Patrice Evra

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Patrice Evra
Patrice Evra Euro 2012.jpg
Patrice Evra ma' Franza fl-Euro 2012
Informazzjoni personali
Isem sħiħ Patrice Evra
Twelid 15 ta' Mejju 1981 (1981-05-15) (33 sena)
Dakar
Pajjiż Bandiera tas-Senegal Senegal
Nazzjonalità Bandiera ta' Franza Franza
Tul 1.75 m
Rwol Difensur
Informazzjoni fuq il-klabb
Klabb kurrenti Manchester United
Numru 3
Klabbs ġovanili
1993–1997 CSF Brétigny
1997–1998 Paris Saint-Germain
Klabbs professjonali*
Snin Klabb Preż Gwls
1998–1999 Marsala 24 (3)
1999–2000 Monza 3 (0)
2000–2002 Nice 40 (1)
2002–2006 AS Monaco 120 (2)
2006– Manchester United 233 (7)
Tim nazzjonali
2004– Franza 48 (0)
* Il-preżenzi u l-gowls fil-karriera professjonali huma validi biss għall-kampjonat domestiku.
Aġġornament: 07:59, 30 Awwissu 2013 (UTC)

Patrice Evra (Dakar, 15 ta' Mejju 1991) huwa futboler Franċiż li jilgħab mat-tim tal-Premiership Manchester United.

Tifel ta' diplomat, Evra wasal fl-Ewropa fi Brussell mis-Senegal meta kellu sitt snin. Hu kien jgħix f'Les Ulis, Esonne, fi Franza fejn għex ma' familtu bejn l-1984 u l-1998 qabel ma kiseb l-ewwel opportunitajiet tal-futbol mat-tim Sqalli ta' Marsala. Hu kien jilgħab fl-ewwel snin mal-plejer famuż Thierry Henry, fejn huma jikkunsidraw lilhom infushom bħala ħbieb tat-tfulija.

Karriera[editja]

Bidu tal-karriera[editja]

Matul iż-żgħożija tiegħu, Evra beda l-karriera tiegħu bħala attakkant mas-sistemà ġovanili ta' Paris Saint-Germain. Minkejja li qatt ma rċieva kuntratt professjonali, hu ġie fl-attenzjoni ta' tim Taljan żgħir ta' Marsala, fejn hemmhekk irċieva kuntratt mal-klabb. B'total ta' 27 apparenza mat-tim, Evra skorja 6 gowls. L-istaġun ta' wara hu sab lilu nnifsu mat-tim ta' Monza fis-Serie B, imma għamel biss 3 apparenzi.

Nice[editja]

Evra irritorna Franza ma' OGC Nice fil-Ligue 2. Fl-ewwel partiti hu lagħab bħala attakkant ċentrali. Minħabba plejers nieqsa fil-klabb, hu ntlagħab fil-pożizzjoni xellugija tad-difiża fil-logħba kontra Stade Lavallois. Il-partiti li segwew wara, il-kowċ Sandro Salvioni uża' lil Evra fid-difiża. Matul il-kumplament tal-istaġun, Salvioni baqa' jalterna lil Evra bejn iż-żewġ pożizzjonijiet. Evra ġie magħżul bħala l-aqwa difensur xellugi ta' Ligue 2.

Monaco[editja]

AS Monaco kienu impressjonati bil-ħiliet difensivi ta' Evra, u b'hekk huma xtrawh minn Nice għal somma indiskussa mill-kowċ Didier Deschamps. Hu sar mal-ewwel plejer regulari fid-difiża flimkien ma' Lucas Bernardi, Gaël Givet, u Julien Rodriguez. Fl-ewwel staġun mal-klabb, Monaco laħqu l-finali tal-UEFA Champions League, però tilfu 3–0 kontra FC Porto. Il-prestazzjonijiet tiegħu tawh sejħa mat-tim nazzjonali Franċiż.

Fl-2005, Evra kien imsejjaħ biex ikun kaptan għal diversi okkażżjonijiet. Monaco batew fl-istaġun li segwa fejn kienu eliminati fil-fażi ta' kwalifikazzjoni tal-UEFA Champions League 2005–06 u kienu viċin l-aħħar postijiet ta' Ligue 1 għall-biċċa l-kbira tal-istaġun.

