħala It-Tieni Diviżjoni). Skont il-koeffiċjenti tal-UEFA, dan il-kampjonat huwa kklassifikat bħala l-44 l-iktar kompetittiv fost il-membri ta' din il-konfederazzjoni.

Storja

L-istorja tal-futbol f'Malta tmur lura lejn in-nofs tas-seklu 19 grazzi għall-Ingliżi, minħabba li Malta kienet kolonja tagħhom. Madanakollu, il-logħob kien biss logħob ta' ħbiberija. L-ewwel kampjonat Malti ntlagħab fl-1909–10 u kien jikkonsisti bejn ħames timijiet, bir-rebbieħ tal-ewwel edizzjoni jkun it-tim ta' Floriana. Is-sena ta' wara ma nżamm l-ebda kampjonat, biex b'hekk it-tieni edizzjoni saret fl-istaġun 1911–12. Għal darb'oħra kien it-tim Furjaniż li kiseb it-titlu nazzjonali, tragward li reġa' rrepeta s-sena ta' wara, fejn fiż-żewġ okkażjonijiet ħalla dejjem lil warajh lit-tim tal-Ħamrun.

Kien fil-fatt it-tim Ħamruniż li temm is-sekwenza ta' tliet titli konsekuttivi tat-tim tal-Floriana meta kiseb it-titlu fl-1914. Wara serje ta' kampjonati qabel u matul l-Ewwel Gwerra Dinjija li ma rat l-ebda dominju minn xi tim partikulari, fl-istaġun 1919–20 wasal l-ewwel titlu nazzjonali għal Sliema Wanderers. Flimkien mal-Floriana, is-Sliema ffurmaw dwett imbattibbli fil-kampjonat fejn sal-1940, is-Slimiżi ħadu 11-il titlu waqt li l-Furjaniżi ġabu 9 titli.

Fi tmiem il-gwerra ħareġ avversarju ġdid fit-tiġrja għat-titlu, Valletta, li rnexxielu jwaqqaf il-predominanza taż-żewġ timijiet "kbar" ta' dak iż-żmien, fejn f'erba' snin rebaħ tliet titli. Mill-1948 reġa' ħareġ għad-dawl id-dwett ta' Sliema-Furjana b'10 titli bejniethom (4 għas-Sliema u 6 għall-Floriana).

Fis-snin sittin ra realtà ġdida fil-kamp tal-futbol Malti hekk kif it-tim minn Raħal Ġdid, Hibernians, f'dak id-deċennju kiseb tliet titli. Bejn l-1978 u l-1988, għal ħdax-il staġun, Sliema Wanderers u Floriana naqsu li jżidu trofej oħra mal-vetrina tal-unuri. Fil-fatt kienu Valletta (3 darbiet), Hibernians (3 darbiet), Ħamrun Spartans (3 darbiet), u Rabat Ajax (darbtejn) li kisbu t-titlu nazzjonali.

Fl-istaġun 2005–06 ra lil Sliema Wanderers jitilgħu fl-ewwel post għan-numru ta' tliet nazzjonali mirbuħa, wara r-rebħ tal-kampjonat. Dan poġġiehom b'titlu vantaġġ fuq il-Floriana. Il-millenju l-ġdid wassal ukoll għall-ewwel rebħiet tal-kampjonat nazzjonali lil Birkirkara u lil Marsaxlokk.

Format

Dan il-kampjonat jikkonsisti minn sett ta' tnax-il tim, skont it-tibdliet li ġew introdotti fil-bidu tas-sena 2011, u jinqasam f'żewġ fażijiet. L-istaġun, li jibda minn Awwissu u jintemm fix-xahar ta' Mejju, jingħata l-bidu tiegħu permezz tal-ewwel rawnd fejn kull tim jilgħab kontra t-timijiet l-oħra għal darbtejn. Meta kull tim ikun lagħab 18-il logħba d-diviżjoni tinqasam fi tnejn u l-punti jinqasmu bin-nofs. Dawk li jkunu spiċċaw fl-ewwel sitt postijiet fl-ewwel rawnd jidħlu fiċ-Championship Pool u l-aħħar erbgħa jilgħabu fir-Relegation Pool.

L-ewwel tliet postijiet fil-kampjonat jaffettwaw il-post li jingħata fil-kompetizzjoni tal-UEFA. Ir-rebbieħa tal-kampjonat jidħlu fl-ewwel rawnd ta' kwalifika tal-UEFA Champions League, waqt li dawk li jikklassifikaw fit-tieni u fit-tielet post jieħdu sehem fl-ewwel rawnd ta' kwalifika tal-UEFA Europa League. L-aħħar żewġ timijiet mir-Relegation Pool jiġu relegati għall-Ewwel Diviżjoni. Barra minn hekk, klabb ieħor jikkwalifika awtomatikament għat-tieni rawnd ta' kwalifikazzjoni għall-Europa League bir-rebħ tal-U*BET FA Trophy.

Klabbs

Biex tapprofondixxi, ara l-artiklu: Lista ta' klabbs tal-Premier League Malti.

