Klaas-Jan Huntelaar

Minn Wikipedija, l-enċiklopedija l-ħielsa

Aqbeż lejn: navigazzjoni, fittex
Klaas-Jan Huntelaar Football pictogram.svg
Klaas Jan Huntelaar 2.jpg
Informazzjoni personali
Isem sħiħ Klaas Jan Huntelaar
Twelid 12 ta' Awwissu 1983 (1983-08-12) (età 26)
Voor-Drempt
Pajjiż Bandiera tal-Olanda Olanda
Tul 1.86 m
Rwol Attakkant
Informazzjoni fuq il-klabb
Klabb kurrenti AC Milan
Numru 11
Klabbs ġovanili
1988–1994
1994–2000
2000–2002		 v.v. H. en K.
De Graafschap
PSV
Klabbs professjonali
Snin Klabb Preż (Gwl)*
2002–2003
2003
2003–2004
2004–2005
2005–2009
2009
2009–		 PSV
→ De Graafschap (self)
→ AGOVV (self)
Heerenveen
Ajax
Real Madrid
AC Milan		 01 0(0)
09 0(0)
35 (26)
46 (33)
92 (76)
17 0(8)
00 0(0)   
Tim nazzjonali
2006– Olanda 23 (13)

Aġġornament: 09:51, 7 Awwissu 2009 (UTC)
* Preżenzi (Gowls)

Klaas-Jan Huntelaar (Voor-Drempt, 12 ta' Awwissu 1983) hu plejer tal-futbol professjonali Olandiż li jilgħab bħala attakkant mal-klabb Taljan ta' Milan u mat-tim nazzjonali Olandiż.

Huntelaar iħaddan teknika tajba u atletiċità,[1] u kapaċi jiskorja kull tip ta' gowls kemm b'rasu u abki b'saqajh. L-istil tiegħu ġie ikkomparat ma' dak ta' Marco van Basten[2] u Fernando Morientes.[3]

Il-kowċ veteran tat-tim nazzjonali tal-Olanda, Louis van Gaal, stqarr fuq il-plejer "ġewwa l-kaxxa l-kbira, hu hu l-aqwa plejer fid-dinja".[4] Imlaqqam bħala 'The Hunter',[4] Huntelaar lagħab għal PSV, De Graafschap, AGOVV, Heerenveen u Ajax, qabel ma f'Jannar tal-2009 ittrasferixxa lejn Real Madrid.[5]

Werrej

[editja] Karriera

[editja] Bidu tal-karriera

Huntelaar twieled f'Drempt, raħal fir-reġjun ta' Achterhoek ġewwa l-Olanda, imma mexa lejn Hummelo meta kellu biss sitt ġimgħat. Fl-età ta' ħames snin, Huntelaar flimkien maż-żewġ aħwa, ingħaqdu mat-tim lokali ta' v.v. H. en K. fejn lagħab magħhom għas-sitt snin ta' wara.

Il-prestazzjonijiet tiegħu laqqtu l-għajn tal-klabb ta' De Graafschap li fis-6 ta' April 1994 ipperswadewh biex jiffirma l-ewwel kuntratt tiegħu, meta kellu biss ħdax-il sena. Matul l-ewwel sentejn tiegħu ma' De Graafschap, Huntelaar lagħab f'diversi pożizzjonijiet fosthom fuq il-ġwejnħa x-xellugija, bħala midfilder offensiv, difensur xellugi u anki gowler; kien biss fit-tielet sena tiegħu li kabbar il-kredenzjali tiegħu bħala attakkant.

Fl-istaġun 1997–98, Huntelaar, li kellu erbatax-il sena, kien l-attakkant prinċipali tat-tim Ċ ata' De Graafschap fejn f'20 logħba skorja 33 gowl. L-istaġun segwenti rah jiġi promoss mat-tim B1, u fl-istaġun 1999–2000 sar l-aqwa skorer tal-kampjonat B1 b'31 gowl. L-abbilitajiet tiegħu attiraw l-attenzjoni ta' PSV Eindhoven, li sussegwentament kisbu l-firma tiegħu f'Ġunju tas-sena 2000.

