Ludovic Magnin
 |
|||
| Informazzjoni personali | |||
|---|---|---|---|
| Isem sħiħ | Ludovic Magnin | ||
| Twelid | 20 ta' April 1979 Lausanne |
||
| Pajjiż |  Żvizzera |
||
| Tul | 1.86 m | ||
| Rwol | Difensur | ||
| Informazzjoni fuq il-klabb | |||
| Klabb kurrenti | FC Zürich | ||
| Numru | 23 | ||
| Klabbs ġovanili | |||
| 1987–1996 | FC Echallens | ||
| 1996–1997 | Lausanne-Sports | ||
| Klabbs professjonali* | |||
| Snin | Klabb | Preż | Gwls |
| 1997–2000 | Yverdon Sport | 96 | (2) |
| 2000–2002 | Lugano | 47 | (0) |
| 2002–2005 | Werder Bremen | 45 | (4) |
| 2005–2009 | VfB Stuttgart | 103 | (2) |
| 2010– | FC Zürich | 15 | (0) |
| Tim nazzjonali | |||
| 2000–2010 | Żvizzera | 63 | (3) |
| * Il-preżenzi u l-gowls fil-karriera professjonali huma validi biss għall-kampjonat domestiku. Aġġornament: 14:22, 4 Settembru 2010 (UTC) |
|||
Ludovic Magnin (Lausanne, 20 ta' April 1979) hu plejer tal-futbol Żvizzeru li jilgħab ma' FC Zürich bħala difensur.
Werrej |
[editja] Bijografija
Imrobbi f'Echallens, fil-kantun ta' Vaud, qalb familja "miġnuna fuq il-futbol": missieru kien jilgħab fi klabb tal-ewwel diviżjoni waqt li ommu kienet fl-iskwadra femminili ta' pajjiżu. Hu hu miżżewweġ lil Chantale u għandu żewġt itfal, Nicos (twieled fl-2002) u Thierry (twieled fl-2006).
[editja] Karriera
[editja] Klabb
Beda fil-livell ġovanili tal-klabb tal-lokal, FC Echallens, qabel ma fl-1996 ingħaqad għal staġun ma' Lausanne-Sports. Fis-sajf tal-1997 issieħeb ma' Yverdon, tim mit-tieni diviżjoni Żvizzera. Magħhom għamel id-debutt professjonali tiegħu, fejn fi tliet snin deher total ta' 45 logħba. Fis-sena 2000 ingħaqad mal-ambizzjuż Lugano fejn magħhom lagħab il-kampjonat 2000–01, qabel ma għamel qabża ta' kwalità f'Jannar tas-sena ta' wara meta ttrasferixxa mal-klabb Ġermaniż ta' Werder Bremen.
Fl-ewwel tliet staġuni fil-Bundesliga ftit li xejn kien involut, fejn ġabar 20 preżenza u gowl wieħed. Mal-Werder irnexxielu jirbaħ il-kampjonat u t-Tazza Ġermaniża fl-istaġun 2003–04. Madanakollu, iż-żmien mal-klabb kien imtappan minn nuqqas ta' logħob ħabba li kien iweġġa' ta' spiss.
Fis-sajf tal-2005 ġie akkwistat minn VfB Stuttgart u fl-istaġun ta' wara rnexxielu jikseb it-tieni titlu nazzjonali tal-kampjonat personali, fejn għamel 22 dehra u skorja gowl wieħed, ironikament kontra l-eks-klabb tiegħu. L-istaġun 2009–10 ftit li xejn azzjoni mat-tim, u sabiex isalva postu mat-tim nazzjonali Żvizzeru għat-Tazza tad-Dinja 2010, iddeċieda li f'Jannar 2010 jingħaqad mal-klabb Żvizzeru ta' FC Zürich.
[editja] Internazzjonali
Fis-sena 2000, grazzi għall-prestazzjonijiet tajbin li beda juri ma' Lugano, ġie msejjaħ għall-ewwel darba mat-tim nazzjonali Żvizzeru, bid-debutt tiegħu jasal f'Awwissu kontra l-Greċja. Mat-tim nazzjonali pparteċipa fil-Kampjonati Ewropej 2004, fit-Tazza tad-Dinja 2006 u fil-Kampjonati Ewropej 2008 fejn għal dan tal-aħħar kien hu li libes il-faxxa ta' kaptan tat-tim wara li waqt il-kompetizzjoni weġġa' Alexander Frei.
[editja] Unuri
Werder Bremen
- Bundesliga (2003–04)
- DFB-Pokal (2004)
Stuttgart
- Bundesliga (2006–07)
[editja] Ħoloq esterni
- (Ġermaniż) Statistika tal-karriera fuq Fussballdaten.de
- Profil fuq national-football-teams.com
