Opossum ġurdiem ta' geddumu twil skur

Opossum ġurdiem ta' geddumu twil skur
Opossum ġurdiem ta' geddumu twil skur Caenolestes fuliginosus
Klassifikazzjoni xjentifika
Renju:	Animalia
Filu:	Chordata
Klassi:	Mammalia
Infraklassi:	Metatheria
Superordni:	Ameridelphia
Ordni:	Paucituberculata
Familja:	Caenolestidae
Ġeneru:	Caenolestes
Speċi:	C. fuliginosus
Isem binominali
Caenolestes fuliginosus Tomes, 1863
Sottospeċi
Caenolestes fuliginosus centralis Caenolestes fuliginosus fuliginosus Caenolestes fuliginosus obscurus Caenolestes fuliginosus tatei
Firxa ta' Caenolestes fuliginosus

L-Opossum ġurdiem ta' geddumu twil skur magħruf xjentifikament bħala Caenolestes fuliginosus, li jsibuh ukoll bħala Opposum ġurdiem ta' geddumu twil tal-ħarir, huwa marsupjal żgħir li jgħix fil-foresti alpini ta' l-Andi. Mis-6 speċi ta' l-ordni Paucituberculata, li għadhom ħajjin illum, dan huwa l-aktar Opossum ġurdiem ta' geddumu twil li hu magħruf u l-aktar wieħed li hemm tagħrif u informazzjoni dwaru.

Deskrizzjoni

Din l-ispeċi hija simili ħafna ta' l-ispeċi l-oħrajn li qegħdin miġburin fl-istess ġeneru {Caenolestes}.

L-opossum ġurdiem ta' geddumu twil skur għandu l-pil fin u folt ta' lewn kannella skur li jkanġi fl-iswed fuq id-dahr, filwaqt li jiċċara ħafna fin-naħa taż-żaqq. Il-wiċċ tawwali li ġej għall-ponta mgħammar b' par għajnejn ċkejknin.

Din l-ispeċi ta' opossum ġurdiem ta' geddumu twil tippreżenta fiha dimorfiżmu sessuali qawwi fejn in-nisa huma ta' daqs notevolment iżgħar. It-tul tar-ras u l-ġisem huwa bejn 90 u 140 millimetru u d-denb kważi għarwien kapaċi jilħaq jew iqarreb dan it-tul ukoll. Il-piż totali ta' l-irġiel ijvarja bejn 25 u 41 gramma filwaqt il-piż tan-nisa jvarja bejn 16.5 u 22.5 grammi u ma għandhomx marsupju.

Dieta

L-Opossum ġurdiem ta' geddumu twil skur huwa marsupjal b' dieta karnivora li tikkonsisti minn varjetà ta' insetti u annimali vertebrati u invertebrati żgħar.

Distribuzzjoni

Id-distribuzzjoni ta' dan il-marsupjal ta' l-Amerika ta' isfel hijs l-akbar fost l-ispeċi ta' dan l-ordni. L-opossum ġurdiem ta' geddumu twil skur qiegħed mifrux fil-boskijiet u fil-prateriji umdi, f' altitudni bejn 1,500 u 4,000 metru, fil-Peru, fl-Ekwador, fil-Kolombja, u fil-Venezwela, fejn jiċċaqlaq minn post għall-ieħor billi jħaffer mini taħt l-art.

Klassifikazzjoni

Opossum ġurdiem ta' geddumu twil skur jew Opposum ġurdiem ta' geddumu twil tal-ħarir hemm 4 sottospeċi, Caenolestes fuliginosus centralis, Caenolestes fuliginosus fuliginosus, Caenolestes fuliginosus obscurus u Caenolestes fuliginosus tatei.

• Ordni Paucituberculata
  • Familja Caenolestidae
    • Ġeneru Caenolestes
      • Speċi
      • Opossum ġurdiem ta' geddumu twil skur, Caenolestes fuliginosus
        • Sottospeċi
        • Caenolestes fuliginosus centralis (Tomes, 1863)
        • Caenolestes fuliginosus fuliginosus (Bublitz, 1987)
        • Caenolestes fuliginosus obscurus (Thomas, 1895)
        • Caenolestes fuliginosus tatei (Anthony, 1923)

Konservazzjoni

Din l-ispeċi, fil-lista l-ħamra ta' l-Unjoni Internazjonali għall-Konservazzjoni tan-Natura (IUCN red list) qegħda mmniżla bħala fi stat ta' riskju ta' estinzjoni baxx.

Referenzi

• New World Marsupial Specialist Group (1996). Caenolestes fuliginosus. 2006 IUCN Red List of Threatened Species. IUCN 2006. Retrieved on 12 May 2006.
• Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 19. ISBN 0-8018-8221-4.

Links Esterni

• Animal Diversity Web entry for Caenolestes fuliginosus
• MSW entry for Caenolestes fuliginosus
• Comparative Mammalian Brain Collections: Shrew opossum (Caenolestes fuliginosus)
• Caenolestes fuliginosus In: 2007 IUCN Red List of Threatened Species. IUCN 2007. Downloaded on 15 July 2008.