[editja] Karriera mal-klabbs

[editja] PSV

Fl-ewwel staġun tiegħu ma' PSV, Huntelaar mill-ewwel stabilixxa lilu nnifsu bħala skorer prolifiku mat-tim ġovanili A1 taħt il-kowċ Willy van der Kuijlen, fejn sab ix-xibka 26 darba minn 23 logħba, fejn spiċċa wkoll l-aqwa skorer ta' dik is-sezzjoni. Fit-tieni staġun tiegħu ma' PSV, Huntelaar tniżżel mal-ewwel tim immexxi minn Guus Hiddink. Id-debutt tiegħu wasal fit-23 ta' Novembru 2002 fir-rebħa barra minn darhom ta' 3-0 fuq RBC Roosendaal, fejn daħal bħala sostitut għal Mateja Kežman fis-76 minuta.[6] Madanakollu, dan l-istaġun kellu jkun wieħed qares għalih minħabba li din kellha tkun l-unika dehra tiegħu.

[editja] De Graafschap

Lejn il-bidu tal-2003 kien jidher ċar li l-opportunitajiet mal-ewwel tim ta' Huntelaar kienu se jonqsu,[7][8] u b'hekk ġie msellef lill-klabb preċedenti tiegħu, De Graafschap, fejn hemmhekk kien hemm zijuh li kellu l-irwol ta' direttur finanzjarju.[9] Id-debutt mat-tim tal-kbar ta' De Graafschap wasal fit-8 ta' Frar 2003, bħala sostitut għal Han van de Haar kontra Roosendaal.[10] L-unika dehra mal-ewwel ħdax waslet fis-16 ta' Frar 2003 hekk kif De Graafschap sfaw megħluba 5–1 mill-klabb futuri tiegħu, SC Heerenveen.[11] L-aħħar apparenza tiegħu waslet fit-telfa tat-tim ta' nhar id-29 ta' Meju 2003, kontra Zwolle bl-iskor ta' 2–1, li kkonfermat ir-relegazzjoni mill-Eredivisie.[12] Fil-perjodu ta' self għamel disa' dehriet fil-kampjonat, imma ma skorja l-ebda gowl, b'De Graafschap jiddeċiedu li ma jestendux il-perjodu ta' self.[13]

[editja] AGOVV

Fil-bidu tal-istaġun 2003–04, Huntelaar intbagħat għal darb'oħra taħt self mat-tim promoss fl-Eerste Divisie ta' AGOVV immexxi minn Jurrie Koolhof.[14] L-istaġun ta' Huntelaar kien wieħed fenomenali, fejn barra li skorja fid-debutt tiegħu mal-klabb kontra TOP Oss, u tripletta fit-tieni partita tiegħu kontra Heracles Almelo, hu spiċċa wkoll bħala l-aqwa skorer ta' dik id-diviżjoni b'26 gowl minn 35 logħba. Fi tmiem l-istaġun ġie magħżul bħala l-Plejer tal-Istaġun tal-Eerste Divisie.

[editja] Heerenveen

Fi tmiem il-perjodu ta' self ma' AGOVV, Huntelaar irrifjuta li jiffirma kuntratt ġdid ma' PSV,[15] u minflok ingħaqad ma' Heerenveen għal somma ta' €100,000. Huntelaar beda l-istaġun 2004–05 billi skorja fid-debutt tiegħu ma' Heerenveen fl-Eredivisie kontra AZ, u sal-waqfa tax-xitwa kien diġà wasal sa 10 gowls fi 17-il logħba. L-istaġun intemm b'Huntelaar jiskorja 17-il gowl f'31 logħba, fejn għen lil Heerenveen jikkwalifikaw għat-Tazza UEFA. L-istaġun segwenti tal-2005–06, kompla bl-istess ritmu bħal ta' qablu, u sax-xitwa kien skorja 17-il gowl fi 15-il logħba, u dan wassal biex diversi klabbs kemm mill-Olanda u anke dawk minn barra l-ixtut bdew josservaw lil dan il-plejer. Finalment, Huntelaar iffirma ma' Ajax, il-klabb li kien jappoġġja meta kien għadu żgħir. Heerenveen irċivew €9 miljun flimkien ma' inċentivi futuri għall-plejer, bi 15 fil-mija (€1.35 miljun) tmur għal PSV,[16] b'riżultat tar-regola ta' kompensazzjoni imposta mill-FIFA.[17]

[editja] Ajax

Klaas-Jan Huntelaar ma' Ajax.

