Kate Ryan

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Kate Ryan
Isem sħiħ Katrien Verbeeck
Twieled 7 ta' Ottubru 1980 (1980-22-07) (31 sena)
Oriġini Tessenderlo, Belġju
Ġeneru Pop, dance, eurodance, trance, elettronika
Snin ta' attività 2001–preżent
Sit uffiċjali www.kateryan.be

Katrien Verbeeck, magħrufa aħjar bħala Kate Ryan (Tessenderlo, 22 ta' Lulju 1980), hi kantanta Belġjana. Hi bdiet il-karriera mużikali fl-2001 u rrapreżentat lill-Belġju fil-Festival tal-Eurovision 2006 bil-kanzunetta "Je t'adore" fejn spiċċat fit-tnax-il post fis-semifinali.

Werrej

[editja] Bijografija

[editja] Snin tal-bidu

Ryan twieldet fit-22 ta' Lulju 1980 fil-villaġġ żgħir ta' Tessenderlo fil-Belġju. Hi kibret qalb familja tal-arti, u wriet talent mużikali minn età tenera. Ta' tmien snin hi tgħallmet il-pjanu u l-kitarra, u kienet kapaċi li ddoqq kull ħaġa li kienet tisma' fuq ir-radju. Hi kellha lezzjonijiet tal-kant u tal-pjanu minn zijitha li kienet tgħallem f'konservatorju. Hi studjat fi skola tal-arti, fejn speċjalizzat fid-disinji tal-ġojjelerija. Kate għexet xi żmien f'Meerhout, f'raħal żgħir qrib Tessenderlo[1]

Bħala adoloxxenta hi kienet sikwit tkanta f'bars u postijiet oħra, u lejl minnhom maniġer resaq lejha u pproponielha biex tirrekordja kanzunetta fi studjo. Hi saret membru ta' grupp pop li kien iġib l-isem ta' Melt f'età ta' sittax-il sena. Il-grupp kien attiv għal sentejn, imma ma ħarġu l-ebda kanzunetta kummerċjali. Meta hi ltaqgħet mal-produttur Andy Janssens, it-inejn bdew jiktbu kanzunetti flimkien lejn triq ta' karriera bħala solista. L-album debuttanti kien "Scream For More" li kien ħareġ fl-2001, u ġab suċċess mhux mistenni fil-klassifiki.[1]

[editja] Karriera

Hi kisbet prominenza internazzjonali bis-silta "Désenchantée" ta' Mylène Farmer, li kienet suċċess f'diversi pajjiżi Ewropej. Hi ngħaqdet ma' EMI Belgium u ħarġet l-ewwel album li kien iġib l-isem ta' Different fl-2002 esklussivament fl-Ewropa. L-album biegħ aktar minn 250,000 kopja fl-Ewropa.

Dan sar popolari biżżejjed fl-Istati Uniti biex diversi konsumaturi li jiffavorixxu l-mużika dance-pop xtraw ukoll dan l-album. Fis-17 ta' Lulju 2001 hi ħarġet is-silta "Scream For More". Din kisbet suċċess f'diversi radjijiet u klabbs. Il-kanzunetta ta' wara kienet "Desenchantee/U R My Love" li kienet maħruġa wkoll minn Robbins Entertainment. Din ukoll għamlet suċċess u biegħet aktar mis-silta preċedenti.

Fl-2004, Ryan ħarġet it-tieni album fl-Ewropa u fl-2005 ġewwa l-Amerika ta' Fuq , bit-titlu ta' Stronger, fejn minkejja li għamel suċċess fil-klassifiki dance permezz ta' "Another Day" u "Let it Rain", hu falla li jagħmel impressjoni fuq il-klassifiki tal-pop minħabba promozzjoni fqira. Fl-2006, hi rrappreżentat lill-Belġju fil-Festival tal-Eurovision 2006, fejn kantat "Je t'adore". Madanakollu, hi spiċċat eliminata fis-semifinali, fejn spiċċat żewġ postijiet wara l-ewwel għaxra li kellhom jgħaddu. Dan ma kienx mistenni, minħabba l-fatt illi hi kienet ikkunsidrata fost dawk li kienu se jittrijunfaw fis-serata finali. Flimkien mal-eliminazzjoni tal-Estonja u Ċipru, din kienet l-ikbar xokk tal-edizzjoni tal-2006. Il-kanzunetta xorta waħda baqgħet popolari anke jekk naqset li tagħmel suċċess fil-Eurovision.

