Opossum sufi ta' Derby

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Opossum sufi ta' Derby
Caluromys philander Schreber.jpg
Klassifikazzjoni xjentifika
Renju: Animalia
Phylum: Chordata
Klassi: Mammalia
Sottoklassi: Theria
Infraklassi: Metatheria
Superordni: Ameridelphia
Ordni: Didelphimorphia
(Gill,1872)
Familja: Didelphidae
(Gray,1821)
Sottofamilja: Caluromyinae
Ġeneru: Caluromys
(J.A. Allen, 1900)
Speċi: C. derbianus
Isem binominali
Caluromys derbianus
(Waterhouse,1841)
Sottospeċijiet
Firxa Caluromys derbianus.PNG
Firxa ta' l-Opossum sufi ta' Derby Caluromys derbianus


L-Opossum sufi ta' Derby, magħruf xjentifikament bħala Caluromys derbianus, huwa mammiferu marsupjal tal-familja Didelphidae (didelfidu), fl-ordni Didelphimorphia (didelfimorfju), nattiv tal-kontinenti Amerikani b' firxa minn Nofsinhar tal-Messiku sa fit-Tramuntana tal-Ekwador.

Dan l-opossum sufi ġeneralment jippreferi jgħix f' abitat ta' foresti primarji (għalkemm jisab ukoll f' dawk sekondarji), kemm dawk dejjem ħodor kif ukoll dawk li jwaqqgħu l-weraq u mal-firxa vasta li għandu, huwa jinsab fi stat kemm minn dak ta' lokalment komuni, sa dak ta' mhux komuni f' inħawi oħra.

Bħal kull membru tal-ġeneru Caluromys, l-Opossum sufi ta' Derby huwa annimal strettament siġri (jgħix fis-siġar), għandu il-kwozjent tal-enċefalizazzjoni (il-massa ċelebrali mmqabla fi proporzjon mal-massa tal-ġisem) ta' rata aktar għolja minn dik tal-opossumi l-oħrajn, botna iżgħar u denb twil u tqil ħafna f' aktar minn nofs it-tul kollu tiegħu.

Dieta[editja]

L-Opossum sufi ta' Derby huwa annimal omnivoru u d-dieta tiegħu tikkonsisti minn frott, żrieragħ, weraq, ħxejjex rotob, insetti, annimali invertebrati żgħar u possibilment annimali mejta jew fi stat ta' dekompożizzjoni ukoll.

Distribuzzjoni[editja]

Dan l-opossum għandu distribuzzjoni ma' bosta pajjiżi fin-Nofsinhar tal-kontinent tal-Amerika ta' fuq , fl-Amerika ċentrali u fit-Tramuntana tal-kontinent tal-Amerika ta' isfel u jinsab fil-Beliże, Ekwador, Gwatemala, Ħonduras, Kolombja, Kosta Rika, Messiku, Nikaragwa u Panama.

Klassifikazzjoni[editja]

Referenzi[editja]

  • Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 3-18. ISBN 0-801-88221-4
  • John F. Eisenberg and Kent H. Redford, 2000. Mammals of Neotropics: Ecuador, Bolivia and Brazil.

Ħoloq Esterni[editja]