Manchester United[editja]

Patrice Evra wara partita kontra Arsenal

Evra iffirma kuntratt ta' 3 snin u nofs ma' United fl-10 ta' Jannar 2006, fejn ingħaqad għal somma ta' madwar £5.5 miljun minn AS Monaco.[1] Ftit jiem qabel kien għadu kemm iffirma mat-tim ta' Old Trafford, Nemanja Vidić. Il-wasla ta' Evra għenet lid-difiża ta' Sir Alex Ferguson li kienet sofriet wara li Gabriel Heinze kien barra mil-logħob.

Hu ddebutta għal Manchester United fl-14 ta' Jannar 2006 fit-telfa ta' 3–1 kontra Manchester City fil-Premier League. Hu għamel l-ewwel dehra f'Old Trafford kontra Liverpool fit-22 ta' Jannar 2006 f'rebħa ta' 1-0. Evra inizzjalment kellu problemi biex jadatta għal-logħba Ingliża, imma man-nofs tal-istaġun 2006–07 il-forma tiegħu tjiebet u stabbilixxa lilu nnifsu bħala plejer regulari mat-tim. Fid-29 ta' Novembru 2006, hu skorja l-ewwel gowl mal-klabb fil-partita tal-Premiership kontra Everton f'Old Trafford. Wara xi żmien barra mill-iskwadra, Evra irritorna mat-tim fl-10 ta' April 2007 fil-partita taċ-Champions League kontra AS Roma, fejn ikkontribwixxa għal rebħa kbira ta' 7–1. Minħabba l-prestazzjoni solida fl-istaġun 2006–07, hu kien magħżul fost it-Tim tas-Sena tal-PFA.

Matul l-istaġun 2007–08, Evra sar figura importanti fid-difiża ta' Manchester United. Minkejja li għamel 46 apparenza fil-kompetizzjonijiet kollha, l-akbar numru fil-karriera, hu ma rnexxielux jiskorja gowl. United kisbu t-tieni titlu konsekuttiv tal-Premier League fl-aħħar ġurnata tal-kampjonat. Hu għamel 10 apparenzi għal United fiċ-Champions League, fosthom preżenza fil-finali mirbuħa minn United kontra Chelsea. Fit-12 ta' Ġunju 2008, Evra iffirma estinzjoni tal-kuntratt għal erba' snin, fejn b'hekk se jżommu f'Old Trafford sal-2012.[2]

Nhar il-5 ta' Diċembru 2008, Evra ingħata sospensjoni ta' erba' logħbiet — li kellha tibda mit-22 ta' Diċembru — flimkien ma' multa ta' £15,000 wara li nstab ħati ta' kondotta mhux xierqa mill-Football Association. Din il-multa ngħatat minħabba disgwit li qam wara l-partita kontra Chelsea ta' nhar is-26 ta' April 2008.[3]

Internazzjonali[editja]

Fil-Kampjonati Ewropej 2008 Evra ma pparteċipax fl-ewwel partita tat-tim Franċiż kontra r-Rumanija fejn akkomoda lill-plejer ta' Barcelona Eric Adibal. Fit-tieni partita kontra l-Olanda, wara pari deludanti ta' 0–0 kontra r-Rumanija, Franza tilfu bl-iskor ta' 4–1 f'konfront emozzjonanti. L-aħħar logħba tal-grupp kienet kontra l-Italja. Franza tilfu 2–0 u sfaw eliminati fil-fażi tal-gruppi.

Unuri[editja]

Klabb[editja]

Franza AS Monaco

Ingilterra Manchester United

Referenzi[editja]

  1. ^ (Ingliż) Evra completes Man Utd transfer. BBC Sport, 10-01-2006. Aċċess tal-URL: 16-05-2008.
  2. ^ (Ingliż) Evra puts pen to paper. ManUtd.com, 12-06-2008. Aċċess tal-URL: 12-06-2008.
  3. ^ (Ingliż) Evra banned and fined by FA. Sky Sports, 05-12-2008. Aċċess tal-URL: 05-12-2008.

Ħoloq esterni[editja]