Opossum nanu mistur tal-Bolivja

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Opossum nanu mistur tal-Bolivja
Klassifikazzjoni xjentifika
Renju: Animalia
Phylum: Chordata
Klassi: Mammalia
Sottoklassi: Theria
Infraklassi: Metatheria
Superordni: Ameridelphia
Ordni: Didelphimorphia
(Gill,1872)
Familja: Didelphidae
(Gray,1821)
Sottofamilja: Didelphinae
Ġeneru: Cryptonanus
(Voss et al.,2005)
Speċi: C. unduaviensis
Isem binominali
Cryptonanus unduaviensis
(Tate, 1931)
Firxa ta' l-Opossum nanu mistur tal-Bolivja Cryptonanus unduaviensis

L-Opossum nanu mistur tal-Bolivja jew Opossum grazzjuż tal-Bolivja, magħruf xjentifikament bħala Cryptonanus unduaviensis, huwa mammiferu marsupjal, tat-tribù Thylamyini, fil-familja Didelphidae (didelfidu), fl-ordni Didelphimorphia (didelfimorfju) u huwa wieħed mill-opossumi nani mistura, nativ tal-kontinent ta' l-Amerika ta' isfel.

Dan l-opossum nanu mistur huwa marsupjal b' abitudni notturna (attiv bil-lejl) b' attivita minima matul il-ġurnata. Cryptonanus unduaviensis jippreferi jgħix f' abitat ta' foresti tax-xita kemm subtropikali kif ukoll tropiklai umdi kif ukoll f' artijiet mistgħadra ("wetlands"). Dan huwa mammiferu primarjament arborju (jgħix fis-siġar), għalkemm jingħżel ma' l-art biex jiekol xi frott u jikaċċa l-insetti u biex jistkenn f' bejtiet fi zkukk vojta, fi xquq jew taħt il-ġebel u f' ħofor ġewwa l-bejtiet tan-nemel il-bojod jew termiti li huma magħmulin minn għoljiet tal-ħamrijja.

Dan il-marsupjal huwa wieħed mill' akbar fost l-ispeċi tal-ġeneru Cryptonanus u Opossum nanu mistur tal-Bolivja adult jikber bejn 86 u 121 millimetru eskluż id-denb ta' bejn 112 u 135 millimetru ieħor. Dan ikollu s-saqajn ta' wara bejn 15 u 19-il millimetru u l-widnejn bejn 14 u 18-il millimetru u jiżen minn 18 sa 40 gramma. Dan l-opossum nanu mistur normalment ikollu l-pil ta' lewn griż fil-kannella għalkemm dan jista jvarja u jkollu ton fil-ħamrani, filwaqt il-pil ta' taħt iż-żaqq li jkun ta' kwalita ifjen jista jkun ta' lewn griż jew griż car fil-bajdani.

Dieta[editja]

L-Opossum nanu mistur tal-Bolivja huwa marsupjal b' dieta omnivora, u tikkonsisti minn frott, insetti u annimali vertebrati u invertebrati żagħar oħra.

Distribuzjoni[editja]

Cryptonanus unduaviensis huwa speċi b' distribuzjoni kbira (it-tielet l' akbar fost l-ispeċi fil-ġeneru Cryptonanus) fil-kontinent ta' l-Amerika ta' isfel, mifrux fit-Tramuntana, fil-Grigal u fil-Lvant tal-Bolivja biss, fil-provinċi ta' Beni, Cochabamba, La Paz, Pando u Santa Cruz u b' hekk huwa speċi endemika tal-Bolivja.

Klassifikazjoni[editja]

Sinonimi[editja]

"Gracilinanus agilis unduaviensis" u "Gracilinanus unduaviensis" huma sinonimi jew l-istess bħal u jirreferu għal Cryptonanus unduaviensis ta' Tate, 1931.

Referenzi[editja]

  • Anderson, S. 1997. Mammals of Bolivia, taxonomy and distribution. Bulletin of the American Museum of Natural History 231:1-652.
  • Tate, G.H.H. 1931. Brief diagnoses of twenty-six apparently new forms of Marmosa (Marsupialia) from South America. American Museum Novitates 493:1–14.
  • Díaz, M.M., Flores, D.A. & Barquez, R.M. 2002. A New Species Of Gracile Mouse Opossum (Didelphimorphia: Didelphidae), From Argentina. Journal of Mammalogy 83(3):824-833, August 2002.
  • Voss, R.S., Lunde, D.P. & Jansa, S.A. 2005. On the Contents of Gracilinanus Gardner & Creighton, 1989, with the Description of a Previously Unrecognized Clade of Small Didelphid Marsupials. American Museum Novitates 3482:1-34, 25 juli 2005. Tista tara il- fajl hawn.

Link Esterni[editja]