Ingólfr Arnarson

Minn Wikipedija, l-enċiklopedija l-ħielsa
Aqbeż lejn: navigazzjoni, fittex
Ingólfr jagħti l-kmand sabiex jittellgħu l-pilastri tat-tron tiegħu. Ingolf tager Island i besiddelse – Johan Peter Raadsig (1850)

Ingólfur Arnarson[1] huwa rikonoxxut bħala l-ewwel kolonizzatur Nordiku permanenti tal-Iżlanda. Skont il-kronaka tal-istabbiliment Skandinavu fl-Iżlanda, il-Landnámabók (miktub tlieta jew erba' mitt sena wara l-kolonizzazzjoni), Ingólfur bena l-fabbrika tiegħu f'Rejkjavik fis-sena 874,[2] u dan ta l-bidu għall-era tal-kolonizzazzjoni li dam sad-930.

Il-kronakista Medjevali Ari Thorgilsson qal li Ingólfr kien l-ewwel Nordiku fl-Iżlanda, imma semma li "Papar", jiġifieri patrijiet u eremiti Irlandiżi, kienu diġà ġew fil-pajjiż qabel il-poplu Nordiku. Huwa kiteb li dawn ħallew il-post minħabba li ma riedux jgħixu qalb in-nies pagani li waslu.

Il-Landnámabók jinkludi storja twila dwar il-kolonizzazzjoni ta' Ingólf. Il-ktieb jistqarr li hu ħalla n-Norveġja wara li kien involut f'argument maħruq. Hu kien sema bi gżira ġdida li Garðarr Svavarsson, Flóki Vilgerðarson u oħrajn sabu fl-Oċean Atlantiku. Flimkien ma' ħuh tar-rispett Hjörleifr Hróðmarsson hu baħħar lejn l-Iżlanda. Meta lemaħ l-art, hu tefa' l-pilastri tat-tron fil-baħar (bħala sinjal li kien il-kap tal-grupp) u wiegħed li jgħix fejn l-allat jiddeċiedu li jwasslu dawn il-pilastri. Tnejn mill-iskjavi tiegħu fittxew il-kosti għal tliet snin sakemm sabu l-pilastri fil-bajja żgħira li kellha issir Rejkjavik. Sadanittant, Hjörleifr kien ġie maqtul mill-ilsiera Irlandiżi minħabba li kien jaħqarhom. Ingólfr b'vendetta qatilhom fil-Gżejjer Vestman (bl-Iżlandiż Vestmannaeyjar, imsemmi wara l-iskjavi).

Jingħad li Ingólfur ikkolonizza l-biċċa l-kbira tal-Lbiċ tal-gżira, imma ismu minn dakinhar spiċċa jidher fil-kronaki. It-tifel tiegħu, Thorsteinn Ingólfsson kien kap kbir u lilu hi attribwita l-ewwel assemblea politika tal-gżira ("þing"), il-predeċessur ta' dak li llum huwa l-Althing (parlament Iżlandiż).

L-isem Ingólfur ġej minn Nordiku Antik li jfisser "alla lupu" ("Ing" = "alla" + "úlfr" = "lupu").

Referenzi[editja]

  1. ^ L-Iżlandiż modern jispelli l-isem bl-ittra ‹u›: Ingólfur Arnarson.
  2. ^ Sejbiet arkeoloġiċi riċenti jissuġġerixxu li l-kolonizzazzjoni setgħet bdiet xi ftit qabel, però d-data mhix 'il bogħod ħafna.

Ħoloq esterni[editja]