Huntelaar iddebutta ma' Ajax wara l-waqfa xitwija, u skorja l-ewwel gowl tiegħu mal-klabb kontra l-klabb preċedenti tiegħu, Heerenveen, fit-Tazza Olandiża.[18] Matul ix-xahar ta' Frar, Huntelaar sab ix-xibka disa' darbiet f'seba' partiti għal Ajax, fosthom kontra t-tim Taljan ta' Inter fid-debutt fil-kompetizzjoni taċ-Champions League.[19] Huntelaar temm l-istaġun bħala l-aqwa skorer għal Ajax b'sittax-il gowl f'sittax-il partita, minkejja li kien għadu kemm ingħaqad magħhom f'Jannar, u spiċċa wkoll bħala l-aqwa skorer tal-kampjonat bi 33 gowl staġjonali.[20] F'47 dehra hu skorja total ta' 44 gowl fil-kompetizzjonijiet kollha.

Fis-semifinali tat-Tazza Olandiża, Huntelaar skorja rovexxata biex kiseb il-pari fil-ħin miżjud tal-partita kontra Roda, biex il-partita marret għall-ħin supplementari. Ajax rebħu l-konfront 4–1, b'Huntelaar iżid it-tieni gowl personali fil-109 minuta.[21] Fil-finali, kontra PSV, Huntelaar skorja darbtejn biex għen lil Ajax jirbħu din it-tazza 2–1.[22] Huntelaar ingħata l-unur tat-Talent tas-Sena u l-Plejer tas-Sena ta' Ajax għall-2005–06.[23]

Huntelaar jiċċelebra r-rebħa ta' Ajax fit-Tazza Olandiża.

Huntelaar ġie msemmi bħala l-viċi-kaptan ta' Ajax għall-istaġun 2006–07.[24] Huntelaar skorja żewġ gowls fil-partita ta' kwalifika għall-UEFA Champions League kontra FC Copenhagen, fejn għen lit-tim jirbaħ l-ewwel leg barra minn daru bl-iskor ta' 2–1. Madanakollu, Ajax tilfu ġewwa darhom it-tieni leg bl-iskor ta' 2–0, u kellhom jikkuntentaw b'post fit-Tazza UEFA. Matul din il-kompetizzjoni, Huntelaar skorja seba' darbiet f'seba' partiti, fosthom fir-rebħa fit-tieni leg tar-rawnd tal-aħħar 32 kontra Werder Bremen, rebħa li ftit swiet minħabba li Ajax inqalgħu barra mill-kompetizzjoni. Fil-kampjonat kellhom jikkuntentaw bit-tien post, waqt li fit-Tazza Olandiża, Huntelaar skorja erba' gowls f'sitt partiti, fosthom il-gowl tal-pari fil-finali kontra AZ li spiċċat 1–1 wara l-ħin miżjud u dak supplementari. Ajax irnexxielhom iżommu t-tazza f'idejhom meta rebħu 7–8 wara l-għoti tal-penalties, b'Huntelaar jiskorja wieħed minnhom.[25]

