Għajnuna:Gwida essenzjali/Paġni ta' diskussjoni

Il-paġni ta' diskussjoni huma funzjonalità fundamentali tal-Wikipedija, li jippermettu lill-Wikipedjani biex jiddiskutu u jiddjalogaw flimkien fuq l-artikli u affarijiet ikkonċernati.

Jekk ridt tistaqsi mistoqsija fuq xi artiklu, jew jekk għandek xi kumment, int tista' tagħmel dan fuq il-paġna ta' diskussjoni ta' l-artiklu. Dan jista' jsir billi tagħfas "diskussjoni" fuq il-menù ta' fuq kull artiklu. Tinkwetax jekk il-link ikun aħmar; mhuwiex ħażin li tikkrea paġna ta' diskussjoni li għadha ma teżistix.

Meta tibgħat kumment ġdid, poġġih fl-aħħar tal-paġna ta' diskussjoni. Hemm eċċezzjoni fejn wieħed ikun jista' jikteb taħt ir-rimarki ta' ħaddieħor, biex jirrispondih. Tista' ddaħħal il-kumment tiegħek il-ġewwa billi fil-bidu tal-linja tittajpja ż-żewġ punti (:).

Int trid tiffirma l-kummenti tiegħek billi tikteb jew ~~~ għall-isem ta' l-utent tiegħek biss, jew ~~~~ għall-isem ta' l-utent tiegħek u l-ħin tal-firma. B'dan il-mod, meta issalva paġna, il-firma tiegħek tidher awtomatikament. Jekk ma tagħmilx dan, il-kummenti xorta jidhru imma mingħajr ismek. Ħafna minna jużaw firma bil-ħin biex ikun aktar faċli li ssegwi d-diskussjoni. Għall-konvenjenza tiegħek, hemm buttuna fil-kaxxa tal-modifika b'ikona tal-firma li awtomatikament iddaħallek "--~~~~".

Int jista' jkollok isem ta' l-utent billi tikkrea kont (100% b'xejn). Jekk m'għandekx kont, jew għandek wieħed u ma dħaltx fih, l-indirizz ta' l-IP tal-kompjuter hu wżat minflok.

Paġni ta' diskussjoni ta' l-utent

Kull Wikipedjan għandu paġna ta' diskussjoni ta' l-utent, fejn Wikipedjani oħra jkunu jistgħu jħallu l-messaġġi tagħhom. Jekk xi ħadd ħallielek messaġ, int tara nogħta tgħidlek "Għandek messaġġi ġodda", b'link għall-paġna ta' diskussjoni personali.

Int tista' tirrispondi b'żewġ modi. Jew tpoġġi messaġġ fuq il-paġna ta' diskussjoni tal-persuna li qed tirrispondih, jew li tpoġġi r-risposta fuq il-paġna ta' diskussjoni tiegħek taħt il-messaġġ oriġinali. It-tnejn li huma huma komuni fuq il-Wikipedija; madanakollu, kun konxju li jekk tirrispondi fuq il-paġna ta' diskussjoni ta' l-utent tiegħek ma tinqarax, jekk l-utent ma jerġax jara l-paġna ta' diskussjoni tiegħek. Jekk tagħżel dan il-mod, hi idea tajba li tikteb nota fin-naħa ta' fuq tal-paġna ta' diskussjoni tiegħek biex b'hekk in-nies ikunu jafu li jridu jżommu għajn fuqha.

Indentazzjoni

L-indentazzjoni ttejjeb l-istil tal-paġna ta' diskussjoni fejn tagħmilha aktar faċli biex tinqara. Il-prattika standàrd hu li tagħmel livell iktar il-ġewwa milli dak użat mill-persuna.

Hemm diversi modi ta' indentazzjoni fuq il-Wikipedija.

Lista indentata

L-aktar mod faċli li tagħmel indentazzjoni hu li tpoġġi ż-żewġ punti (:) fil-bidu tal-linji. Aktar ma tpoġġi żewġ punti, aktar it-test jindenta l-ġewwa. Linja ġdida (billi tagħfas Enter jew Return) timmarka t-tmiem tal-paragrafu indentat.

Per eżempju:

Din hi identata fuq ix-xellug.

: Din hi indentata ftit aktar.

:: Din hi identata aktar.

li tidher hekk:

Din hi identata fuq ix-xellug.

Din hi indentata ftit aktar.

Din hi identata aktar.

Lista puntata

Tista' tuża' wkoll il-punti biex tindenta, fejn dawn huma wżati ħafna drabi fil-listi. Biex iddaħħal punt, uża tagħrifa (*). Bħall-indentazzjoni normali, aktar ma tagħmel tagħrifiet quddiem il-paragrafu aktar ikun hem indentazzjoni.

Eżempju żgħir:

* L-ewwel artiklu tal-lista

* It-tieni artiklu tal-lista

** Sotto-artiklu tal-lista

* It-tielet artiklu tal-lista

Li tagħti dan ir-riżultat:

• L-ewwel artiklu tal-lista
• It-tieni artiklu tal-lista
  • Sotto-artiklu tal-lista
• It-tielet artiklu tal-lista

Lista numerata

Tista' wkoll tuża' l-lista numerata. Għal din, trid tuża' l-karattru (#). Din hi ħafna drabi wżati fis-sondaġġi u fil-votazzjoni. Għal darb'oħra, tista' taffettwa l-indentazzjoni tan-numru bin-numru ta' karattri li tuża'.

Eżempju:

# L-ewwel artiklu tal-lista

# It-tieni artiklu tal-lista

## Sotto-artiklu tal-lista

# It-tielet artiklu tal-lista

Li tidher hekk:

1. L-ewwel artiklu tal-lista
2. It-tieni artiklu tal-lista
   1. Sotto-artiklu tal-lista
3. It-tielet artiklu tal-lista

Ipprova ara xi paġni ta' diskussjoni: agħfas fuq "editja" u hemmhekk tista' tara' l-fonti tal-kodiċi tal-paġna u tifhem aħjar kif l-utenti jużaw il-karatteristiċi li tkellimna fuqhom.