Oreste Chircop

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
OresteChircop.jpg

'Oreste Kirkop (Ħamrun, 26 ta' Lulju 1923San Ġwann, 10 ta' Mejju 1998) kien tenur u attur Malti magħruf l-aktar għall-film ta' Hollywood The Vagabond King.

Karriera operistika[editja]

Chircop beda l-karriera operistika tiegħu fl-1945 fir-Radio City Opera House tal-Ħamrun bil-karattru Turiddu fil-Cavalleria Rusticana. Fil-ħames snin ta' wara ħadem mas-60 rwol ta' tenur, ammont li l-ebda tenur ieħor ma qabeż, f'għaxar opri differenti. Huwa kien ikanta l-opra mal-kumpaniji Taljani li kienu jiġu Malta u kanta ma' Tito Gobbi u Maria Caniglia.

Fl-1950 mar l-Ingilterra u kellu partijiet ewlenin ta' tenur mal-Carl Rosa Opera Company, u wara ma' Sadler's Wells (1952) fejn għamel il-partijiet ta' Turiddu, Mario Cavaradossi, u Rodolfo in Luisa Miller. Huwa deher fuq il-BBC TV bħala Canio f' Pagliacci.

Fl-1954 Chircop għamel id-debutt tiegħu fir-Royal Opera House Covent Garden bħala d-Duka fir-Rigoletto u wara bħala Rodolfo f' La bohème.

The Vagabond King (1956)[editja]

Paramount Pictures ta' Hollywood rabtitu b'kuntratt ta' Lm10,000 biex ikanta fil-parti ewlenija ta' François Villon f' The Vagabond King li kien ukoll l-ewwel film musical tiegħu fl-1956. Dan kien l-uniku film ta' Hollywood għal Chircop minkejja li xi kritiċi kienu wissew lil Mario Lanza, li f'dak iż-żmien kien fl-aqwa tiegħu, biex joqgħod attent minn dan ir-rivali ġdid.Flimkien ma' Kathryn Grayson, Oreste ha sehem.

L-aħħar snin tal-karriera[editja]

Wara The Vagabond King, Chircop kanta l-opra f'Las Vegas u fil-Hollywood Bowl u deher fuq l-NBC TV fil-produzzjonijiet ta' Madame Butterfly, La traviata u Rigoletto. Fl-1958 irritorna Covent Garden u rtira Malta fl-1960 għal raġunijiet ta' saħħa li dak iż-żmien ma ssemmewx. Sentejn qabel miet, fl-1996, Chircop ħareġ double CD album b'41 track ta' opri u kant.

Ħoloq esterni[editja]