Fl-2007–08 Ajax ġew eliminati miċ-Champions League fil-fażi ta' kwalifikazzjoni, b'Huntelaar jitlef penalty fl-ewwel leg kontra Slavia Praha.[26] Lanqas fit-Tazza UEFA ma gawdew minn fortuna hekk kif Dinamo Zagreb ħarġu rebbieħa fil-konfront dirett grazzi għall-gowls barra minn darhom, biż-żewġ gowls ta' Huntelaar ma jkunux biżżejjed biex jiżguraw il-progress f'din il-kompetizzjoni.[27] Fl-ewwel partita tal-istaġun tal-Eredivisie, Huntelaar skorja erba' gowls biex għen lit-tim jirbaħ lit-tim promoss ta' De Graafschap bl-iskor kbir ta' 8–1.[28] Wara l-irtirar ta' Jaap Stam f'Ottubru tal-2007, Huntelaar ingħata l-faxxa ta' kaptan, sakemm jirritorna l-midfilder esperjenzat Edgard Davids.[29] Fis-6 ta' April 2008, Huntelaar skorja l-100 gowl tiegħu fil-kampjonat bi tripletta fir-rebħa ta' 4–1 ta' Ajax fuq De Graafschap. Fil-25 sena ta' qabel, kienu biss Dennis Bergkamp u Dirk Kuyt li laħqu dan it-tragward qabel għeluq il-25 sena.[30] Huntelaar għalaq l-istaġun bi 33 gowl f'34 apparenza, l-aqwa skorer tal-Eredivise, u l-ewwel plejer ta' Ajax li qatt skorja 30 gowl fi staġun wieħed minn mindu Marco van Basten għamel dan fl-1986–87.[31][32]

Bil-wasla ta' Marco van Basten bħala kowċ ġdid ta' Ajax fil-bidu tal-istaġun 2008–09, Huntelaar ġie msemmi bħala l-kaptan permanenti.[33] Huntelaar skorja 9 gowls fi 15-il logħba f'kull kompetizzjoni qabel ma ġibed il-ligamenti ta' irkopptu nhar id-9 ta' Novembru 2008 waqt partita valida għall-kampjonat kontra Sparta Rotterdam.[34] Ma kellux jilgħab għal aktar minn tmien ġimgħat wara, fejn din kellha tkun l-aħħar partita ma' Ajax.[35]

[editja] Real Madrid

Fil-bidu ta' Diċembru 2008, Real Madrid laħqu qbil ma' Ajax għall-firma ta' Huntelaar fil-bidu tas-sena l-ġdida. Huntelaar ingħaqad ma' Real Madrid f'Jannar tal-2009 għal €20 miljun, somma li tista' titla' sa €27 miljun. Id-debutt tiegħu mal-klabb Madrilen wasal fl-4 ta' Jannar 2007 fil-partita kontra Villarreal.[36] Hu lagħab 56 minuta tal-partita u għamel erba' dehriet konsekuttivi minn fuq il-bank tas-sostituti, qabel ma fetaħ il-kont tiegħu mat-tim nhar il-15 ta' Frar 2009 fir-rebħa ta' 4–0 kontra Sporting Gijon.[37] Real Madrid kienu lesti li jżidu mal-iskwadra tagħhom għaċ-Champions League 2008–09 liż-żewġ akkwisti l-ġodda, Huntelaar u Lassana Diarra, imma ż-żewġ plejers kienu diġà lagħbu fl-istess staġun fit-Tazza UEFA għal Ajax u Portsmouth rispettivament. Ir-regoli tal-UEFA jimplikaw li wieħed biss mit-tnejn jista' jiġi rreġistrat[38][39] sal-1 ta' Frar 2009, u l-midfilder difensiv Diarra ġie magħżul biex jilgħab fil-kompetizzjoni.[40] Huntelaar temm in-nofs staġun tiegħu ma' Real Madrid bi 8 gowls f'20 dehra.[41]

[editja] AC Milan

Nhar is-6 ta' Awwissu, AC Milan waslu fi qbil ma' Real Madrid fuq it-trasferiment tal-plejer għal €15-il miljun,[42][43] suġġett għall-eżamijiet mediċi fis-7 ta' Awwissu 2009. Hu iffirma kuntratt ta' erba' snin mat-tim Minalist.[44]

[editja] Internazzjonali

Dirk Kuyt ma' Huntelaar waqt taħriġ mat-tim Olandiż qabel il-bidu tal-Euro 2008.