Il-lista segwenti ta' tnax-il tim huma dawk li se jikkompetu fl-istaġun 2012–13.

Klabb	Pożizzjoni fl-2011–12	L-ewwel staġun fl-ogħla diviżjoni	L-aħħar staġun fl-ogħla diviżjoni	Numru ta' staġuni fl-ogħla diviżjoni	Titli tal- ogħla diviżjoni	L-aħħar titlu tal- ogħla diviżjoni
Balzan Youths	0066	2003–04	2011–12	2	—	—
Birkirkara	0033	1949–50	2011–12	48	3	2009–10
Floriana	0044	1909–10	2011–12	86	25	1992–93
Ħamrun Spartans	01010	1911–12	2011–12	75	7	1990–91
Hibernians	0022	1932–33	2011–12	72	10	2008–09
Melita	0111 (L-Ewwel Diviżjoni)	1938–39	1963–64	8	—	—
Mosta	0088	1974–75	2011–12	5	—	—
Qormi	0077	1934–35	2011–12	11	—	—
Rabat Ajax	0122 (L-Ewwel Diviżjoni)	1951–52	2000–01	26	2	1985–86
Sliema Wanderers	0055	1909–10	2011–12	92	26	2004–05
Tarxien Rainbows	0099	1986–87	2011–12	7	—	—
Valletta	0011	1911–12	2011–12	90	21	2011–12

Rebbieħa

1909–10 Floriana 1910–11 Ma saret l-ebda kompetizzjoni 1911–12 Floriana 1912–13 Floriana 1913–14 Ħamrun Spartans 1914–15 Valletta United 1915–16 Ma saret l-ebda kompetizzjoni 1916–17 St. Georges 1917–18 Ħamrun Spartans 1918–19 King's Own Malta Regiment 1919–20 Sliema Wanderers 1920–21 Floriana 1921–22 Floriana 1922–23 Sliema Wanderers 1923–24 Sliema Wanderers 1924–25 Floriana 1925–26 Sliema Wanderers 1926–27 Floriana 1927–28 Floriana 1928–29 Floriana 1929–30 Sliema Wanderers 1930–31 Floriana 1931–32 Valletta United 1932–33 Sliema Wanderers 1933–34 Sliema Wanderers

1934–35 Floriana 1935–36 Sliema Wanderers 1936–37 Floriana 1937–38 Sliema Wanderers 1938–39 Sliema Wanderers 1939–40 Sliema Wanderers 1940–44 Ma saritx minħabba l-gwerra 1944–45 Valletta 1945–46 Valletta 1946–47 Ħamrun Spartans 1947–48 Valletta 1948–49 Sliema Wanderers 1949–50 Floriana 1950–51 Floriana 1951–52 Floriana 1952–53 Floriana 1953–54 Sliema Wanderers 1954–55 Floriana 1955–56 Sliema Wanderers 1956–57 Sliema Wanderers 1957–58 Floriana 1958–59 Valletta 1959–60 Valletta 1960–61 Hibernians 1961–62 Floriana

1962–63 Valletta 1963–64 Sliema Wanderers 1964–65 Sliema Wanderers 1965–66 Sliema Wanderers 1966–67 Hibernians 1967–68 Floriana 1968–69 Hibernians 1969–70 Floriana 1970–71 Sliema Wanderers 1971–72 Sliema Wanderers 1972–73 Floriana 1973–74 Valletta 1974–75 Floriana 1975–76 Sliema Wanderers 1976–77 Floriana 1977–78 Valletta 1978–79 Hibernians 1979–80 Valletta 1980–81 Hibernians 1981–82 Hibernians 1982–83 Ħamrun Spartans 1983–84 Valletta 1984–85 Rabat Ajax 1985–86 Rabat Ajax 1986–87 Ħamrun Spartans

1987–88 Ħamrun Spartans 1988–89 Sliema Wanderers 1989–90 Valletta 1990–91 Ħamrun Spartans 1991–92 Valletta 1992–93 Floriana 1993–94 Hibernians 1994–95 Hibernians 1995–96 Sliema Wanderers 1996–97 Valletta 1997–98 Valletta 1998–99 Birkirkara 1999–00 [Valletta FC|Valletta]] 2000–01 Valletta 2001–02 Hibernians 2002–03 Sliema Wanderers 2003–04 Sliema Wanderers 2004–05 Sliema Wanderers 2005–06 Birkirkara 2006–07 Marsaxlokk 2007–08 Valletta 2008–09 Hibernians 2009–10 Birkirkara 2010–11 Valletta 2011–12 Valletta 2012–13 Birkirkara

Prestazzjonijiet skont il-klabb

2012-13 Birkirkara

Titli	Klabb
26	Sliema Wanderers
25	Floriana
21	Valletta
10	Hibernians
7	Ħamrun Spartans
3	Birkirkara
2	Rabat Ajax
1	King's Own Malta Regiment†
1	Marsaxlokk
1	St. Georges

† M'għadux jeżisti

Ħoloq esterni

• Il-kampjonat domestiku fuq UEFA.com