Kate Ryan waqt iċ-ċerimonja tal-ftuħ tal-EuroGames

Fl-14 ta' Awwissu 2006, ġie imħabbar li Ryan kienet se toħroġ il-kanzunetta "Je t'adore" fir-Renju Unit b'verżjonijiet oħra minn Credheadz, imma ġiet posposta, ftit żmien qabel ma saret il-publikazzjoni tagħha. Minkejja dan kollu, il-kanzunetta gawdiet suċċess kbir qalb l-istazzjonijiet mużikali tar-Renju Unit.

Il-kanzunetta segwenti kienet "Alive", li kienet mill-album li kien iġib l-istess isem, li jinvolvi wkoll verżjonijiet Franċiżi ta' diversi kanzunetti li jinkludu lil "Je t'adore", "Alive" u "All For You".

Fl-2007, hi kellha suċċess bil-kanzunetta doppja "Voyage Voyage"/"We All Belong". Il-kanzunetta "Voyage, Voyage" hi l-verżjoni ta' Kate Ryan tal-kanzunetta minn Desireless li kienet kisbet suċċess fl-Ewropa fis-sena 1987, u "We All Belong" kienet intgħażlet bħala l-innu uffiċjali tal-EuroGames 2007 li saru f'Antwerp.

Fl-2008, Kate ħarġet żewġ kanzunetti: L.I.L.Y. (Like I Love You) u wara Ella, Elle L'a. Dawn iż-żewġ siltiet (flimkien ma' Voyage Voyage) kienu nklużi fl-album Free, li ħareġ fit-30 ta' Mejju 2008. L-album għandu wkoll dwett mal-kantanta Spanjola Soraya Arnelas.

Fid-9 ta' Novembru 2008, f'Monako Kate Ryan rebħet l-unur prestiġjuż fil-World Music Awards bħala l-iktar artista li biegħet fil-Benelux.



[editja] Diskografija

Sena Titlu Pożizzjonijiet fil-klassifiki Ċertifikazzjoni / Bejgħ Ċertifikazzjoni singoli / Bejgħ
BEL DEU ESP SUI AUT SWE DNK NLD FIN POL PRT
2002 Different 8 23 24 14 26 17 22 88 36 1 18
  • SWI: Deheb (20,000+)
  • ESP: Deheb (50,000+)
  • POL: Platinu (20,000+)
  • EUR: - (250,000+)
  • BEL: Désenchanteé 2x Platinu (40,000+)
    Mon coeur résiste encore Deheb (10,000+)
    Libertine Deheb (10,000+)
  • FR: Désenchanteé (150.000+)
  • EUR: Désenchanteé (600.000+)
2004 Stronger 22 13 63 14 43 – – – – 11 –
  • POL: Deheb (10,000+)
2006 Alive 13 73 – 73 – – – – – – –
  • BEL: Je t'adore Deheb (10,000+)
2008 Free 4 47 26 96 – 35 – 66 – 20 –
  • POL: Deheb (10,000+)
  • EUR: - (200,000+)
  • BEL: Voyage Voyage Deheb (10,000+)
  • EU: Ella, elle l'a (500,000+)
  • ESP: Ella, elle l'a 10x Platinu (200,000+) [2]
  • SWE: Ella, elle l'a Deheb (10,000+)
  • BEL: I Surrender Deheb (15,000+)

[editja] Referenzi

  1. ^ a b (Ingliż) Biography. kateryan.com. Aċċess tal-URL: 06-05-2008.
  2. ^ http://www.promusicae.es/listastonos/listas/Top%2020%20Week%203908.pdf

[editja] Ħoloq esterni

Commons-logo.svg Wikimedia Commons għandha fajls multimedjali li għandhom x'jaqsmu ma': Kate Ryan
Miġjub minn "http://mt.wikipedia.org/w/index.php?title=Kate_Ryan&oldid=169702"
Għodda personali
Spazji tal-isem

Varjanti
Azzjonijiet
Navigazzjoni
Komunità
Għodda
F'lingwi oħrajn