Wara l-prestazzjonijiet tiegħu mat-tim nazzjonali Olandiż ta' taħt il-21 sena, Huntelaar intgħażel minn Marco van Basten għall-partita ta' ħbiberija kontra r-Repubblika tal-Irlanda tas-16 ta' Awwissu 2006. Huntelaar, fid-debutt tiegħu, skorja żewġ gowls u pprova żewġ assist fir-rebħa ta' 4–0 tal-Olanda,[45] biex b'hekk sar l-ewwel plejer li skorja fid-debutt internazzjonali tiegħu minn mindu Dick Nanninga irrepeta dan il-pass fl-1978.[46]

Wara li għal numru ta' partiti ma kienx magħżul fost l-iskwadra, hu reġa' ngħata sejħa f'Ottubru tal-2007 għall-partita ta' kwalifika għall-Kampjonati Ewropej 2008 kontra r-Rumanija u l-Islovenja.[47] Minħabba s-sospensjoni ta' Ruud van Nistelrooy, Huntelaar kien mal-ewwel ħdax u skorja l-ewwel gowl internazzjonali kompetittiv fir-rebħa kontra l-Islovenja bl-iskor ta' 2–0.[48] Huntelaar kien inkluż fl-iskwadra Olandiża għall-fażi finali tal-Kampjonati Ewropej 2008, fejn matul dawn il-kampjonati skorja darba fl-unika apparenza tiegħu fl-aħħar partita ta' Grupp Ċ kontra r-Rumanija, b'riżultat finali ta' 2–0.[49]

Bl-irtirar mix-xena internazzjonali ta' Ruud van Nistelrooy, Huntelaar sar l-ewwel għażla fuq l-attakk għall-kowċ il-ġdid Bert van Marwijk għall-fażi ta' kwalifikazzjoni għat-Tazza tad-Dinja 2010. Huntelaar, s'issa irnexxielu jiskorja 13-il gowl minn 21 apparenza mat-tim nazzjonali.

[editja] Statistika

[editja] Klabb

Prestazzjoni mal-labb Kampjonat Tazza Playoffs Kontinentali Total
Staġun Klabb Kampjonat App Gowls App Gowls App Gowls App Gowls App Gowls Medja
2002–03 PSV Eredivisie 1 0 – – – 1 0 0
De Graafschap 9 0 – – – 9 0 0
2003–04 AGOVV Eerste Divisie 35 26 3 1 – – 38 27 0.71
2004–05 Heerenveen Eredivisie 31 16 1 0 – 7 3 39 19 0.49
2005–06 15 17 1 1 – 6 2 22 20 0.91
Ajax 16 16 3 5 4 2 2 1 25 24 0.96
2006–07 32 21 6 4 4 2 9 9 51 36 0.71
2007–08 34 33 3 1 4 0 4 2 45 36 0.8
2008–09 10 6 1 1 – 4 2 15 9 0.6
Real Madrid La Liga 20 8 – – – 20 8 0.4
Total tal-karriera 203 143 18 13 12 4 32 19 265 179 0.68

Korretti sat-22 ta' April 2009.

[editja] Internazzjonali

Tim nazzjonali Sena Ħbiberija Kompetittivi Total
App Gowls App Gowls App Gowls Medja
Olanda 2006 2 2 2 0 4 2 0.5
2007 3 0 2 1 5 1 0.2
2008 5 5 4 2 9 7 0.78
2009 1 1 2 2 3 3 1
Total tal-karriera 11 8 10 5 21 13 0.62

Korretti sal-1 ta' April 2009.

[editja] Unuri

[editja] Klabb

Bandiera tal-Olanda Ajax

[editja] Internazzjonali

[editja] Individwali

  • L-Aqwa Skorer tal-Eerste Divisie: 2003–04
  • Plejer tas-Sena tal-Eerste Divisie: 2003–04
  • Talent tas-Sena tal-Eredivisie: 2005–06
  • L-Aqwa Skorer tal-Kampjonati Ewropej ta' taħt il-21 sena: 2006
  • L-Aqwa Skorer tal-Eredivisie: 2005–06, 2007–08

[editja] Referenzi

  1. ^ The Hunter's pursuit of excellence. FIFA.com (23-01-2007). Aċċessata nhar il-07-04-2008.
  2. ^ Huntelaar follows Van Basten. UEFA.com (04-04-2008). Aċċessata nhar il-07-04-2008.
  3. ^ Huntelaar class shines through (Ingliż). UEFA.com (13-01-2006). Aċċessata nhar il-15-10-2007.
  4. ^ a b Huntelaar, the new Dutch goal machine (Ingliż). The Independent (28-03-2009). Aċċessata nhar il-28-03-2009.
  5. ^ Real Madrid C.F and AFC Ajax reach agreement for transfer of player (Ingliż). Realmadrid.com (02-12-2008). Aċċessata nhar il-01-01-2009.
  6. ^ RBC Roosendaal - PSV (23-11-2002) (Olandiż). PSV Eindhoven (23-11-2002). Aċċessata nhar il-24-09-2007.
  7. ^ PSV looking to loan out kids (Ingliż). Sky Sports (28-04-2003). Aċċessata nhar il-22-03-2009.
  8. ^ Huntelaar class shines through (Ingliż). UEFA.com (13-01-2006). Aċċessata nhar il-15-10-2007.
  9. ^ De Graafschap herdenkt Cor Huntelaar groots (Olandiż). Soccernews.nl (15-03-2008). Aċċessata nhar il-16-03-2008.
  10. ^ 08-02-2003 - RBC Roosendaal - De Graafschap (1-0) (Ingliż). De Graafschap (28-02-2003). Aċċessata nhar il-24-09-2007.
  11. ^ 16-02-2003 - De Graafschap - SC Heerenveen (1-5) (Olandiż). De Graafschap (16-02-2003). Aċċessata nhar il-24-09-2007.
  12. ^ 29-05-2003 - FC Zwolle - De Graafschap (2-1) (Olandiż). De Graafschap (29-05-2003). Aċċessata nhar il-24-09-2007.
  13. ^ De Graafschap ziet af van langer huren van Huntelaar (Olandiż) (21-06-2003). Aċċessata nhar il-24-09-2007.
  14. ^ Klaas-Jan Huntelaar profiel (Ingliż) (10-09-2007). Aċċessata nhar il-24-09-2007.
  15. ^ Classy Huntelaar thinking big (Ingliż). FIFA.com (01-10-2007). Aċċessata nhar il-19-10-2007.
  16. ^ Transfer completed: Huntelaar to join Ajax for 4.5 years (Ingliż). Ajax USA (29-12-2005). Aċċessata nhar il-23-08-2007.
  17. ^ FIFA Regulations for the Status and Transfer of Players (Ingliż). FIFA.com (01-07-2005). Aċċessata nhar il-19-03-2009.
  18. ^ Ajax naar halve finale Gatorade Cup door zege op Heerenveen (Olandiż). Ajax Online (02-02-2006). Aċċessata nhar il-23-08-2007.
  19. ^ Inter recovery pegs back Ajax (Ingliż). UEFA.com (22-02-2006). Aċċessata nhar il-23-08-2007.
  20. ^ Huntelaar evenaart topscorer Cruijff (Olandiż). KNVB (17-14-2006). Aċċessata nhar il-23-08-2007.
  21. ^ Ajax naar bekerfinale na zinderend duel tegen Roda (Olandiż). Ajax Online (22-03-2006). Aċċessata nhar il-23-08-2007.
  22. ^ Huntelaar bezorgt Ajax met twee doelpunten de beker (Olandiż). Ajax Online (07-05-2006). Aċċessata nhar il-23-08-2007.
  23. ^ Huntelaar gekozen tot beste talent (Olandiż). Sportweek (03-05-2006). Aċċessata nhar il-15-10-2007.
  24. ^ Stam nieuwe aanvoerder Ajax, Perez vice-captain (Olandiż). Ajax Online (11-07-2006). Aċċessata nhar il-01-11-2007.
  25. ^ Ajax claim KNVB Cup after 120 minutes and 16 penalties (Ingliż). Ajax USA (06-05-2007). Aċċessata nhar il-23-08-2007.
  26. ^ Slavia make Ajax pay the penalty (Ingliż). UEFA.com (15-08-2007). Aċċessata nhar il-23-08-2007.
  27. ^ Ajax follow French pair out of Europe (Ingliż). UEFA.com (04-10-2007). Aċċessata nhar il-05-10-2007.
  28. ^ Timely boost for four-goal Huntelaar (Ingliż). UEFA.com (20-08-2007). Aċċessata nhar il-20-08-2007.
  29. ^ Huntelaar aanvoerder in bekerduel (Olandiż). AT5 (31-10-2007). Aċċessata nhar il-01-11-2007.
  30. ^ Strikers toast milestone moments (Ingliż). FIFA.com (09-04-2008). Aċċessata nhar il-25-03-2009.
  31. ^ Klass Jan Huntelaar factfile (Ingliż). espnstar.com (03-12-2008). Aċċessata nhar il-25-03-2009.
  32. ^ Topscorers (2) (Olandiż). Ajax.nl (31-05-2008). Aċċessata nhar il-31-05-2008.
  33. ^ Huntelaar to captain Ajax (Ingliż). Ajax.nl (16-07-2008). Aċċessata nhar il-16-07-2008.
  34. ^ Huntelaar tears ankle ligament (Ingliż). Ajax.nl (10-11-2008). Aċċessata nhar il-03-04-2009.
  35. ^ Huntelaar Blow For Ajax (Ingliż). Goal.com (10-11-2008). Aċċessata nhar il-03-04-2009.
  36. ^ Klaas Jan Huntelaar Game Logs (Ingliż). SI.com (22-03-2009). Aċċessata nhar il-03-04-2009.
  37. ^ Sporting Gijon 0–4 Real Madrid (Ingliż). ESPN Soccernet (15-02-2009). Aċċessata nhar il-23-03-2009.
  38. ^ UEFA decision on Real Madrid (Ingliż). UEFA.com (08-01-2009). Aċċessata nhar il-08-01-2009.
  39. ^ UEFA Appeals Body decision on Real Madrid (Ingliż). UEFA.com (13-01-2009). Aċċessata nhar il-13-01-2009.
  40. ^ Definitive Champions League list (Ingliż). Realmadrid.com (02-02-2009). Aċċessata nhar il-02-02-2009.
  41. ^ Huntelaar is the real deal (Ingliż). Sporting Life (23-03-2009). Aċċessata nhar il-23-03-2009.
  42. ^ Huntelaar transferred to AC Milan (Ingliż), Realmadrid.com, 06-08-2009 (Aċċessata nhar il-07-08-2009).
  43. ^ A.C. MILAN: KLAAS-JAN HUNTELAAR, AGREEMENT WITH REAL MADRID, Acmilan.com, 06-08-2009 (Aċċessata nhar il-07-08-2009).
  44. ^ A.C. MILAN COMUNICATO UFFICIALE (Taljan), ACMilan.com, 07-08-2009 (Aċċessata nhar il-07-08-2009).
  45. ^ Republic of Ireland 0-4 Holland (Ingliż). BBC Sport (16-08-2006). Aċċessata nhar il-16-09-2007.
  46. ^ Huntelaar scoort tweemaal bij debuut (Ingliż). Ajax.nl (16-08-2006). Aċċessata nhar il-16-08-2006.
  47. ^ Huntelaar and Robben recalled (Ingliż). Sky Sports (05-10-2007). Aċċessata nhar il-16-10-2007.
  48. ^ Netherlands near finals goal with win. UEFA.com (17-10-2007). Aċċessata nhar il-18-10-2007.
  49. ^ Chowdhury, Saj. France 0-2 Italy & Netherlands 2-0 Romania (Ingliż), BBC Sport, 2008-06-17 (Aċċessata nhar il-18-06-2008).

[editja] Ħoloq esterni

Commons-logo.svg
Wikimedia Commons għandha fajls multimedjali relatati ma':
a • d • m
AC Milan – skwadra kurrenti

1 Dida · 4 Kaladze · 5 Flamini · 7 Pato · 8 Gattuso · 9 Inzaghi · 10 Seedorf · 12 Abbiati · 13 Nesta · 14 Onyewu · 15 Zambrotta · 16 Kalac · 18 Jankulovski · 19 Favalli · 20 Abate · 21 Pirlo · 22 Borriello · 23 Ambrosini · 25 Bonera · 30 Storari · 33 Thiago Silva · 44 Oddo · 49 Di Gennaro · 51 Strasser · 77 Antonini · 80 Ronaldinho · 14 Cardacio · 20 Viudez · 24 Huntelaar · Kowċ: Leonardo

Miġjub minn "http://mt.wikipedia.org/wiki/Klaas-Jan_Huntelaar"